Read Original Shona Union Bible 1949 Baiberi Magwaro Matȿene aMŋari Isaya 32 Bible Online

Isaya 32 - Original Shona Union Bible 1949 Baiberi Magwaro Matȿene aMŋari bible

Isaya 32

¹Tarirai, mambo ucaɓata ʋushe nokururama, macinda acaɓata aciruramisira.

²Munhu mumŋe nomumŋe ucaʋa soʋutiziro pamhepo, seciʋando pakunaya kukuru kwemvura, senzizi dzemvura panɀimbo yakawoma, somumvuri weɗombo guru panyika yafa nenyota.

³Meso aʋanoʋona haaŋgatsinzini, nzeʋe dzaʋanonzwa dzicaterera.

⁴Mŋoyo yaʋanotaura ʋasiŋgaraŋgariri ɀakanaka icanzwisisa ziʋo, marimi aʋanokakamira acaziʋa kutaura ɀakanaka.

⁵Ƃenzi haricazonzi munhu wakakudzwa, munyeŋgeri haaŋganzi mukomboreri.

⁶Nokuti ɓenzi rinotaura ɀoʋupenzi, mŋoyo waro unoita ɀakaipa, ɀaanoita ɀinomhura Mŋari, nokureʋa ɀiŋgarasha ʋanhu pamsoro paJehova, ɀaanorega kugutisa mŋeya waʋanenzara, nokushaisa ʋanenyota cinonwiwa.

⁷Mitoʋo yomunyeŋgeri yakaipa; unofuŋga mano akaipa, kuti aparadze ʋanyoro namashoko enhema, kunyaŋge unoshaiwa acitaura ɀakanaka.

⁸Asi wakarurama unofuŋga ɀinhu ɀakarurama; unorambira panzira yeɀakarurama.

⁹Simukai, imi ʋakadzi ʋagere ɀakanaka, munzwe inzwi raŋgu; imi ʋakunda ʋasinehanya, tererai kutaura kwaŋgu.

¹⁰Nokuti kana kwapfuʋura gore namazuʋa, mucatambudzika, imi ʋasinehanya; nokuti kukohwiwa kwamazambiriŋga kucakona, ŋguʋa yokuʋuŋganidza haiŋgaȿiki.

¹¹Ƌeɗerai, imi ʋakadzi ʋagere ɀakanaka; tambudzikai, imi ʋasinehanya; ɀifukurei, mubvise ŋguʋo dzenyu, muɀisuŋge ɀiʋuno namakudza.

¹²Ʋacaɀiroʋa ɀifuʋa nokuɗa kweminda yaifadza, nomuzambiriŋga waiɓereka ɀakanaka.

¹³Panyika yaʋanhu ʋaŋgu pacamera minzwa norukato; ɀirokwaɀo, pamsoro pedzimba dzose dzomufaro muguta romufaro.

¹⁴Nokuti imba yamambo icasiyiwa, guta rinaʋanhu ʋazhinji ricaita ɗoŋgo; cikomo nenhare ɀicashanduka mapako nokusiŋgaperi, panofara mbizi, namafuro eɀipfuwo;

¹⁵kuȿikira mŋeya uciɗururwa pamsoro peɗu ucibva kumsoro, renje rikaita munda unoɓereka ɀakanaka, nomunda unoɓereka ɀakanaka ucinzi iɗondo.

¹⁶Ipapo kururamisira kucagara murenje, kururama kucagara mumunda unoɓereka ɀakanaka.

¹⁷Ƃasa rokururama ricaʋa rugare, ɀiɓereko ɀokururama ɀicaʋa kunyarara nokutenda nokusiŋgaperi.

¹⁸Ʋanhu ʋaŋgu ʋacagara paʋugaro ʋunorugare, napadzimba dzakasimba, napanɀimbo dzokuzorora dzakadzikama.

¹⁹Asi cimvuramabge cicaʋa’po kana ɗondo riciwa, neguta ricaparadzwa cose.

²⁰Makaropafadzwa imi munokusha pose panemvura, munosundira makumbo enzombe neemboŋgoro.