Read Original Shona Union Bible 1949 Baiberi Magwaro Matȿene aMŋari Isaya 33 Bible Online

Isaya 33 - Original Shona Union Bible 1949 Baiberi Magwaro Matȿene aMŋari bible

Isaya 33

¹Unenhamo, iwe unoparadza, usino‐kuparadzwa umene; iwe unoita nokunyeŋgera, asi haʋanakukuitira nokunyeŋgera, iwe! Kana wapedza kuparadza, newe ʋo ucaparadzwa, kana wapedza kuita nokunyeŋgera, ʋacakuitira nokunyeŋgera newe ʋo.

²Jehova mutinzwirei tsitsi, takakumirirai; iʋai ruʋoko rwaʋo maŋgwanani ose, noruponeso rweɗu paŋguʋa yokutambudzika.

³Marudzi aʋanhu akatiza acinzwa mubvumo, marudzi akaparadzirwa imi mucisimuka.

⁴Ɀakapambga ɀenyu ɀicaparadzwa, seɀinoparadza gwatakwata; somumhanyire wemhashu, saiɀoɀo ʋanhu ʋacamhanyira kwaɀiri.

⁵Jehova wakakudzwa, nokuti unogara kumsoro; wakazadza Zioni nokururamisira nokururama.

⁶Paŋguʋa dzako pacaʋa nokugarika, nokuwanda kwokuponeswa, noʋucenjeri neziʋo; kutya Jehova ndiyo fuma yake.

⁷Tarirai, mhare dzaʋo dzinoɗanidzira dziri kunze; nhume dzorugare dzinocema ɀikuru.

⁸Migwagwa mikuru yaparadzwa, ʋafambi haʋaci’po; waputsa suŋgano, waɀidza maguta, haanehanya nomunhu.

⁹Nyika inocema, yaziya; Rebanoni ranyadziswa, rowoma; Sharoni rafanana nerenje; Bashani neKarmeri azuka mashizha.

¹⁰Ɀino ndicasimuka, ndiɀo ɀinotaura Jehova; ɀino ndicaɀisimudza, ɀino ndicakudzwa.

¹¹Imi mucaʋa nemimba yehundi, mucaɓereka mashaŋga; mŋeya wenyu mŋoto ucakupedzai.

¹²Marudzi aʋanhu acaita sokupiswa kwesuko, seminzwa yakatemŋa, inopiswa nomŋoto.

¹³Inzwai, imi muri kure, ɀandakaita; imi muri pedyo, muziʋe simba raŋgu.

¹⁴Ʋatadzi ʋari paZioni ʋanotya, ʋasiŋgaɗi Mŋari, ʋaɓatwa nokuɗeɗera. Ndianiko pakati peɗu uŋgagara nomŋoto unoparadza? Ndiani pakati peɗu uŋgagara nokupisa kusiŋgaperi?

¹⁵Ndiye unofamba nokururama, unotaura ɀakarurama; iye unoshoʋora fuma yakawanikwa nokunyeŋgera, unozuza maʋoko ake aciramba fufuro, unodziʋira nzeʋe dzake, kuti arege kunzwa mashoko eropa, unotsinzina meso ake kuti arege kutarira ɀakaipa;

¹⁶iye ucagara pakakwirira, nhare dzamatombo dzicaʋa ʋutiziro bgake; ɀokudya ɀake ucaɀipiwa, mvura yake haiŋgapxi.

¹⁷Meso ako acaʋona mambo pakunaka kwake, acaʋona nyika yakakura kwaɀo.

¹⁸Mŋoyo wako ucaraŋgarira ŋguʋa yokutya, uciti: Uripiko iye waiʋereŋga, uripiko waiyera mutero? Uripiko waiʋereŋga shoŋgwe?

¹⁹Hauŋgazoʋoni ʋanhu ʋanehasha, ʋanhu ʋanorurimi runoshamisa, rwausiŋgagoni kunzwa, rurimi rwokumŋe rwausiŋgagoni kunzwisisa.

²⁰Tarirai Zioni, iro guta remitambo yeɗu; meso ako acaʋona Jerusarema bgaʋa ʋugaro bgakadzikama, tente risiŋgazobviswi, mbambo dzaro dzisiŋgazovomorwi, neɓote raro rimŋe risiŋgazoɗamburwi.

²¹Asi Jehova ucaʋa’po nesu noʋumambo bgake, icaʋa nɀimbo inenzizi nehoʋa dzakafara, magwa anokwaȿiwa haaŋgaȿiki’po, neɀikepe ɀikuru haɀiŋgapfuʋuri’po.

²²Nokuti Jehova ndiye mutoŋgi weɗu, Jehova ndiye mutemi wemirairo yeɗu, Jehova ndiye mambo weɗu; iye ucatiponesa.

²³Maɓote ako akati ɗembu‐tembu; haagoni kusimbisa muromo wapasi weɗanda recikepe caʋo, haagoni kutasanura seiri; ipapo ɀakatapxa neɀakapambga ɀizhinji ɀinogoʋerwa; ɀirema ɀinotora ɀakatapxa.

²⁴Hakuna‐ugere’mo, ucati: ndinorwara; ʋanhu ʋagere’mo ʋacakaŋganwirwa ɀakaipa ɀaʋo.