Read Original Shona Union Bible 1949 Baiberi Magwaro Matȿene aMŋari Isaya 34 Bible Online

Isaya 34 - Original Shona Union Bible 1949 Baiberi Magwaro Matȿene aMŋari bible

Isaya 34

¹Sweɗerai, imi marudzi aʋanhu, munzwe, tererai imi ʋanhu; nyika ŋgainzwe, neɀose ɀayo, pasi pose, neɀose ɀinoɓuɗa’mo.

²Nokuti Jehova wakatsamŋira marudzi ose, unehasha nehondo dzawo dzose; wakaʋaparadza cose, wakaʋaisa pakuʋurawa.

³Ʋakaʋurawa ʋaʋo ʋacarashwa kunze, kunhuwa kweɀitunha ɀaʋo kucakwira, makomo acanyauswa neropa raʋo.

⁴Hondo dzose dzokuɗeŋga dzicanyakatika, ɗeŋga rose ricapetwa sorugwaro rwakapetwa; hondo dzaro dzose dzicawoma, sokuwoma kwamashizha pamuzambiriŋga, ʋuye seshizha rinowoma pamuʋonde.

⁵Nokuti munondo waŋgu wanwa ukaguta kuɗeŋga; tarirai ucaɓurukira pamsoro paEdomi, napamsoro paʋanhu ʋakatukwa neni, kuti ʋatoŋgwe.

⁶Munondo waJehova uzere neropa, unobginya namafuta, neropa ramakwaiana nerembudzana, namafuta etȿo dzamakondobge; nokuti Jehova uneciɓayiro cake paBozra, nokuɓaya kukuru panyika yaEdomi.

⁷Nyati dzicawa pamŋe cete naʋo, nenzombe pamŋe cete nehando; nyika yaʋo icaɓatwa neropa, guruʋa raʋo ricazara namafuta.

⁸Nokuti Jehova unezuʋa rokutsiʋa, negore rokutsiʋa ɀakaitirwa Zioni.

⁹Hoʋa dzayo dzicashanduka namo, guruʋa rayo surferi, nyika yayo icaitwa namo inopfuta.

¹⁰Haiŋgadzimŋi ʋusiku namasikati; ʋutsi bgayo ʋucakwira nokusiŋgaperi; ricaʋa ɗoŋgo kuȿikira kumarudzi namarudzi; hakunomunhu uŋgapfuʋura noko nokusiŋgaperi.

¹¹Asi ɀicaʋa ɀehukurwizi nenuŋgu; zizi neguŋguʋu ɀicagara’mo; ucatambanudzira’po rwonzi rwokuparadza necokururamisa ceɀisinecinhu.

¹²Ʋakuru ʋayo ʋacaɗanirwa kuʋushe, asi haʋaŋgaʋi’po; macinda ayo ose acaʋa pasina.

¹³Minzwa icamera mudzimba dzamadzimambo ayo, ʋutumbambeʋa norukato munhare dzayo; ʋucaʋa ʋugaro bgamakaʋa, nenɀimbo yemhou.

¹⁴Ɀikara ɀomusaŋgo ɀicasoŋgana namapere, mŋeya wakaipa ucaɗana shamŋari yawo; ɀirokwaɀo, cikara coʋusiku cicagara’po norugare, ciciwana’po nɀimbo yokuzorora.

¹⁵Roʋambira icaita ɗendere rayo’po, nokukandira, nokucoconya mazai ayo, nokuʋuŋganidza ʋana ʋayo mumumvuri wayo; ɀirokwaɀo, ndi’po pacaʋuŋganira ʋuʋaŋgu, rumŋe norumŋe neshamŋari yarwo.

¹⁶Tȿakai pabuku yaJehova, muraʋe; hapanecimŋe ceɀinhu iɀi cicashaikwa, cicashaiwa shamŋari yaco; nokuti muromo waŋgu wakaraira iɀoɀo, nomŋeya wake wakaɀiʋuŋganidza.

¹⁷Iye wakaɀikandira mijenya, ruʋoko rwake rwakaɀiganhurira nyika norwonzi; icaʋa yaɀo nokusiŋgaperi, ʋacagara’mo kuȿikira kumarudzi namarudzi.