Read Original Shona Union Bible 1949 Baiberi Magwaro Matȿene aMŋari Isaya 35 Bible Online

Isaya 35 - Original Shona Union Bible 1949 Baiberi Magwaro Matȿene aMŋari bible

Isaya 35

¹Renje nenyika yakawoma ɀicafara; saŋgo ricafara kwaɀo, ricatumbuka seruʋa.

²Ricatumbuka ɀizhinji, nokufara kwaɀo nomufaro nokuimba; ricapiwa kunaka kukuru kweRebanoni, noʋukomba bgeKarmeri neSharoni; ʋacaʋona kunaka kukuru kwaJehova, ibgo ʋukomba bgaMŋari weɗu.

³Simbisai maʋoko asinesimba, mutsigire mabvi anoɗeɗera.

⁴Itiyi kunaʋanemŋoyo inotya: Simbai, musatya! Tarirai, Mŋari wenyu ucaʋuya nokutsiʋa, nokuripira kwaMŋari; ucaʋuya acikuponesai.

⁵Ipapo meso amapofu acaȿinudzwa, nenzeʋe dzematsi dzicadziʋurwa.

⁶Ipapo unokamhina ucakwakuka senondo, rurimi rwembeʋeʋe rucaimba; nokuti mvura zhinji icadzutuka murenje, nehoʋa dzemvura musaŋgo.

⁷Jeca, rinopisa, ricashanduka dziʋa, nevu, rinenyota, ɀituɓu ɀemvura; paʋugaro bgamakaʋa, paaiʋata, pacaʋa noʋuswa, netsaŋga nenhokwe.

⁸Ipapo pacaʋa nomugwagwa, nenzira, icanzi, Nzira yoʋutȿene; unetȿina haaŋgafambi nayo, asi icaʋa yaʋo; ʋanofamba nayo, kunyaŋge ari mapenzi, haʋaŋgarashiki.

⁹Hapaŋgaʋi neshumba, kunyaŋge necikara haciŋgafambi’po; haɀiŋgawanikwi’po, asi ʋakadzikinurwa ndiʋo ʋacafamba’po;

¹⁰ʋakasunuŋgurwa ʋaJehova ʋacadzoka, ʋacaȿika Zioni ʋaciimba; mufaro usiŋgaperi ucaʋa pamisoro yaʋo; ʋacawana mufaro nomŋoyo mucena, kucema nokusuwa kucatiza.