Read Original Shona Union Bible 1949 Baiberi Magwaro Matȿene aMŋari Isaya 36 Bible Online

Isaya 36 - Original Shona Union Bible 1949 Baiberi Magwaro Matȿene aMŋari bible

Isaya 36

¹Ɀino negore regumi namanna ramambo Hezekia, Sanheribi mambo weAsiria, wakandorwa namaguta ose aJuda akakombga namaȿiŋgo, akaakunda.

²Ɀino mambo weAsiria akatuma mukuru waʋatariri abve Rakishi aende Jerusarema kunamambo Hezekia nehondo huru. Akamira pamugero wedziʋa rokumsoro pamugwagwa unoenda kumunda womusuki.

³Ipapo Eriakimi mŋanakomana waHirkia, waiceŋgeta imba yamambo, naShebna munyori, naJoa mŋanakomana waAsafi, gota guru, ʋakaɓuɗira kwaari.

⁴Mukuru waʋatariri akati kwaʋari: Ɀino imi muti kunaHezekia: Ɀanzi namambo mukuru, mambo weAsiria: Kuʋimba uku kwaunoʋimba nako ndokwei?

⁵Ini ndinoti, mano ako nesimba rokurwa naro mashoko ɀawo asinamaturo; ɀino unoʋimba naniko, ɀawandimukira ini?

⁶Tarira, unoʋimba nomuɗonɀo worutsaŋga urwu rwakavunika, Egipita, runoti kana munhu akasendama kwaruri, rucapinda muruʋoko rwake, rukamuɓaya; ndiɀo ɀakaita Farao mambo weEgipita kunaʋose ʋanoʋimba naye.

⁷Asi kana ukati kwandiri: Tinoʋimba naJehova Mŋari weɗu, ko haazi iye wakabvisirwa matunhu akakwirira namaartari ake naHezekia, akati kunaJuda neJerusarema: Munofanira kunamata pamberi peartari iri here?

⁸Naiɀoɀo ɀino cipikiranai henyu natenzi waŋgu, mambo weAsiria, ndikupe mabiza aneɀuru ɀiʋiri, kana iwe ukagona kuisa ʋataȿi pamsoro pawo.

⁹Uŋgagona seiko kukunda mukuru mumŋe kuʋaɗuku ʋaʋaranda ʋatenzi waŋgu? Ɀino woʋimba neEgipita kuti upiwe ŋgoro namabiza naʋo?

¹⁰Ini ndaʋuya kuzorwa nenyika ino kuti ndiiparadze ndisinaJehova kanhi? Ndiye Jehova wakati kwandiri: Enda undorwa nenyika iyo, uiparadze.

¹¹Ipapo Eriakimi, mŋanakomana waHirkia, naShebna, naJoa ʋakati kumukuru waʋatariri: Tinokumbira kuti mutaure henyu naʋaranda ʋenyu norurimi rweciAramia, nokuti tinocinzwisisa; murege henyu kutaura nesu norurimi rwaʋaJuda, ʋanhu ʋose ʋari paruȿiŋgo ʋaɀinzwe.

¹²Asi mukuru waʋatariri akati kwaari: Tenzi waŋgu wakandituma kunatenzi wako nokwauri here, kuti nditaure mashoko awa? Haana‐kundituma here kuʋanhu ʋagere pamsoro poruȿiŋgo, kuti ʋadye ndoʋe yaʋo nemvura yaʋo pamŋe cete nemi?

¹³Ipapo mukuru waʋatariri akamira, akaɗanidzira nenzwi guru norurimi rwaʋaJuda, akataura akati: Inzwai mashoko amambo mukuru, iye mambo weAsiria.

¹⁴Ɀanzi namambo: Hezekia ŋgaarege kukunyeŋgerai; nokuti haaŋgagoni kukurwirai;

¹⁵Hezekia ŋgaarege kukuʋimbisai naJehova, aciti: Jehova ucatirwira ɀirokwaɀo; guta iri hariŋgapiwi mumaʋoko amambo weAsiria.

¹⁶Musaterera Hezekia, nokuti ɀanzi namambo weAsiria: Yananai neni, muɓuɗirei kwandiri, mudye mumŋe nomumŋe muzambiriŋga wake, mumŋe nomumŋe muʋonde wake, mumŋe nomumŋe mvura yetsime rake;

¹⁷kuȿikira ini ndaʋuya ndikutorei, ndikuisei kunyika yakafanana neyenyu, nyika ineɀiyo newaini, nyika ineciŋgwa neminda yemizambiriŋga.

¹⁸Cenjerai kuti Hezekia arege kukugombedzerai, aciti: Jehova ucatirwira. Ko mumŋe waʋamŋari ʋamarudzi wakagona kurwira nyika yake paruʋoko rwamambo weAsiria here?

¹⁹Ʋamŋari ʋeHamati neArpadi ʋaripi? Ʋamŋari ʋeSefarvaimi ʋaripi? Ʋakarwira Samaria paruʋoko rwaŋgu here?

²⁰Ndaʋapi pakati paʋamŋari ʋose ʋenyika idzi ʋakarwira nyika yaʋo paruʋoko rwaŋgu, ɀamunoti Jehova ucarwira Jerusarema paruʋoko rwaŋgu?

²¹Asi ʋakaramba ʋanyerere, haʋana kumupindura shoko rimŋe, nokuti murairo wamambo wakaŋga uciti: Regai kumupindura.

²²Ɀino Eriakimi mŋanakomana waHirkia, waiceŋgeta imba, naShebna munyori, naJoa mŋanakomana waAsafi, gota guru, ʋakaenda kunaHezekia, ʋakabvarura ŋguʋo dzaʋo, ʋakamuʋudza mashoko omukuru waʋatariri.