Read Original Shona Union Bible 1949 Baiberi Magwaro Matȿene aMŋari Isaya 38 Bible Online

Isaya 38 - Original Shona Union Bible 1949 Baiberi Magwaro Matȿene aMŋari bible

Isaya 38

¹Ɀino namazuʋa iwayo Hezekia akarwara, akaȿikira pakufa. Muprofita Isaya mŋanakomana waAmozi akaȿika kwaari, akati kwaari: Ɀanzi naJehova: Ciraira nhaka yako, nokuti ucafa, hauŋgararami.

²Ipapo Hezekia akatendeʋukira kumadziro, akanyeŋgetera kunaJehova,

³akati: Ƌoraŋgarirai henyu, Jehova, kuti ndakafamba pamberi penyu neɀokwaɗi nomŋoyo wose, ndikaita ɀakanaka pamberi penyu. Hezekia akacema kwaɀo.

⁴Ipapo shoko raJehova rakaȿika kunaIsaya, riciti:

⁵Enda undoti kunaHezekia: Ɀanzi naJehova, Mŋari waɓaɓa ʋako Davidi: Ndanzwa kunyeŋgetera kwako, ndaʋona misodzi yako; tarira, ndicawedzera pamazuʋa ako makore anegumi namashanu.

⁶Ndicakurwira iwe neguta rino paruʋoko rwamambo weAsiria; ʋuye ndicadzitira guta rino.

⁷Heci ciratidzo caJehova kwauri, kuti Jehova ucaita cinhu ici caakataura:

⁸Tarira, ndicadzosa mumvuri pamitaro, wakaŋga wadzira nezuʋa pacikati caAhazi, udzoke mitaro inegumi. Naiɀoɀo zuʋa rakadzoka mitaro inegumi pacikati caAhazi, pawakaŋga wadzira.

⁹Horwu runyoro rwaHezekia mambo waJuda, paŋguʋa yaakaŋga arwara, akapora ɀe pakurwara kwake.

¹⁰Ndakati: Ndicapinda pamasuʋo eSheori aciri masikati pamazuʋa aŋgu; Ndatorerwa makore aŋgu akaŋga asara.

¹¹Ndakati: Handicazoʋoni Jehova, iye Jehova, panyika yaʋapenyu; Handicazoʋoni ʋanhu pamŋe cete naʋagere panyika.

¹²Ʋugaro bgaŋgu bgaputswa, bgabviswa kwandiri setente romufudzi; Ndapeta ʋupenyu bgaŋgu, somuruki; ucandigura pacirukiso; Mucandigumisa kubvira maŋgwanani kuȿikira maɗekwana.

¹³Ndakaɀinyaradza kuȿikira kwaedza; unovuna mafupa aŋgu ose seshumba; Mucandigumisa kubvira maŋgwanani kuȿikira maɗekwana.

¹⁴Ndakarira senyeŋganyeŋga kana kondo; Ndakacema senjiʋa; meso aŋgu akapera nokutarira kumsoro; Haiwa Jehova, ndakamanikidzwa, iʋai mumiriri waŋgu imi.

¹⁵Ndiŋgatiyiko? Ndiye wakataura neni, ndiye wakaɀiita; Ndicanatsa kufamba makore aŋgu ose, nokuɗa kwokurwadziwa kwomŋoyo waŋgu.

¹⁶Ishe, ʋanhu ʋanorarama neɀinhu iɀoɀi; Ʋupenyu bgose bgomŋeya waŋgu ʋuri maɀiri; Naiɀoɀo ndiporesei, mundiraramise.

¹⁷Tarirai, kutambudzika kwaŋgu kukuru kwakazondiʋigira rugare; Asi makarwira mŋeya waŋgu noruɗo pagomba rokuparadzwa; Nokuti makarashira ɀiʋi ɀaŋgu ɀose shure kwenyu.

¹⁸Nokuti Sheori harigoni kukuʋoŋgai, rufu harugoni kukurumbidzai; Ʋanoɓurukira kugomba haʋaŋgagoni kutarira ɀokwaɗi yenyu.

¹⁹Mupenyu, mupenyu, ndiye ucakuʋoŋgai, seɀandinoita nhasi; Ƃaɓa ʋacaziʋisa ʋana ʋaʋo ɀokwaɗi yenyu.

²⁰Jehova wakaɀigadzira kundiponesa; Naiɀoɀo ticaimba nziyo dzaŋgu nemiteŋgeranwa Mazuʋa ose oʋupenyu bgeɗu mumba maJehova.

²¹Ɀino Isaya wakaŋga ati: Ŋgaʋatore ɓundu ramaʋonde ʋarinamire pamota, ipapo ucapora.

²²Hezekia ʋo wakaŋga ati: Ciratidzo ndecipi kuti ndicakwira kuimba yaJehova?