Read Original Shona Union Bible 1949 Baiberi Magwaro Matȿene aMŋari Isaya 39 Bible Online

Isaya 39 - Original Shona Union Bible 1949 Baiberi Magwaro Matȿene aMŋari bible

Isaya 39

¹Ɀino neŋguʋa iyo Merodaki‐baradani mŋanakomana waBaradani, mambo weBabironi, wakatuma ŋwadi necipo kunaHezekia; nokuti wakaŋga anzwa kuti wairwara akapora ɀe.

²Hezekia akafara pamsoro paʋo, akaʋaratidza imba yakaŋga ineɀinokosha ɀake, sirveri, nendarama, neɀinonhuwira, namafuta anokosha, neimba yaiʋa nenhumbi dzake dzose dzokurwa nadzo, neɀose ɀakaŋga ɀiri pafuma yake; kwakaŋga kusisinecinhu mumba make, kana muʋushe bgake bgose, caʋasina‐kuratidzwa naHezekia.

³Ɀino muprofita Isaya akaȿika kunamambo Hezekia, akati kwaari: Ʋarume aʋa ʋakati kuɗiniko? Ʋakaȿika kwauri ʋacibvepi? Hezekia akati: Ʋakaŋga ʋabva kunyika iri kure, Babironi ʋaciʋuya kwandiri.

⁴Ipapo akati: Ʋakaʋonei mumba mako? Hezekia akapindura, akati: Ʋakaʋona ɀose ɀiri mumba maŋgu; hakunecinhu pakati pefuma yaŋgu candisina‐kuʋaratidza.

⁵Ipapo Isaya akati kunaHezekia: Inzwa shoko raJehova wehondo:

⁶Tarira, mazuʋa acaȿika, neŋguʋa iyo ɀose ɀiri mumba mako, neɀose ɀakaʋuŋganidzwa namadziɓaɓa ako kuȿikira ɀuʋa ranhasi, ɀicaiswa Babironi; hakunecinhu cicasiyiwa, ndiɀo ɀinotaura Jehova.

⁷Ʋamŋe ʋanakomana ʋako, ʋacabva kwauri, ʋaucaɓereka, ʋacatapxa; ʋacaʋa ʋaranda mumba mamambo weBabironi.

⁸Ipapo Hezekia akati kunaIsaya: Shoko raJehova ramataura rakanaka haro. Akati ʋo: Nokuti rugare neɀokwaɗi ɀicaʋa’po pamazuʋa aŋgu.