Read Original Shona Union Bible 1949 Baiberi Magwaro Matȿene aMŋari Isaya 41 Bible Online

Isaya 41 - Original Shona Union Bible 1949 Baiberi Magwaro Matȿene aMŋari bible

Isaya 41

¹Nyararai pamberi paŋgu, imi ɀiwi; ʋanhu ŋgaʋawane simba idɀa, ŋgaʋasweɗere, ipapo ŋgaʋataure; ŋgatisweɗere pamŋe cete kutoŋgerwa mhaka.

²Ndianiko wakamutsa mumŋe kumabvazuʋa, unokunda pose‐pose paanotsika? Ndianiko unomupa marudzi aʋanhu, acimuɓatisa madzimambo paʋushe bgake? Unoʋaisa pamunondo wake seguruʋa, napaʋuta bgake sehundi inodziŋgwa nemhepo.

³Unodziŋgana naʋo, ndokupfuʋura hake ɀakanaka nenzira yaasinakumbotsika netsoka dzake.

⁴Ndianiko wakaɓate‐ɓasa iro nokuɀiita? Ndiye unoɗana marudzi kubvira pakutaŋga; ini Jehova, wokutaŋga, nouri kunowokupedzisira, ndini iye.

⁵Ɀiwi ɀakaʋona, ɀikatya; migumo yenyika inoɗeɗera, inosweɗera, yoʋuya.

⁶Mumŋe nomumŋe unoɓatsira wokwake; unoti kuhama yake: Tsuŋga hako mŋoyo.

⁷Saiɀoɀo muʋezi unosimbisa mupfuri wendarama, nounopfura nenyundo unosimbisa unoroʋa panhera, aciti pamsoro pokunamatidza: Ɀakanaka; ndokuɀiroʋera nembambo kuti ɀirege kuzunuŋguka.

⁸Asi iwe Israeri, muranda waŋgu, Jakobo, wandakasanaŋgura, ʋana ʋaAbrahama shamŋari yaŋgu,

⁹iwe wandakatora kumigumo yenyika, ndikakuɗana kumakona ayo, ndikati kwauri: Uri muranda waŋgu, ndakakusanaŋgura, handina‐kukurasha;

¹⁰usatya, nokuti ndinewe; usavunduka, nokuti ndiri Mŋari wako; ndicakusimbisa, ɀirokwaɀo, ndicakuɓatsira; ɀirokwaɀo, ndicakutsigira noruʋoko rwaŋgu rworudyi rwokururama.

¹¹Tarira, ʋose ʋanokutsamŋira, ʋacanyadziswa ʋaʋe nenyadzi; ʋanokakaʋara newe ʋacaʋa secinhu cisi’po, ʋacaparara.

¹²Ucaʋatȿaka, asi hauŋgaʋawani, iʋo ʋanokakaʋara newe; ʋanorwa newe ʋacaʋa secinhu cisi’po, secinhu cisinamaturo.

¹³Nokuti ini Jehova, Mŋari wako, ndicaɓata ruʋoko rwako rworudyi, ndiciti kwauri: Usatya, ini ndicakuɓatsira.

¹⁴Usatya, iwe honye Jakobo, nemi ʋarume ʋaIsraeri; ini ndicakuɓatsira, ndiɀo ɀinotaura Jehova, mudzikinuri wako ndiye Mutȿene waIsraeri.

¹⁵Tarira, ndakakuita mupuro mutȿa, unopinza, unameno; ucapura makomo, nokuaputsa‐putsa, ucaita ɀikomo ɀiʋe sehundi.

¹⁶Ucaarudza, acatorwa nemhepo, campupuri cicaaparadzira kwose; iwe ucafarira Jehova, nokuɀirumbidza noMutȿene waIsraeri.

¹⁷Ʋarombo naʋanoshaiwa ʋanotȿaka mvura, asi hai’po, marimi aʋo anowoma nenyota; ini, Jehova ndicaʋapindura, ini, Mŋari waIsraeri, handiŋgaʋarashi.

¹⁸Ndicazarura nzizi pamakomo asinemiti, namatsime pakati pemipata; renje ndicariita dziʋa remvura, nenyika yakawoma ɀituɓu ɀemvura.

¹⁹Ndicasima parenje miti yemisidari, nemiakasia, nemimirte, nemiorivi; ndicaisa musaŋgo misipresi, nemipaini, nemifiri, iyo yose;

²⁰kuti ʋaʋone, nokuziʋa, nokuraŋgarira, nokunzwisisa ʋose, kuti ruʋoko rwaJehova ndirwo rwakaita iɀoɀo, ʋuye kuti Mutȿene waIsraeri ndiye wakaɀisika.

²¹Ɀanzi naJehova: Reʋai mhaka yenyu; ɀanzi namambo waJakobo: Ʋuyai namashoko enyu akasimba.

²²Ŋgaʋaʋuye nawo, ʋatiʋudze ɀicaitwa; tiʋudzei ɀinhu ɀakare, kuti ndeɀei, kuti tiɀiraŋgarire, tiziʋe kuguma kwaɀo; kana mutiziʋise ɀicazoʋa’po.

²³Tiʋudzei ɀinhu ɀicazoʋa’po pashure, tiziʋe kuti muri ʋamŋari; ɀirokwaɀo, itai ɀakanaka, kana itai ɀakaipa, kuti tishamiswe, tiɀiʋone tose pamŋe cete.

²⁴Tarirai imi hamuzi cinhu, neɓasa renyu harizi cinhu; unokusanaŋgurai unonyaŋgadza.

²⁵Ndamutsa mumŋe unobva kurutiʋi rwokumsoro, ɀino waȿika; mumŋe unobva kumaɓuɗazuʋa, unoɗana zita raŋgu; iye ucatsika ʋaɓati samatope, somuʋumbi unokanya ivu.

²⁶Ndianiko wakatiʋudza iɀoɀo kubvira pakutaŋga, kuti tiziʋe? Napaŋguʋa yakare, kuti titi: Ɀirokwaɀo? Ɀirokwaɀo, hakuna‐unotiʋudza, ɀirokwaɀo, hakuna‐unotiratidza, ɀirokwaɀo, hakuna‐unonzwa mashoko enyu.

²⁷Ndini ndicataŋga kuti kuZioni: Tarirai, tarirai, haʋo; ndicatumira Jerusarema nhume inoʋuya namashoko akanaka.

²⁸Kana ndicitarira, hakunomunhu; pakati paʋo hakuna‐unogona kurairira, uŋgapindura shoko, kana ndiciʋabvunza.

²⁹Tarirai, aʋa ʋose haʋanamaturo, maɓasa aʋo haanamaturo, haazi cinhu; mifananidzo yaʋo yakaʋumbga imhepo neɀisinamaturo.