Read Original Shona Union Bible 1949 Baiberi Magwaro Matȿene aMŋari Isaya 42 Bible Online

Isaya 42 - Original Shona Union Bible 1949 Baiberi Magwaro Matȿene aMŋari bible

Isaya 42

¹Tarirai muranda waŋgu wandinotsigira, musanaŋgurwa waŋgu unofadza mŋeya waŋgu. Ndakaisa Mŋeya waŋgu pamsoro pake, ucaʋigira marudzi kururamisirwa.

²Haaŋgaɗani, kana kuɗanidzira nenzwi rake, kana kunzwisa inzwi rake panzira dzomumusha.

³Rutsaŋga rwakapxanyika haaŋgaruvuni, nomŋenje unopfuŋgaira haaŋgaudzimi; ucaʋigira ʋanhu kururamisirwa muɀokwaɗi.

⁴Iye haaŋgapfuŋgairi kana kupxanyiwa, kuȿikira agadza kururama panyika; ɀiwi ɀicamirira murairo wake.

⁵Ɀanzi naMŋari Jehova, iye wakasika ɗeŋga rose, akaritatamura, iye wakatambanudza nyika neɀinobva’mo, iye unopa ʋanhu ʋari’mo kufema, naʋanofamba’po mŋeya waʋo:

⁶Ini Jehova ndakakuɗana nokururama, ndicaɓata ruʋoko rwako, ndicakuceŋgeta, ndikuite suŋgano yaʋanhu, uʋe ciedza camarudzi;

⁷uȿinudze meso asiŋgaʋoni, uɓuɗise ʋasuŋgwa patoroŋgo, naʋagere murima paimba yokusuŋgwa.

⁸Ndini Jehova, ndiro zita raŋgu; kukudzwa kwaŋgu handiŋgakupi mumŋe, kana kurumbidzwa kwaŋgu kumifananidzo yakaʋezwa.

⁹Tarirai, ɀinhu ɀakare ɀaitika, ndinoparidza ɀinhu ɀitȿa; ndinokuʋudzai iɀoɀo ɀisati ɀaɓukira.

¹⁰Imbirai Jehova rwiyo rutȿa, murumbidzei kubvira pamigumo yenyika; imi, munoɓurukira kuguŋgwa, neɀose ɀiri mukati maro, ɀiwi naʋagere paɀiri.

¹¹Renje namaguta aro ŋgaɀiɗanidzire, nemisha inogarwa naKedari; ʋagere mumatombo ŋgaʋaimbe, ŋgaʋaɗanidzire ʋari pamsoro pamakomo.

¹²Ŋgaʋakudze Jehova, ʋaparidzire paɀiwi kurumbidzwa kwake.

¹³Jehova ucaɓuɗa semhare, ucamutsa kushiŋgaira somunhu wokurwa; ucaɗana, ɀirokwaɀo, ucaɗanidzira, ucarwa naʋaʋeŋgi ʋake nesimba.

¹⁴Ndakanyarara ŋguʋa refu, ndakaramba ndinyerere, ndikaɀidzora; ɀino ndicacema somukadzi wopona, ndicafemedzeka nokutakwaira pamŋe cete.

¹⁵Ndicaparadza makomo neɀikomo, nokuwomesa ɀose ɀinomera’po; nzizi ndicadziita ɀiwi, namadziʋa ndicaapxisa.

¹⁶Mapofu ndicaafambisa nenzira yaasiŋgaziʋi, pamakwara aasiŋgaziʋi ndicaatuŋgamirira; rima ndicariita ciedza pamberi paʋo, neɀakakombama ndicaɀiruramisa. Ɀinhu iɀi ndicaɀiita, handiŋgaʋasiyi.

¹⁷Ʋanoʋimba nemifananidzo yakaʋezwa, ʋanoti kumifananidzo yakaʋumbga: Imi muri ʋamŋari ʋeɗu, iʋo ʋacadzoserwa shure, ʋacanyadziswa kwaɀo.

¹⁸Inzwai, imi matsi; tarirai, imi mapofu, muʋone.

¹⁹Ndianiko ɓofu, haazi iye muranda waŋgu here? Ndiani matsi, senhume yaŋgu yandinotuma? Ndiani ɓofu, saiye unoɗikanwa neni, neɓofu somuranda waJehova?

²⁰Unoʋona ɀinhu ɀizhinji, asi haucerekedzi; nzeʋe dzake dzakadziʋuka, asi haanzwi.

²¹Ɀakafadza Jehova, nokuɗa kwokururama kwake, kukudza murairo nokuurumbidza.

²²Asi aʋa ndaʋanhu ʋakatorerwa nokupambarwa; ʋose ʋakateyiwa mumakomba, ʋakaʋanzwa mudzimba dzokusuŋgwa; ʋaʋa cinhu cakatapxa, hakuna‐unoʋarwira, cinhu cakapambga, hakuna‐unoti: Dzosa!

²³Ndianiko pakati penyu ucarerekera nzeʋe dzake kunecinhu ici? Ucaterera nokunzwa paŋguʋa inoʋuya?

²⁴Ndianiko wakarega Jakobo apambge, naIsraeri awirwe namakororo? Haazi Jehova here? Iye watakatadzira, waʋakaramba kufamba nenzira dzake, waʋakaramba kuterera murairo wake.

²⁵Naiɀoɀo wakaɗurura pamsoro pake kutsamŋa kwake kukuru, nesimba rokurwa; ɀikamupisira kumatiʋi ose, asiŋgaɀiziʋi; ɀikamupisa, asi wakaŋga asinehanya naɀo.