Read Original Shona Union Bible 1949 Baiberi Magwaro Matȿene aMŋari Isaya 44 Bible Online

Isaya 44 - Original Shona Union Bible 1949 Baiberi Magwaro Matȿene aMŋari bible

Isaya 44

¹Asi ɀino cinzwa, iwe Jakobo, muranda waŋgu, naIsraeri wandakasanaŋgura:

²Ɀanzi naJehova, wakakuita, wakakuʋumba kubvira paciɀaro, ucakuɓatsira: Usatya hako, iwe Jakobo, muranda waŋgu, newe Jeshuruni, wandakasanaŋgura.

³Nokuti ndicaɗira mvura pamsoro penyika inenyota, nenzizi pamsoro pevu rakawoma; ndicaɗira Mŋeya waŋgu pamsoro porudzi rwako, nokuropafadza kwaŋgu pamsoro paʋana ʋako;

⁴ʋacamera pakati poʋuswa, semikonacando pamvura inoyerera.

⁵Mumŋe ucati: Ndiri waJehova, mumŋe ɀe ucaɀitumidza nezita raJakobo; mumŋe ɀe ucanyora noruʋoko rwake, aciti: Ndiri waJehova, nokutora zita raIsraeri.

⁶Ɀanzi naJehova, Mŋari waʋaIsraeri, noMudzikinuri waʋo, Jehova wehondo: Ndini wokutaŋga nowokupedzisira; kunze kwaŋgu hakunaMŋari.

⁷Ndianiko uŋgaɗana seni, nokuɀiparidza, nokuɀigadzirira iɀo, kubva paŋguʋa yandakagadza ʋanhu ʋakare‐kare? Ɀinhu ɀinoʋuya, neɀinozoitika, ŋgaʋaɀiparidze iɀo.

⁸Musatya henyu, musavunduka; handina‐kukuparidzirai iɀoɀo kare, nokukuratidzai here? Imi muri ɀapupu ɀaŋgu. Kunomumŋe Mŋari kunze kwaŋgu here? Ɀirokwaɀo, hakunerimŋe Ƌombo, ini handiriziʋi.

⁹Ʋose ʋanoita mifananidzo yakaʋezwa haʋanamaturo, ɀinhu ɀaʋanofarira haɀiɓatsiri; ɀapupu ɀaʋo haɀiʋoni ʋuye haɀiziʋi, kuti ʋanyadziswe.

¹⁰Ndianiko wakaita mŋari, kana mufananidzo wakaʋumbga, ɀisiŋgaɓatsiri cinhu?

¹¹Tarirai, ʋose ʋanomunamatira ʋacanyadziswa; ʋakaɀiita, ʋanhu haʋo, ŋgaʋaʋuŋganidzwe pamŋe cete, ŋgaʋasimuke; ʋacatya, ʋacanyadziswa pamŋe cete.

¹²Mupfuri unopfura sanhu, unoɓata namazimbe, nokuriita nenyundo, nokuripfura noruʋoko runesimba; ɀirokwaɀo unenzara, simba rake rinopera, haanwi mvura, ndokuziya.

¹³Muʋezi unotambanudza rwonzi, unotara mufananidzo nepenzere, unounatsa nembezo, unoutara necienzaniso, ndokuuʋeza ɀakafanana nomunhu, ɀakaenzana nomunhu wakanaka, kuti ugare mumba.

¹⁴Ɀino unoɀitemera misidari, ndokutora misipresi nemiouki, aciɀisanaŋgurira mumŋe pakati pemiti yomuɗondo; unosima mupaini, mvura inonaya ndokuumedza.

¹⁵Ɀino dzaʋa huni dzomunhu, unotora dzimŋe ndokudziya nadzo; ɀirokwaɀo, unoɓatidza mŋoto nadzo, ndokuɓika ciŋgwa; ɀirokwaɀo, unoʋeza mŋari, ndokumunamata; unoita mufananidzo wakaʋezwa, ndokuufugamira.

¹⁶Rumŋe rutiʋi rwawo unopisa nomŋoto, norumŋe rutiʋi unodya nyama; unogoca nyama, nokuguta; ɀirokwaɀo, unoɀidziyisa, ndokuti: Haiwa, ndadziya, ndaʋona mŋoto.

¹⁷Neɀakasara unoita mŋari, iwo mufananidzo wake wakaʋezwa; unoufugamira, nokuunamata, nokunyeŋgetera kwauri, aciti: Ndirwirei, nokuti ndimi mŋari waŋgu.

¹⁸Haʋaziʋi, ʋuye haʋaraŋgariri, nokuti wakanamira meso aʋo, kuti ʋarege kuʋona, nemŋoyo yaʋo, kuti ʋarege kunzwisisa.

¹⁹Hakuna‐unoraŋgarira, hakuneziʋo kana njere dzinoti: Ndapisa rumŋe rutiʋi rwawo mumŋoto, ɀirokwaɀo, ndaɓika ciŋgwa pamazimbe awo; ndagoca nyama ndikaidya; ɀino ndiŋgaita cinonyaŋgadza neɀakasara ɀawo here? Ndiŋgafugamira ɗanda romuti here?

²⁰Unoɀigutisa namaɗota; mŋoyo wakanyeŋgerwa wamutsausa, haagoni kusunuŋgura mŋoyo wake, kana kuti: Hakunenhema muruʋoko rwaŋgu rworudyi here?

²¹Fuŋga ɀinhu iɀi, iwe Jakobo, naIsraeri, nokuti ndiwe muranda waŋgu; ndakakuʋumba, uri muranda waŋgu; haiwa Israeri, hauŋgakaŋganikwi neni.

²²Ndakadzima kuɗarika kwako, segore gobvu, neɀiʋi ɀako segore; dzokera kwandiri, nokuti ndakakudzikinura.

²³Imba, iwe ɗeŋga rose, nokuti Jehova wakaita iɀoɀo; ɗanidzirai, matiʋi ezasi enyika; imbai ɀikuru imi makomo, iwe ɗondo, nomuti mumŋe nomumŋe uri’mo; nokuti Jehova wakadzikinura Jakobo, ucaɀirumbidza munaIsraeri.

²⁴Ɀanzi naJehova, Mudzikinuri wako, wakakuʋumba kubva paciɀaro: Ndini Jehova, unoita ɀinhu ɀose, unotatamura ɗeŋga rose iye oga, unotambanudza nyika (ndiani waiʋa neni?);

²⁵iye unoparadza ɀiratidzo ɀaʋanenhema, unopeŋgesa ʋaʋuki, unodzosa ʋacenjeri, acishandura ziʋo yaʋo ʋuʋe ʋupenzi;

²⁶iye unosimbisa shoko romuranda wake, unoita ɀakarairirwa nenhume dzake; iye unoti pamsoro peJerusarema: Ricagarwa naʋanhu, napamsoro pamaguta aJuda: Acaʋakwa, ini ndicamutsa matoŋgo awo;

²⁷iye unoti kumvura yakadzika: Cipxa, ʋuye ndicapxisa nzizi dzako;

²⁸iye unoti pamsoro paKoreshi: Ndiye mufudzi waŋgu, ucaita ɀose ɀinondifadza, kana aciti pamsoro peJerusarema: Ricaʋakwa, ʋuye pamsoro petembere: Nheyo dzako dzicateyiwa.