Read Original Shona Union Bible 1949 Baiberi Magwaro Matȿene aMŋari Isaya 45 Bible Online

Isaya 45 - Original Shona Union Bible 1949 Baiberi Magwaro Matȿene aMŋari bible

Isaya 45

¹Ɀanzi naJehova kumuzodzwa wake, kunaKoreshi, wandakaɓata ruʋoko rwake rworudyi, kuti ndikunde marudzi aʋanhu pamberi pake, ndicisunuŋgura ɀiʋuno ɀamadzimambo, ndimuzarurire mikoʋa pamberi pake, namasuʋo arege kuzarirwa:

²Ini ndicaenda pamberi pako, ndicienzanisa pasina‐kuenzana; ndicaputsaputsa mikoʋa yendarira, nokuguragura mipfigo yendarama;

³ndicakupa fuma iri murima, noʋufumi bgakaʋanzwa panɀimbo dzisiŋgazikanwi, kuti uziʋe kuti ndini Jehova, Mŋari waIsraeri, unokuɗana nezita rako.

⁴Nokuɗa kwaJakobo muranda waŋgu, nokwaIsraeri musanaŋgurwa waŋgu, ndakakuɗana nezita rako, ndakakutumidza zita rakanaka, kunyaŋge wakaŋga usiŋgandiziʋi.

⁵Ndini Jehova, hakunomumŋe; kunze kwaŋgu hakunomumŋe Mŋari. Ndicakusuŋga ciʋuno kunyaŋge usina‐kundiziʋa;

⁶kuti ʋaziʋe kubva kumaɓuɗazuʋa nokumaʋirazuʋa, kuti hakunomumŋe kunze kwaŋgu; ndini Jehova, hakunomumŋe.

⁷Ndini ndinoʋumba ciedza, nokusika rima; ndinoita rugare, nokusika njodzi; ndini Jehova, unoita ɀinhu iɀi ɀose.

⁸Iwe ɗeŋga rose, ɗonhedza ɀicibva kumsoro, makore ŋgaaɗurure kururama; nyika ŋgaizaruke, kuti iɓuɗise ruponeso, iɓereke kururama pamŋe cete; ini Jehova ndakaɀisika.

⁹Unenhamo unorwa noMuiti wake, ico caeŋga pakati peɀaeŋga ɀevu! Ko ivu riŋgati kunounoriʋumba: Unoiteiko? Kana ɓasa rako riŋgati: Haanamaʋoko, here?

¹⁰Unenhamo unoti kunaɓaɓa: Unoɓerekeiko? Kana kumukadzi: Unoɀareiko?

¹¹Ɀanzi naJehova, Mutȿene waIsraeri, noMuiti waʋo: Ndibvunzei pamsoro peɀicazoitwa; pamsoro paʋanakomana ʋaŋgu, napamsoro peɓasa ramaʋoko aŋgu, mundiraire.

¹²Ndakaita nyika, nokusika ʋanhu pamsoro payo; ini, namaʋoko aŋgu, ndakatatanura ɗeŋga rose; ndakaraira hondo yose yaro.

¹³Ndakamumutsa nokururama, ndicaruramisa nzira dzake dzose; iye ucaʋaka guta raŋgu, nokusunuŋgura ʋatapxa ʋaŋgu, asiŋgatȿaki muteŋgo kana muɓairo, ndiɀo ɀinotaura Jehova wehondo.

¹⁴Ɀanzi naJehova: Ɀakaɓatirwa neEgipita, neɀakashambadzirwa neEtiopia, naʋaSabea, iʋo ʋarume ʋarefu, ɀicaʋuya kwauri, ɀicaʋa ɀako; ʋacakuteʋera, ʋacaʋuya ʋakasuŋgwa namatare, ʋacafugama pamberi pako, ʋacikunyeŋgera, ʋaciti: Ɀirokwaɀo Mŋari uri pakati pako, hakunomumŋe, hakunomumŋe Mŋari.

¹⁵Ɀirokwaɀo, muri Mŋari unoʋanda, imi Mŋari waIsraeri, Muponesi.

¹⁶Iʋo ʋose ʋacanyadziswa ʋaʋe nenyadzi; ʋaiti ʋeɀifananidzo ʋacanyadziswa pamŋe cete.

¹⁷Asi ʋaIsraeri ʋacaponeswa naJehova noruponeso rusiŋgaperi; hamuŋganyadziswi kana kuʋa nenyadzi kuȿikira paŋguʋa dzisiŋgaperi.

¹⁸Nokuti ɀanzi naJehova wakasika ɗeŋga rose, iye Mŋari wakaʋumba nyika nokuiita, wakaisimbisa akasaisika kuti riʋe ɗoŋgo, asi wakaiʋumba kuti igarwe, ɀanzi naye: Ndini Jehova, hakunomumŋe.

¹⁹Handina‐kutaura pakaʋanda, panɀimbo yenyika yerima; handina‐kuti kurudzi rwaJakobo: Nditȿakei pasina; ini Jehova, ndinotaura ɀakarurama, ndinoparidza ɀaɀokwaɗi.

²⁰Ʋuŋganai, muʋuye; sweɗerai pamŋe cete, imi makapukunyuka kumarudzi; ʋanotakura matanda iri mifananidzo yaʋo yakaʋezwa haʋaneziʋo, iʋo ʋanonyeŋgetera mŋari usiŋgagoni kuponesa.

²¹Paridzai, muɀiɓuɗise; ɀirokwaɀo, ŋgaʋaraŋgane pamŋe cete, ʋaciti: Ndiani wakaɀiratidza iɀi kubvira paŋguʋa yekare‐kare? Ndiani wakaɀiparidza pakutaŋga? Handizini Jehova here? Hakunomumŋe Mŋari kunze kwaŋgu, Mŋari wakarurama noMuponesi, hakunomumŋe kunze kwaŋgu.

²²Tarirai kwandiri muponeswe, imi matiʋi ose enyika; nokuti ndini Mŋari, hakunomumŋe.

²³Ndakapika neni ndimene, shoko raɓuɗa mumuromo maŋgu nokururama, hariŋgadzoki, kuti mabvi ose acandifugamira, marimi ose acapika neni.

²⁴Ɀanzi pamsoro paŋgu: Kururama nesimba ɀiri munaJehova ɓedzi; ʋanhu ʋacaʋuya kwaari, ʋose ʋakaŋga ʋamutsamŋira ʋacanyadziswa.

²⁵Rudzi rwose rwaIsraeri rucaruramisirwa munaJehova, nokuɀirumbidza maari.