Read Original Shona Union Bible 1949 Baiberi Magwaro Matȿene aMŋari Isaya 46 Bible Online

Isaya 46 - Original Shona Union Bible 1949 Baiberi Magwaro Matȿene aMŋari bible

Isaya 46

¹Beri unowira pasi, Nebo unokotama; ɀifananidzo ɀaʋo ɀiri pamsoro peɀipfuwo neŋombe, ɀinhu ɀamaitakura ɀakaitwa mutoro, wakatakudzwa ɀipfuwo ɀaneta.

²Ʋanokotama, ʋanowira pasi pamŋe cete, ʋakakoniwa kurwira mutoro, asi iʋo ʋamene ʋakatapxa.

³Nditererei, imi imba yaJakobo, naʋakasara ʋeimba yaIsraeri, ʋakatakurwa neni kubva pakuɓerekwa kwaʋo, ʋakasimudzwa kubva paciɀaro;

⁴kuȿikira makwegura, ndini iye, ndicakutakurai kuȿikira vudzi renyu racena; ini ndakakuitai, ndicakutakurai, ɀirokwaɀo ndicakusimudzai, nokukurwirai.

⁵Mucandifananidza naniko, nokundienzanisa nani, nokunditi ndakaita sani, wandiŋgafanana naye?

⁶Iʋo ʋanoɗurura ndarama pahomboɗo, nokuyera sirveri neciyero, ʋanoripira mupfuri wendarama, iye ndokuita mŋari nayo; ɀino ʋofugama, nokunamata.

⁷Ʋanocikwidza pafudzi, ʋanocitakura, ndokucigadzika panɀimbo yaco, ico ndokumira; hacibvi panɀimbo yaco, ɀirokwaɀo, kunyaŋge munhu akaɗana kwaciri, hacigoni kupindura, kana kumuponesa pakutambudzika kwake.

⁸Raŋgarirai cinhu ici, muʋe ʋarume, fuŋgai ɀe cinhu ici, imi ʋaɗariki.

⁹Raŋgarirai ɀinhu ɀapfuʋura ɀakare; nokuti ndini Mŋari, hakunomumŋe, ndini Mŋari, hakuna‐wakafanana neni;

¹⁰iye unoparidza kubva pakutaŋga iɀo ɀicaitika pakupedzisira, nokubva paŋguʋa yekare‐kare ɀinhu ɀicigere kuitwa, ndiciti: Ɀandakaraira ɀicamira, ndicaita ɀose ɀandinoɗa;

¹¹ndinoɗana gondo ribve kumabvazuʋa, munhu wandakarairira abve kunyika iri kure; ɀirokwaɀo, ndakataura, ndicaɀiʋuyisa ʋo, ndakaɀitema, ndicaɀiita ʋo.

¹²Nditererei, imi munemŋoyo mikukutu, imi muri kure nokururama;

¹³Ndicasweɗedza kururama kwaŋgu, hakuŋgaʋi kure, noruponeso rwaŋgu haruŋganonoki; ndicaisa ruponeso paZioni, nokubginya kwaŋgu pakati paIsraeri.