Read Original Shona Union Bible 1949 Baiberi Magwaro Matȿene aMŋari Isaya 48 Bible Online

Isaya 48 - Original Shona Union Bible 1949 Baiberi Magwaro Matȿene aMŋari bible

Isaya 48

¹Inzwai iɀi, imi imba yaJakobo, makatumidzwa zita raIsraeri, makaɓuɗa kumvura zhinji, yaJuda; imi, munopika nezita raJehova, mucirumbidza Mŋari waIsraeri, musiŋgaɀiiti neɀokwaɗi kana nokururama.

²(nokuti ʋanoɀiidza ʋeguta dɀene, ʋacisendama kunaMŋari waIsraeri; zita rake ndiJehova wehondo):

³Ndakaparidza ɀinhu ɀakare kubva pakutaŋga; ɀirokwaɀo, ɀakaɓuɗa mumuromo maŋgu, ndakaɀiziʋisa; ndakaɀiita kamŋe‐kamŋe, ɀikaitika.

⁴Ɀandakaziʋa kuti mŋoyo wako mukukutu, nomutsipa wako runda rweɗare, nehuma yako ndarira;

⁵naiɀoɀo ndakakuparidzira iɀoɀo kubva pakutaŋga; ndakakuziʋisa iɀoɀo ɀisati ɀaitika, kuti urege kuzoti: Cifananidzo caŋgu ndico cakaita iɀoɀo, mufananidzo waŋgu wakaʋezwa nomufananidzo waŋgu wakaʋumbga ndiɀo ɀakaraira iɀoɀo.

⁶Wakaɀinzwa; tarira iɀi ɀose; ɀino imi hamuŋgaɀiparidzi here? Ndakakuziʋisa ɀinhu ɀitȿa kubva paŋguʋa ino, ɀinhu ɀakaʋanzwa, ɀawakaŋga usiŋgaziʋi.

⁷Ɀasikwa ɀino, ɀakaŋga ɀisi’po kare; hauna‐kumboɀinzwa zuʋa rino risati raȿika; kuti urege kuti: Tarirai, ndaiɀiziʋa.

⁸Ɀirokwaɀo, hauna‐kunzwa, ɀirokwaɀo, hauna‐kuziʋa; ɀirokwaɀo, nzeʋe dzako dzakaŋga dzisina‐kudziʋurwa kubva paŋguʋa yakare; nokuti ndakaziʋa kuti wakaita nokunyeŋgera, ukanzi muɗariki kubva paciɀaro.

⁹Ndicanonosa kutsamŋa kwaŋgu nokuɗa kwezita raŋgu, ndicaɀidzora pamsoro pako nokuɗa kwokurumbidzwa kwaŋgu, kuti ndirege kukuparadza.

¹⁰Tarira, ndakakunatsa, asi handina‐kuɀiita senesirveri; ndakakuidza mucoto cokutambudzika.

¹¹Nokuɗa kwaŋgu, nokuɗa kwaŋgu, ndicaɀiita; nokuti zita raŋgu riŋgamhurwa sei? Handiŋgapi mumŋe kukudzwa kwaŋgu.

¹²Nditerere, iwe Jakobo, newe Israeri wandakaɗana: Ndini iye, ndini wokutaŋga, ndini wokupedzisira ʋo.

¹³Ɀirokwaɀo, ruʋoko rwaŋgu rwakateya nheyo dzenyika, ruʋoko rwaŋgu rworudyi rwakatatamura ɗeŋga rose; kana ndiciɀiɗana, ɀinosimuka pamŋe cete.

¹⁴Ʋuŋganai imi mose, munzwe; ndianiko pakati paʋo wakaparidza ɀinhu iɀi? Iye unoɗikanwa naJehova, ucaita kuɗa kwake pamsoro peBabironi, ruʋoko rwake rucaʋa pamsoro paʋaKardea.

¹⁵Ini, iyeni, ndini ndakataura iɀoɀo; ɀirokwaɀo, ndakamuɗana, ndakamuʋuyisa, ucafambiswa panzira yakanaka.

¹⁶Sweɗerai kwandiri, munzwe cinhu ici; kubva pakutaŋga handina‐kutaura cinyararire; kubva paŋguʋa yokuʋamba kwaɀo, ndaiʋa’po; ɀino Ishe Jehova wakandituma, noMŋeya wake.

¹⁷Ɀanzi naJehova, Mudzikinuri wako, Mutȿene waIsraeri: Ndini Jehova Mŋari wako, unokudzidzisa ɀinokuɓatsira, unokutuŋgamirira panzira yaunofanira kufamba nayo.

¹⁸Haiwa! ɗai wakaterera hako mirairo yaŋgu! Rugare rwako ruŋgaɗai rwakaita sorwizi, nokururama kwako samafuŋgu eguŋgwa!

¹⁹Ʋana ʋako ʋaiʋa sejeca, neɀiɓereko ɀomuʋiri wako setsaŋga dzaro; zita rake harizaibviswa kana kuparadzwa pamberi paŋgu.

²⁰Ibvai paBabironi, tizai ʋaKardea; paridzai nenzwi rokuimba, muziʋise iɀi, muɀireʋe kuȿikira kumigumo yenyika; muti: Jehova wakadzikinura muranda wake Jakobo.

²¹Haʋana‐kunzwa nyota ŋguʋa yaakaʋafambisa mumarenje; wakaʋayereresa mvura icibva paɗombo, wakatsemura ʋo ɗombo, mvura zhinji ikadzutuka.

²²Ɀanzi naJehova: Ʋakaipa haʋanorugare.