Read Original Shona Union Bible 1949 Baiberi Magwaro Matȿene aMŋari Isaya 49 Bible Online

Isaya 49 - Original Shona Union Bible 1949 Baiberi Magwaro Matȿene aMŋari bible

Isaya 49

¹Ndinzwei, imi ɀiwi, tererai, imi marudzi aʋanhu ari kure: Jehova wakandiɗana ndiri muciɀaro, wakareʋa zita raŋgu ndiciri muɗumbu ramai ʋaŋgu;

²wakaita muromo waŋgu somunondo unopinza; wakandiʋanza mumumvuri wecanza cake, akandiita museʋe unopenya, akandiceŋgeta mugoɓa rake;

³akati kwandiri: Ndiwe muranda waŋgu; Israeri wandinoɀirumbidza maari.

⁴Asi ndakati: Ndakatambura pasina, ndakapedza simba raŋgu pasina paɀinhu ɀisinamaturo; asi ɀirokwaɀo kururamisirwa kwaŋgu kuri kunaJehova, nomuɓairo waŋgu kunaMŋari waŋgu.

⁵Ɀino ɀanzi naJehova, wakandiʋumba kubva paciɀaro, kuti ndiʋe muranda wake, ndidzosere Jakobo ɀe kwaari, ʋuye kuti Israeri ʋaʋuŋganidzwe ɀe kwaari, (nokuti ndinokudzwa pamberi paJehova, Mŋari waŋgu ndiye waʋa simba raŋgu);

⁶ɀirokwaɀo, iye wakati: Cinhu ciɗuku kuti uʋe muranda waŋgu kuti umutse marudzi aJakobo, nokudzosa ɀe ʋakasara ʋaIsraeri; ndicakuita ʋo ciedza caʋahedeni, kuti kuponesa kwaŋgu kuȿikire kumugumo wenyika.

⁷Ɀanzi naJehova, Mudzikinuri waIsraeri, noMutȿene wake, kunounoɀidzwa naʋanhu, kunounoʋeŋgwa norudzi rwose, kumuranda waʋaɓati: Madzimambo acaʋona ndokusimuka; macinda naiwo acanamata, nokuɗa kwaJehova wakatendeka, iye Mutȿene waIsraeri, wakakusanaŋgura.

⁸Ɀanzi naJehova: Ndakakupindura neŋguʋa yakafanira, ndakakuɓatsira nezuʋa rokuponeswa; ndicakuceŋgeta, nokukuita suŋgano yaʋanhu, kuti umutse nyika, nokuʋagarisa nhaka dzakaŋga dzaparadzwa;

⁹kuti uti kunaʋakasuŋgwa: Ƃuɗai; nokunaʋagere murima: Ɀiratidzei. Ʋacadya ɀokudya panzira, namafuro aʋo acaʋa paɀikomo ɀisineɀiɓereko.

¹⁰Haʋaŋgaʋi nenzara kana nyota, haʋaŋgaɓayiwi nokupiswa kunyaŋge nezuʋa, nokuti iye, unoʋanzwira nyasha, ucaʋatuŋgamirira, ucaʋafambisa pamatsime emvura.

¹¹Ndicaita makomo aŋgu ose nzira, migwagwa yaŋgu icakwiridzwa.

¹²Tarirai, ʋamŋe ʋacaʋuya ʋacibva kure; tarirai, ʋamŋe ʋacabva kurutiʋi rwokumsoro nokumaʋirazuʋa, naʋamŋe kunyika yeSinimi.

¹³Imbai, imi ɗeŋga rose, newe nyika ufare; imi makomo imbai kwaɀo, nokuti Jehova wakanyaradza ʋanhu ʋake, ucanzwira tsitsi ʋanotambudzika.

¹⁴Asi Zioni rakati: Jehova wakandisiya, Ishe wakandikaŋganwa.

¹⁵Ko mukadzi uŋgakaŋganwa mŋana wake waanomŋisa, akasaʋa netsitsi nomŋanakomana weciɀaro cake here? Ɀirokwaɀo aʋa ʋaŋgakaŋganwa, asi ini handiŋgakukaŋganwi.

¹⁶Tarira, ndakakunyora paɀanza ɀaŋgu; maȿiŋgo ako ari pamberi paŋgu ŋguʋa dzose.

¹⁷Ʋana ʋako ʋanokurumidza; ʋaparadzi ʋako naʋanokuita ɗoŋgo ʋacaɓuɗa mauri.

¹⁸Riŋgira kwose‐kwose nameso ako, uʋone; aʋa ʋose ʋanoʋuŋgana pamŋe cete, ʋaciʋuya kwauri. Noʋupenyu bgaŋgu, ndiɀo ɀinotaura Jehova, ɀirokwaɀo ucaɀifukidza naʋo ʋose secishoŋgo, ucaɀisuŋga ciʋuno naʋo somŋeŋga.

¹⁹Nokuti, kana ari matoŋgo ako nenɀimbo dzako dzakasiyiwa, nenyika yako yakaparadzwa, ɀirokwaɀo ɀino haiŋgariŋgani ʋagere mairi, naʋanokuminya ʋacaʋa kure.

²⁰Ʋana, ʋawakaŋga watorerwa, ʋacaramba ʋaciti munzeʋe dzako: Pano hapatiriŋgani, tiratidzei nɀimbo patiŋgagara.

²¹Ipapo ucati mumŋoyo mako: Ndianiko wakandiɓerekera aʋa, ɀandakatorerwa ʋana ʋaŋgu, ndiri ndoga, ndadziŋgwa, ndicidzuŋgaira kwose‐kwose? Ndianiko wakarera aʋa? Tarirai, ndakaŋga ndasiyiwa ndoga; ko aʋa ʋakaŋga ʋaripi?

²²Ɀanzi naShe Jehova: Tarirai, ndicasimudzira marudzi ruʋoko rwaŋgu, nokumisira ʋanhu mureza waŋgu; ʋacaʋuya naʋanakomana ʋako ʋanaʋo pacifuʋa caʋo, naʋakunda ʋako ʋacatakurwa pamafudzi aʋo.

²³Madzimambo acaʋa madziɓaɓa anokurerai, naʋahosi ʋaʋo madzimai enyu anokurerai; ʋacakotama pamberi penyu ɀiso ɀaʋo ɀakatarira pasi, ʋacinanɀa guruʋa riri patsoka dzenyu; ipapo mucaziʋa kuti ndini Jehova; ʋanondimirira haʋaŋganyadziswi.

²⁴Ko unesimba uŋgatorerwa ɀaakapamba here, kana ʋatapxa ʋowakarurama ʋaŋgarwirwa here?

²⁵Asi ɀanzi naJehova: Kunyaŋge naʋatapxa ʋounesimba ʋacamutorerwa, neɀakapambga ɀounotyisa ɀicarwirwa; nokuti ndicarwa nounorwa newe, nokuponesa ʋana ʋako.

²⁶Ʋanokumanikidza ndicaʋadyisa nyama yaʋo imene, ʋacaɓatwa neropa raʋo, seineŋge iri waini inonaka; nyama yose icaziʋa kuti ini Jehova, ndini Muponesi wako, noMudzikinuri wako, Unesimba waJakobo.