Read Original Shona Union Bible 1949 Baiberi Magwaro Matȿene aMŋari Isaya 5 Bible Online

Isaya 5 - Original Shona Union Bible 1949 Baiberi Magwaro Matȿene aMŋari bible

Isaya 5

¹Ŋgandiimbire muɗiwa waŋgu rwiyo rwomuɗiwa waŋgu pamsoro pomunda wake wemizambiriŋga. Muɗiwa waŋgu waiʋa nomunda wemizambiriŋga pacikomo cakaʋorera;

²akautimba, akabvisa mabge awo ose, akasima’mo mizambiriŋga yakaiȿo‐naka, akaʋaka shoŋgwe mukati mawo, ndokucera ʋo ciȿiniro mukati mawo; ɀino wakatarira kuti uɓereke mazambiriŋga, asi wakaɓereka mazambiriŋga eɓundo.

³Ɀino imi ʋagere Jerusarema naʋarume ʋaJuda, ndinokumbira kuti mutoŋge pakati paŋgu nomunda waŋgu wemizambiriŋga.

⁴Cinyiko caifanira kuitirwa munda waŋgu wemizambiriŋga, candisina‐kuuitira? Ɀino ndicitarira kuti ucaɓereka mazambiriŋga, wakagoɓerekerei mazambiriŋga eɓundo?

⁵Ɀino ndicakuʋudzai ɀandicaitira munda waŋgu wemizambiriŋga: Ndicabvisa ruzhowa rwawo, udyiwe; ndicaputsa ruȿiŋgo rwawo, utsikwe;

⁶ndicauparadza; hauŋgaraŋgurwi, kana kurimŋa; asi ucamera minzwa norukato; ndicaraira makore, kuti arege kunisa mvura pamsoro pawo.

⁷Nokuti munda wemizambiriŋga waJehova wehondo ndiyo imba yaIsraeri, ʋarume ʋaJuda muti wake unomufadza; ɀino wakatȿaka kwaʋari kururamisira, asi tarira, wakawana kumanikidza, wakatȿaka kururama, asi tarira, wakawana kucema.

⁸Ʋanenhamo ʋanowedzera dzimba nedzimba, ʋanoɓatanidza minda neminda, kuȿikira pasisinenɀimbo, kuȿikira imi mogara muri moga panyika.

⁹Jehova wehondo unotaura munzeʋe dzaŋgu, aciti: Ɀirokwaɀo, dzimba zhinji dzicaʋa matoŋgo, dzimba huru nedzakanaka dzicashaiwa ʋanogara’mo.

¹⁰Nokuti maekere anegumi emizambiriŋga acaɓereka bati[1] rimŋe cete, nehomeri[2] rembeu ricaɓereka efa[3] imŋe cete.

¹¹Ʋanenhamo ʋanomuka maŋgwanani kundotȿaka ɗoro rinoɓata, ʋanoswerera kuȿikira ʋusiku, kuȿikira ʋapeŋgeswa naro.

¹²Ruɗimbga, nembira, neŋgoma, nenyere, newaini ɀiri’po pamitambo yaʋo; asi haʋanehanya neɓasa raJehova, haʋaraŋgariri ɀakaitwa namaʋoko ake.

¹³Saka ʋanhu ʋaŋgu ʋakatapxa nokushaiwa ziʋo; ʋakakudzwa pakati paʋo ʋanoziya nenzara, ʋazhinji ʋaʋo ʋanofa nenyota.

¹⁴Saka Sheori rakawedzera kukara kwaro nokushamisa muromo waro ɀikuru; ʋakakudzwa ʋaʋo, naʋazhinji ʋaʋo, naʋanoɀikudza ʋaʋo, nounofara pakati paʋo, ʋanoɓurukira’mo.

¹⁵Ʋanhu ʋaɗuku ʋakakotamiswa, naʋakuru ʋakaninipiswa, nameso aʋanoɀikudza akaninipiswa.

¹⁶Asi Jehova wehondo ucakudzwa pakutoŋga kwakarurama, naMŋari iye Mutȿene ucaʋonekwa ari mutȿene nokururama kwake.

¹⁷Ipapo makwaiana acafura saaneŋge ari pamafuro awo, ʋanodzuŋgaira ʋacadya makura aʋafumi.

¹⁸Ʋanenhamo ʋanokweʋa ɀakaipa norwonzi rwenhema, neɀiʋi seɀineŋge namabote eŋgoro;

¹⁹ʋanoti: Ŋgaakurumidze, ŋgaacimbidzike neɓasa rake, kuti tiɀiʋone; ɀakafuŋgwa noMutȿene waʋaIsraeri ŋgaɀisweɗere, kuti tiɀiziʋe.

²⁰Ʋanenhamo ʋanoti ɀakaipa ndiɀo ɀakanaka, ʋuye ɀakanaka kuti ndiɀo ɀakaipa, ʋanoisa rima panɀimbo yeciedza, neciedza panɀimbo yerima; ʋanoisa ɀinoʋaʋa panɀimbo yeɀinotapira, neɀinotapira panɀimbo yeɀinoʋaʋa.

²¹Ʋanenhamo ʋanoɀiti takacenjera, ʋanoti pakufuŋga kwaʋo tinenjere.

²²Ʋanenhamo ʋakaita mhare pakunwa waini, naʋarume ʋanesimba pakuveŋganisa ɀinoɓata;

²³ʋanoti wakaipa haanemhoȿa nokuɗa kwefufuro, ʋanotorera wakarurama kururama kwake.

²⁴Naiɀoɀo muraɀo womŋoto seɀaunopedza windi, ʋuye ʋuswa bgakawoma seɀaʋunoŋgoperera mumuraɀo, saiɀoɀo mudzi waʋo ucaʋora, ruʋa raʋo ricatorwa kumsoro seguruʋa; nokuti ʋakaramba murairo waJehova wehondo, nokushoʋora shoko roMutȿene waIsraeri.

²⁵Saka kutsamŋa kwaJehova kwakamukira ʋanhu ʋake, akatambanudza ruʋoko rwake kwaʋari, akaʋaroʋa; makomo anoɗeɗera, mitumbu yaʋo yafanana namarara pakati penzira dzomumusha. Kunyaŋge ɀakaɗaro, kutsamŋa kwake hakuna‐kudzorwa, asi ruʋoko rwake rwakaramba rwakatambanudzwa naɀino.

²⁶Ucasimudzira marudzi anobva kure mureza, nokuʋaridzira muridzo iʋo ʋari kumigumo yenyika; tarirai, ʋacakurumidza kuʋuya ʋacicimbidzika.

²⁷Hapana‐ucaneta kana kugumburwa pakati paʋo; hakunaucakotsira kana kuʋata; banhire reɀiʋuno ɀaʋo hariŋgasunuŋgurwi, rukanda rweshaŋgu dzaʋo haruŋgaɗambuki.

²⁸Miseʋe yaʋo inopinza, ʋuta bgaʋo bgose bgakakuŋgwa; mahwanda amabiza aʋo acaita somusara‐sara, namakumbo eŋgoro dzaʋo secampupuri;

²⁹kuʋomba kwaʋo kucaita sokwehadzi yeshumba, ʋacaʋomba saʋana ʋeshumba; ɀirokwaɀo ʋacaʋomba, ʋacaɓata mhuka yaʋo, ndokuenda nayo, hapanauŋgairwira.

³⁰Nezuʋa iro ʋacaʋaʋombera sokutinhira kweguŋgwa; kana munhu akatarira nyika, ucaʋona rima nokutambudzika; ciedza cicaȿiɓiswa namakore ayo.