Read Original Shona Union Bible 1949 Baiberi Magwaro Matȿene aMŋari Isaya 50 Bible Online

Isaya 50 - Original Shona Union Bible 1949 Baiberi Magwaro Matȿene aMŋari bible

Isaya 50

¹Ɀanzi naJehova: Ruripiko rugwaro rwokuramba mai ʋenyu, rwandakaʋaramba narwo? Kana ndakakuteŋgesai kunani ʋandakaŋga ndinecikwerete naʋo here? Tarirai makateŋgeswa nokuɗa kweɀakaipa ɀenyu, mai ʋenyu ʋakarambga nokuɗa kwokuɗarika kwenyu.

²Ndakashaiwireiko munhu pakuȿika kwaŋgu? Ndakashaiwireiko wakapindura pakuɗana kwaŋgu? Ko ruʋoko rwaŋgu rwatoŋgofupiswa kuti rukoniwe kudzikinura here? Handinesimba rokurwira here? Tarirai, ndinopxisa guŋgwa kana ndicirituka, nzizi ndinodziita renje; hoʋe dzadzo dzinonhuwa, nokuti hadzinemvura, dzinofa nenyota.

³Ƌeŋga rose ndinorifukidza nokuȿiɓa, cifukidziro caro ndinociita makudza.

⁴Ishe Jehova wakandipa rurimi rwaʋakadzidziswa, kuti ndiziʋe kusimbisa ʋakaneta namashoko; unondimutsa maŋgwanani ose, unomutsa nzeʋe dzaŋgu kuti ndinzwe saʋanodzidziswa.

⁵Ishe Jehova wakadziʋura nzeʋe dzaŋgu, handina‐kuramba kana kudzokera shure.

⁶Ndakarinzira ʋaroʋi musana waŋgu, namatama aŋgu kunaʋakataʋura ndebvu dzaŋgu; handina‐kuʋanza ciso caŋgu pakunyadziswa nokupfirwa mate.

⁷Nokuti Ishe Jehova ucandiɓatsira, naiɀoɀo handina‐kunyadziswa; naiɀoɀo ndakaita ciso caŋgu sebge romusarasara, ndinoziʋa kuti handiŋganyadziswi.

⁸Unondiruramisira uri pedyo; ndiani ucarwa neni? Ŋgatisimukei pamŋe cete; ndiani mudziʋisi waŋgu? Ŋgaasweɗere kwandiri.

⁹Tarirai, Ishe Jehova ucandiɓatsira; ndiani uŋgandipa mhoȿa? Tarirai, aʋo ʋose ʋacasakara seŋguʋo; ʋacadyiwa neɀipfunho.

¹⁰Ndianiko uri’po pakati penyu unotya Jehova, unoterera inzwi romuranda wake? Unofamba murima, asineciedza, ŋgaaʋimbe nezita raJehova, asendame kunaMŋari wake.

¹¹Tarirai, imi mose, munoɓatidza mŋoto, munoɀisuŋga ɀiʋuno neɀitsiga; fambai mumuraɀo womŋoto wenyu, napakati peɀitsiga ɀamakaɓatidza. Mucapiwa iɀoɀo noruʋoko rwaŋgu, mucaʋata pasi mucitambudzika.