Read Original Shona Union Bible 1949 Baiberi Magwaro Matȿene aMŋari Isaya 51 Bible Online

Isaya 51 - Original Shona Union Bible 1949 Baiberi Magwaro Matȿene aMŋari bible

Isaya 51

¹Nditererei, imi munoteʋera kururama, imi munotȿaka Jehova; cerekedzai ɗombo pamakatemŋa, negomba romugodi pamakacerwa.

²Cerekedzai Abrahama, ɓaɓa ʋenyu, naSara wakakuɓerekai; nokuti ndakamuɗana aciri mumŋe cete, ndikamuropafadza, ndikamuita ʋazhinji.

³Nokuti Jehova wakanyaradza Zioni; wakanyaradza matoŋgo aro ose, akashandura renje raro riʋe seEdeni, nesaŋgo raro riʋe somunda waJehova; mufaro nokufarisisa ɀicawanikwa’mo, nokuʋoŋga nenzwi rokuimba.

⁴Ndinzwei, imi ʋanhu ʋaŋgu; rerekai nzeʋe dzenyu kwandiri, imi rudzi rwaŋgu; nokuti ndicatema murairo, ɀakarurama ɀaŋgu ndicaɀiita ciedza caʋanhu.

⁵Kururama kwaŋgu kuri pedyo, ruponeso rwaŋgu rwaɓuɗa, maʋoko aŋgu acatoŋga ʋanhu; ɀiwi ɀicandimirira, ɀicaʋimba noruʋoko rwaŋgu.

⁶Tarirai kuɗeŋga nameso enyu, mucerekedze nyika pasi; nokuti ɗeŋga rose ricanyaŋgarika soʋutsi, nyika icasakara seŋguʋo; ʋagere’mo ʋacafa soʋunyunyu; asi ruponeso rwaŋgu rucaʋa nokusiŋgaperi, kururama kwaŋgu hakuŋgaperi.

⁷Nditererei, imi munoziʋa kururama; imi ʋanhu ʋanomurairo waŋgu pamŋoyo yenyu; musatya kuɀidza kwaʋanhu, musavunduswa nokutuka kwaʋo.

⁸Nokuti ɀipfunho ɀicaʋadya seŋguʋo, ɀiʋundudzi ɀicaʋadya semvere; asi kururama kwaŋgu kucaʋa’po nokusiŋgaperi, noruponeso rwaŋgu kuȿikira kumarudzi ose.

⁹Muka, muka, ɀifukidze nesimba, iwe ruʋoko rwaJehova; muka sapamazuʋa akare, sapamarudzi eŋguʋa dzakare‐kare. Ko hamuzi imi makagura‐gura Rahabi, mukaɓaya cikara here?

¹⁰Ko hamuzimi makapxisa guŋgwa, nemvura zhinji yeguŋgwa rakadzika, wakashandura nɀimbo dzakadzika dzeguŋgwa mukapaita nzira paŋgayambuka ʋakadzikinurwa here?

¹¹Ʋakasunuŋgurwa ʋaJehova ʋacadzoka, ʋacaenda Zioni ʋaciimba; mufaro usiŋgaperi ucaʋa pamisoro yaʋo, ʋacapiwa mufaro nokufarisisa, kucema nokugomera kucatiza.

¹²Ini, iyeni, ndinokunyaradzai; ndiwe aniko, unotya munhu unozofa, kana mŋanakomana womunhu, ucaitwa soʋuswa;

¹³ukakaŋganwa Jehova Muiti wako, wakatatamura ɗeŋga rose, nokuteya nheyo dzenyika; uciŋgotya zuʋa rose nokuɗa kwehasha dzomumanikidzi, kana aciɀigadzira kuparadza here? Ko hasha dzomumanikidzi dziripi?

¹⁴Musuŋgwa wakatapxa ucakurumidza kusunuŋgurwa, haaŋgafi nokuɓurukira mugomba, ɀokudya ɀake haɀiŋgashaikwi.

¹⁵Nokuti ndini Jehova Mŋari wako, unomutsa guŋgwa, kuti mafuŋgu aro atinhire; Jehova wehondo ndiro zita rake.

¹⁶Ndakaisa mashoko aŋgu mumuromo mako, ndikakufukidza mumumvuri woruʋoko rwaŋgu, kuti ndiʋambe ɗeŋga rose, nokuteya nheyo dzenyika, nditi kuZioni: Imi muri ʋanhu ʋaŋgu.

¹⁷Muka, muka, simuka, iwe Jerusarema, wakanwa mukombe wokutsamŋa kwaJehova paruʋoko rwake; wakanwa mukombe wose wokudzedzeresa, ukaupedza kwaɀo.

¹⁸Hakuna‐nomumŋe pakati paʋanakomana ʋake ʋose ʋaakaɓereka uŋgamutuŋgamirira, hakunauŋgamuɓata noruʋoko pakati paʋanakomana ʋose ʋaakarera.

¹⁹Ɀinhu iɀi ɀiʋiri ɀakuwira; ndianiko ucakunzwira tsitsi? Kusiyiwa nokuparadzwa, nenzara nomunondo; ndiŋgakunyaradza sei?

²⁰Ʋanakomana ʋako ʋaziya, ʋaʋete pamigumo yenzira dzomumusha, semhuka yaɓatwa mumambure; ʋazadzwa nokutsamŋa kwaJehova nokutuka kwaMŋari wako.

²¹Naiɀoɀo ɀino cinzwa cinhu ici, iwe unotambudzika, wakaɓatwa, asi usino‐kuɓatwa newaini:

²²Ɀanzi naShe wako Jehova, naMŋari wako, unoreʋerera ʋanhu ʋake: Tarirai, ndakabvisa mukombe wokudzedzeresa paruʋoko rwako, iwo mukombe uzere nokutsamŋa kwaŋgu, hauŋgazounwi ɀe;

²³ndicauisa muruʋoko rwaʋanokutambudza, iʋo ʋakati kwauri: Kotama, tifambe napamsoro pako; iwe ukaita musana wako sapasi, senzira yomumusha inofambga naʋanhu.