Read Original Shona Union Bible 1949 Baiberi Magwaro Matȿene aMŋari Isaya 55 Bible Online

Isaya 55 - Original Shona Union Bible 1949 Baiberi Magwaro Matȿene aMŋari bible

Isaya 55

¹Nhai, imi mose munenyota, ʋuyai kumvura zhinji, nousinemari, ʋuyai, muteŋge mudye; ɀirokwaɀo, ʋuyai muteŋge waini nomukaka, musinemari, pasinomuteŋgo.

²Munoparadzireiko mari muciteŋga ɀisati ɀiri ɀokudya, neɀamakaɓatira muciteŋga ɀisiŋgagutisi? Nditererei ɀakanaka, mudye iɀo ɀakanaka, mŋeya yenyu ifare neɀakakora.

³Rerekai nzeʋe yenyu, muʋuye kwandiri; inzwai, mŋeya yenyu igorarama; ndicaita nemi suŋgano isiŋgaperi, nyasha dzaɀokwaɗi dzakapikirwa Davidi.

⁴Tarirai, ndakamuita capupu kumarudzi aʋanhu, aʋe mutuŋgamiriri nomuɓati wamarudzi.

⁵Tarira, ucaɗana rudzi rwawakaŋga usiŋgaziʋi, norudzi rwakaŋga rusiŋgakuziʋi iwe rucamhanyira kwauri, nokuɗa kwaJehova Mŋari wako, nokwoMutȿene waIsraeri; nokuti iye wakakukudza.

⁶Tȿakai Jehova acawanikwa, ɗanai kwaari aciri pedyo.

⁷Wakaipa ŋgaasiye nzira yake, nomunhu usakarurama miraŋgariro yake; ŋgaadzokere kunaJehova, iye ucamunzwira nyasha, nokunaMŋari weɗu, nokuti ucakaŋganwira ɀikuru.

⁸Nokuti ndaŋgariro dzaŋgu hadzizi ndaŋgariro dzenyu, nenzira dzenyu hadzizi nzira dzaŋgu — ndiɀo ɀinotaura Jehova.

⁹Nokuti ɗeŋga seɀarakakwirira kupfuʋura nyika, saiɀoɀo nzira dzaŋgu dzakakwirira kupfuʋura nzira dzenyu, nendaŋgariro dzaŋgu kupfuʋura ndaŋgariro dzenyu.

¹⁰Nokuti mvura necando seɀaɀinoɓuruka ɀicibva kuɗeŋga, ɀisiŋgazodzokeri’ko, asi ɀinoɗiridza nyika, ɀiciiɓerekesa nokuituŋgisa maruʋa, icipa mudɀari mbeu, nomudyi ɀokudya;

¹¹ndiɀo ɀicaita shoko raŋgu rinoɓuɗa mumuromo maŋgu; hariŋgadzokeri kwandiri risina, asi ricaita ɀandinoɗa, riciendika paneɀandakaritumira.

¹²Nokuti mucaɓuɗa nomufaro, nokufambiswa norugare; makomo neɀikomo ɀicaimba nomufaro pamberi penyu; miti yose yokuɗondo icaʋucira.

¹³Panɀimbo yomuti womunzwa pacamera musipresi, panɀimbo yorukato pacamera mumirte; ɀicaʋa kunaJehova mukurumbira neciratidzo cisiŋgaperi, cisiŋgazoparadzwi.