Read Original Shona Union Bible 1949 Baiberi Magwaro Matȿene aMŋari Isaya 57 Bible Online

Isaya 57 - Original Shona Union Bible 1949 Baiberi Magwaro Matȿene aMŋari bible

Isaya 57

¹Wakarurama unoparara, asi hakunomunhu unehanya naɀo; naʋanoɗa Mŋari ʋanobviswa, kusinomunhu unoraŋgarira kuti ʋakarurama ʋanobviswa paɀakaipa.

²Unopinda parugare; ʋanozorora panhoʋo dzaʋo, iye mumŋe nomumŋe, unofamba pakururama kwake.

³Asi sweɗerai pano, imi ʋanakomana ʋomuroyi, ɀiɓereko ɀemhombge necifeʋe.

⁴Munofara pamsoro pani? Munoshamisirani muromo wenyu, nokuɓuɗisa rurimi rwenyu? Ko hamuzi ʋana ʋokuɗarika, ɀiɓereko ɀenhema,

⁵iyemi, munoɀimutsa pakati pemiouki, napasi pomuti mumŋe nomumŋe mutema, imi munoɓaya ʋana mumipata, pasi pemikaha yamatombo?

⁶Pakati pamabge anotedza omupata ndi’po panomugoʋe wako; iwo, iwo ndiɀo ɀawakagoʋerwa; ndiɀo ɀawakaɗururira cipiriso cinoɗururwa, ɀawakaʋigira cipo. Ko ini ndicayananiswa naiɀoɀo here?

⁷Wakawadza nhoʋo dzako pamsoro pegomo rakareɓa rakakwirira; ndi’ko kwawakakwira kundoɓayira ɀiɓayiro.

⁸Wakaisa ciraŋgaridzo cako shure kwemikoʋa neɀiʋiʋo, nokuti wakaɀifukurira mumŋe, asati ari ini, ukakwira; wakakurisa nhoʋo dzako, ukaita suŋgano naʋo; wakaɗa nhoʋo dzaʋo kwawakadziwana.

⁹Ukaenda kunamambo namafuta, ukawedzera ɀinonhuwira ɀako, ukatuma nhume dzako kure, ukaɀininipisa kuȿikira paSheori.

¹⁰Wakaneta norwendo rwako rukuru; kunyaŋge ɀakaɗaro hauna‐kuti: Haɀinamaturo; wakawana simba rako riciʋandudzwa, naiɀoɀo hauna‐kupera simba.

¹¹wakatya nokuvunduka aniko, ɀawareʋa nhema, ukasandiraŋgarira, nokuʋa nehanya? Ko ini handina‐kuramba ndinyerere ŋguʋa refu, ukasanditya here?

¹²Ndicaparidza kururama kwako; kana ari maɓasa ako, haaŋgakuɓatsiri.

¹³Kana uciɗanidzira, aʋo ʋawakaʋuŋganidza, ŋgaʋakurwire; asi mhepo icaʋatora, mŋeya ucaʋabvisa ʋose; asi unoʋimba neni, nyika icaʋa yake, ucagara nhaka yegomo raŋgu dɀene.

¹⁴Ɀicanzi: Tutirai, tutirai, gadzirai nzira, bvisai cigumbuso panzira yaʋanhu ʋaŋgu.

¹⁵Nokuti ɀanzi noWakakwirira Urikumsoro, unogara mukusiŋgaperi, unezita rinonzi Dɀene: Ndinogara pakakwirira napanɀimbo tȿene, ʋuye nounomŋeya wakapxanyika unoɀininipisa, kuti ndiponese ɀe mŋeya wounoɀininipisa, ndiponese ɀe mŋoyo wowakapxanyika.

¹⁶Nokuti handiŋgarwi nokusiŋgaperi, handiŋgatsamŋi ŋguʋa dzose; nokuti mŋeya uŋgapera simba pamberi paŋgu, nemŋeya yandakaita.

¹⁷Nokuti ndakaŋga ndakatsamŋa nokuɗa kwokuipa kwokuciʋa kwake, ndikamuroʋa; ndakaʋanza ciso caŋgu, ndikatsamŋa; akaramba aciŋgotsauka nenzira yakaɗa mŋoyo wake.

¹⁸Ndakaʋona nzira dzake, ndicamuporesa, ndicamufambisa ʋo, nokumunyaradza ɀe iye naʋanomucema.

¹⁹Ndini ndinosika ɀiɓereko ɀemiromo; ɀanzi naJehova: Rugare, rugare kunouri‐kure nokunouri‐pedyo, ndicamuporesa.

²⁰Asi ʋakaipa ʋakafanana neguŋgwa rakabvoŋgodzwa; nokuti harigoni kuzorora, asi mvura yaro inoɓuɗisa matope namarara.

²¹Ɀanzi naMŋari waŋgu: Ʋakaipa haʋanorugare.