Read Original Shona Union Bible 1949 Baiberi Magwaro Matȿene aMŋari Isaya 58 Bible Online

Isaya 58 - Original Shona Union Bible 1949 Baiberi Magwaro Matȿene aMŋari bible

Isaya 58

¹Ƌanidzira kwaɀo, usarega, ɗanidzira nenzwi rako sehwamanda, uparidzire ʋanhu ʋangu kuɗarika kwaʋo, neimba yaJakobo ɀiʋi ɀaʋo.

²Kunyaŋge ɀakaɗaro, ʋanonditȿaka zuʋa rimŋe nerimŋe, ʋacifarira kuziʋa nzira dzaŋgu; ʋanokumbira kwandiri mirairo yakarurama, sorudzi runoita ɀakarurama, rusiŋgasiyi ɀakarairwa naMŋari waʋo; ʋanofarira kusweɗera kunaMŋari.

³Ʋanoti: Takaɀinyimireiko ɀokudya, imi mukasaɀiʋona? Takatambudzireiko mŋeya yeɗu, imi mukasaɀiziʋa? Tarirai, pazuʋa rokuɀinyima ɀokudya munotȿaka kuɀifadza henyu, nokuɓata maɓasa enyu ose.

⁴Tarirai, munoɀinyima ɀokudya, kuti murwe nokukakaʋara, nokuroʋa netsiʋa yeɀakaipa; hamuɀinyimi ɀokudya nhasi, kuti inzwi renyu rinzwike kumsoro.

⁵Ndikoko kuɀinyima ɀokudya kwandakasanaŋgura here? Ndirero zuʋa munhu raanotambudza mŋeya wake naro here? Ndiko kukotamisa musoro wake senhokwe, nokuwarira makudza namaɗota pasi pake here? Iɀeɀo uŋgaɀiti ndiko kuɀinyima ɀokudya, nezuʋa rinoɗikanwa naJehova here?

⁶Ko kuɀinyima ɀokudya kwandakasanaŋgura. hakuzakaɗai here, kuti musunuŋgure ɀisuŋgo ɀeɀakaipa, nokubvisa makashu ejoko, kuti wakamanikidzwa aende hake, ʋuye kuti muvune majoko ose here?

⁷Hakuzi kuti ugoʋane ɀokudya ɀako nounenzara, ʋuye kuti uɗane ʋarombo ʋakadziŋgwa ʋapinde mumba mako here? Kuti kana uciʋona munhu wakashama umufukidze, ʋuye kuti urege kuʋanda ʋenyama yako here?

⁸Ipapo ciedza cako cicaɓuɗa secamambakwedza, kuporeswa kwako kucaɓukira nokukurumidza, kururama kwako kucakutuŋgamirira, nokubginya kwaJehova kucakurindira mumashure.

⁹Ipapo ucaɗana, Jehova ucakupindura; ucaɗanidzira iwe, iye ucati: Ndiri pano. Kana ucibvisa pakati pako joko, nokutendeka nomunwe, nokutaura ɀakaipa;

¹⁰kana mŋeya wako ukaʋa nehanya naʋanenzara, nokugutisa mŋeya wounotambudzika; ipapo ciedza cako cicaɓuɗa murima, kuȿiɓirwa kwako kucaita samasikati;

¹¹Jehova ucakufambisa ŋguʋa dzose, ucagutisa mŋeya wako panɀimbo dzakawoma, nokusimbisa mafupa ako; ucaʋa somunda wakaɗiridzwa, ʋuye setsime remvura, risiŋgapxi mvura yaro.

¹²Ʋacaɓerekwa newe ʋacaʋaka ɀe matoŋgo akare; ucamutsa nheyo dzamarudzi mazhinji, ʋuye ucatumidzwa: Mugadziri wopakakoromoka, muʋandudzi wenzira, kuti ʋanhu ʋagone kugara’po.

¹³Kana ucidzora gumbo rako pazuʋa resaɓata, kuti urege kuita ɀaunoɗa pazuʋa raŋgu dɀene, uciti, saɓata izuʋa rinofadza, nezuʋa dɀene raJehova rinofanira kukudzwa, ucirikudza, usiŋgaiti ɀaunoɗa, kana kutȿaka ɀinokufadza, kana kutaura mashoko ako;

¹⁴ipapo ucafarira Jehova kwaɀo; neni ndicakufambisa panɀimbo dzakakwirira dzenyika, ndicakugutisa nenhaka yaɓaɓa ʋako Jakobo, nokuti muromo waJehova wakataura iɀoɀo.