Read Original Shona Union Bible 1949 Baiberi Magwaro Matȿene aMŋari Isaya 60 Bible Online

Isaya 60 - Original Shona Union Bible 1949 Baiberi Magwaro Matȿene aMŋari bible

Isaya 60

¹Simuka, uveneke, nokuti ciedza cako caȿika, kubginya kwaJehova kwaɓuɗa pamsoro pako.

²Nokuti, tarira, rima ricafukidza nyika, nerima guru marudzi aʋanhu; asi Jehova ucaɓuɗa pamsoro pako, kubginya kwake kucaʋonekwa pamsoro pako.

³Marudzi acaʋuya kuciedza cako, namadzimambo kukubginya kwakakuɓuɗira.

⁴Riŋgira kwose‐kwose nameso ako, uʋone: ʋose ʋanoʋuŋgana pamŋe cete, ʋaciʋuya kwauri; ʋanakomana ʋako ʋacaʋuya ʋacibva kure, ʋakunda ʋako ʋacaɓerekwa pahudyu.

⁵Ipapo ucaɀiʋona ukapenya nomufaro, mŋoyo wako ucaɗeɗera nokufariswa; nokuti ɀakawanda ɀeguŋgwa ɀicaiswa kwauri, fuma yamarudzi aʋanhu icaʋuya kwauri.

⁶Makamera mazhinji‐zhinji acakufukidza, nemhuru dzamakamera eMidiani neEfa; ʋose ʋeSheba ʋacaʋuya, ʋacaʋuya nendarama neɀinonhuwira, ʋacaparidza kurumbidzwa kwaJehova.

⁷Mapoka ose amakwai eKedari acaʋuŋganidzirwa kwauri, makondobge eNebayoti acakushumira; ɀicaiswa paartari yaŋgu ndiciɀifarira, ndicashoŋgedza imba yokukudzwa kwaŋgu.

⁸Ndianiko aʋa ʋanobururuka segore, senjiʋa dzinoʋuya kumawindi eɀirugu ɀadzo?

⁹Ɀirokwaɀo, ɀiwi ɀicandimirira, neɀikepe ɀeTarshishi ɀicatuŋgamira ɀiciʋuya naʋanakomana ʋako ʋanobva kure, ʋaciʋuya nesirveri yaʋo nendarama yaʋo kuɀiisa kuzita raJehova Mŋari wako, nokunoMutȿene waIsraeri, nokuti ndiye wakakushoŋgedza.

¹⁰Ʋatorwa ʋacaʋaka maȿiŋgo ako, madzimambo aʋo acakushumira; nokuti ndakakuroʋa nokutsamŋa kwaŋgu, asi ndakakunzwira nyasha neŋgoni dzaŋgu.

¹¹Masuʋo ako acagara akazaruka ŋguʋa dzose, haaŋgazarirwi masikati noʋusiku, kuti ʋaʋuyise kwauri fuma yamarudzi aʋanhu namadzimambo aʋo, akatapxa.

¹²Nokuti rudzi noʋushe, ɀinoramba kukushumira, ɀicaparara; ɀirokwaɀo marudzi iwayo acaparadzwa cose.

¹³Ɀinobginya ɀeRebanoni ɀicaʋuya kwauri, misipresi, nemipaini nemifiri pamŋe cete, kuti ndishoŋgedze nɀimbo yeimba yaŋgu tȿene; ʋuye ndicabginyisa nɀimbo yetsoka dzaŋgu.

¹⁴Ʋanakomana ʋaʋatambudzi ʋako ʋacaʋuya kwauri ʋacikotama; ʋose ʋaikuɀidza ʋacaɀikotamisa pasi‐pasi petsoka dzako; ʋacakutumidza zita rokuti, Guta raJehova, ɀioni roMutȿene waIsraeri.

¹⁵Wakaŋga wakasiyiwa nokuʋeŋgwa, kusisinomunhu waipfuʋura nomukati mako, asi ɀino ndicakuita cinhu cinorumbidzwa nokusiŋgaperi, cinofarirwa kuȿikira kumarudzi mazhinji.

¹⁶Ucamna ʋo mukaka wamarudzi, ucamna mazamu amadzimambo; ipapo ucaziʋa kuti ini Jehova, ndini Muponesi wako, noMudzikinuri wako, Wamasimba‐ose waJakobo.

¹⁷Panɀimbo yendarira ndicaʋuya nendarama, panɀimbo yeɗare ndicaʋuya nesirveri, panɀimbo yamatanda safuri, napanɀimbo yamabge ɗare. Rugare ndicarugadza ruʋe madzishe ako, noKururama kuʋe ʋaɓati ʋako.

¹⁸Ɀinoitwa nesimba haɀicazonzwiki panyika yako, kana kurashwa nokuparadzwa pamiganho yako; asi ucatumidza maȿiŋgo ako zita rokuti, Ruponeso, namasuʋo ako Rumbidzo.

¹⁹Zuʋa haricazoʋi ciedza cako masikati, mŋedzi hauŋgazokuvenekeri nokupenya kwawo; asi Jehova ucaʋa kwauri ciedza cisiŋgaperi, naMŋari wako kunaka kwako.

²⁰Zuʋa rako haricazoʋiri, mŋedzi wako hauŋgatapudziki; nokuti Jehova ucaʋa ciedza cako cisiŋgaperi, mazuʋa okucema kwako acaguma.

²¹Ʋanhu ʋako ʋose ʋacaʋa ʋakarurama, ʋacagara nhaka yenyika nokusiŋgaperi, ʋacaʋa ɗaʋi randakasima, neɓasa ramaʋoko aŋgu, kuti ndikudzwe.

²²Muɗuku ucaʋa curu, wakaɗukupa ucaʋa rudzi runesimba; ini Jehova ndicakurumidza kuɀiita neŋguʋa yaɀo.