Read Original Shona Union Bible 1949 Baiberi Magwaro Matȿene aMŋari Isaya 61 Bible Online

Isaya 61 - Original Shona Union Bible 1949 Baiberi Magwaro Matȿene aMŋari bible

Isaya 61

¹Mŋeya waShe Jehova uri pamsoro paŋgu; nokuti Jehova wakandizodza kuti ndiparidzire ʋanyoro mashoko akanaka; wakandituma kuti ndirape ʋanemŋoyo yakaputsika, kuti ndiparidzire ʋakatapxa kusunuŋgurwa, nokunaʋakasuŋgwa kuti ʋacazarurirwa;

²kuti ndiparidze gore reŋgoni dzaJehova, nezuʋa rokutsiʋa raMŋari weɗu; kuti ndinyaradze ʋose ʋanocema;

³kuti ndigadzirire ʋanocema paZioni ʋapiwe korona panɀimbo yamaɗota, mafuta omufaro panɀimbo yokucema, neŋguʋo yokurumbidza panɀimbo yomŋeya waziya; kuti ʋanzi miti yokururama, cakasimŋa caJehova, kuti iye akudzwe.

⁴Ipapo ʋacaʋaka matoŋgo akare, ʋacamutsa ɀe nɀimbo dzakaparadzwa dzokutaŋga, ʋacagadzira maguta akaŋga aitwa matoŋgo, ɀakaparadzwa ɀamarudzi namarudzi.

⁵Ʋatorwa ʋacamira ʋacifudza mapoka enyu amakwai, naʋaeni ʋacaʋa ʋarimi ʋenyu naʋagadziri ʋemizambiriŋga yenyu.

⁶Asi imi mucanzi ʋaprista ʋaJehova, ʋanhu ʋacakutumidzai ʋashumiri ʋaMŋari weɗu; mucadya fuma yamarudzi aʋanhu, mucaɀirumbidza nokukudzwa kwawo.

⁷Panɀimbo yokunyadziswa kwenyu, mucapiwa migoʋe miʋiri; panɀimbo yokushoʋorwa ʋacafarira mugoʋe waʋo; naiɀoɀo panyika yaʋo ʋacaʋa nemigoʋe miʋiri, ʋacaʋa nomufaro usiŋgaperi.

⁸Nokuti ini Jehova ndinoɗa ɀakarurama, ndinoʋeŋga kupamba pamŋe cete neɀakaipa; ndicaʋaripira ɀirokwaɀo, ʋuye ndicaita suŋgano isiŋgaperi naʋo.

⁹Ʋana ʋaʋo ʋacazikanwa pakati pamarudzi, neɀiɓereko ɀaʋo pakati paʋanhu; ʋose ʋanoʋaʋona ʋacaʋaziʋa, kuti ndirwo rudzi rwakaropafadzwa naJehova.

¹⁰Ndicafarira Jehova kwaɀo, mŋeya waŋgu ucaʋa nomufaro munaMŋari waŋgu; nokuti wakandifukidza ŋguʋo dzoruponeso, wakandipfekedza cokufuka cokururama, secikomba cinoshoŋga korona, ʋuye somŋeŋga unoɀishoŋgedza noʋukomba bgake.

¹¹Nokuti nyika seɀainoɓuɗisa miti yayo, nomunda seɀaunomeresa ɀakadɀarwa’mo, saiɀoɀo Ishe Jehova ucameresa kururama nokurumbidzwa pamberi pamarudzi ose.