Read Original Shona Union Bible 1949 Baiberi Magwaro Matȿene aMŋari Isaya 63 Bible Online

Isaya 63 - Original Shona Union Bible 1949 Baiberi Magwaro Matȿene aMŋari bible

Isaya 63

¹Ndianiko uyu unobva Edomi, unobva Bozra aneŋguʋo dzakatȿuka kwaɀo? Ndiani uyo wakafuka ɀinobginya, unofamba noʋukuru bgesimba rake? Ndini ndinotaura nokururama, ndinesimba rokuponesa.

²Ko ŋguʋo yenyu yakatȿuka nei? Ɀokufuka ɀenyu ɀakafanana neɀomunhu unotsika muciȿiniro cewaini neiko?

³Ini ndakatsika ciȿiniro cewaini ndoga; kwakaŋga kusinomunhu wamarudzi aʋanhu waiʋa neni; ɀirokwaɀo, ndakaʋatsika pakutsamŋa kwaŋgu, ndakaʋapxanya pahasha dzaŋgu; ropa roʋupenyu bgaʋo rikatsatikira paŋguʋo dzaŋgu, ndikaȿiɓisa ɀokufuka ɀaŋgu ɀose.

⁴Nokuti ndakafuŋga zuʋa rokutsiʋa mumŋoyo maŋgu; gore raʋakadzikinurwa ʋaŋgu raȿika.

⁵Ndikatarira, ndikashaiwa unoɓatsira, ndikashamiswa nokuti kwakaŋga kusinaunotsigira; naiɀoɀo ruʋoko rwaŋgu rwakandiʋigira ruponeso, kutsamŋa kwaŋgu ndiko kwakanditsigira.

⁶Ndikatsika‐tsika marudzi aʋanhu pakutsamŋa kwaŋgu, ndikaʋapeŋgesa neɗoro rokutsamŋa kwaŋgu, ndikaɗurura ropa roʋupenyu bgaʋo pasi.

⁷Ndicarumbidza ʋunyoro bgaJehova namaɓasa aJehova anofanira kurumbidzwa, nokuɗa kweɀose ɀatakaitirwa naJehova neɀakanaka ɀizhinji kuimba yaIsraeri, ɀaakaʋaitira nokuɗa kwenyasha dzake, ʋuye nokuɗa kwoʋunyoro bgake.

⁸Nokuti wakati: Ɀirokwaɀo, ndiʋo ʋanhu ʋaŋgu, ʋana ʋasiŋgazoiti nokunyeŋgera; naiɀoɀo wakaʋa Muponesi waʋo.

⁹Pakutambudzika kwaʋo kwose naiye ʋo wakaŋga acitambudzika, mutumŋa, wakaʋaziʋisa ciso cake, wakaʋaponesa; wakaʋadzikinura noruɗo rwake netsitsi dzake, akaʋasimudza nokuʋatakura mazuʋa ose akare.

¹⁰Asi ʋakamumukira, nokucemedza Mŋeya wake mutȿene; naiɀoɀo wakashanduka, akaʋa muʋeŋgi waʋo, akarwa naʋo amene.

¹¹Ipapo ʋanhu ʋake ʋakaraŋgarira mazuʋa akare, Mosesi naʋanhu ʋake, ʋakati: Uripiko iye wakaʋaɓuɗisa muguŋgwa pamŋe cete nomufudzi weɓoka rake? Uripiko iye wakaisa Mŋeya wake mutȿene pakati paʋo?

¹²Uripiko iye wakafambisa ruʋoko rwake runokudzwa parutiʋi rwaMosesi, wakaparadzanisa mvura zhinji pamberi paʋo kuti aɀiwanire mukurumbira usiŋgaperi?

¹³Uripiko iye wakaʋafambisa napakadzika, sebiza murenje, ʋakasagumburwa?

¹⁴Mŋeya waJehova wakaʋazorodza, seŋombe dzinoɓurukira kumupata; saiɀoɀo makafambisa ʋanhu ʋenyu, kuti muɀiwanire mukurumbira mukuru‐kuru.

¹⁵Tarirai pasi muri kuɗeŋga, muʋone muri paʋugaro bgenyu ʋutȿene ʋunobginya: Kushiŋgaira kwenyu namaɓasa enyu anesimba aripiko? Kushuʋa kwomŋoyo wenyu netsitsi dzenyu ɀadzorwa kwandiri.

¹⁶Nokuti muri Ƃaɓa ʋeɗu, kunyaŋge Abrahama asiŋgatiziʋi, naIsraeri asiŋgatiziʋururi; imi Jehova muri Ƃaɓa ʋeɗu; Mudzikinuri weɗu kubva kare nakare, ndiro zita renyu.

¹⁷Haiwa, Jehova, munotirega neiko ticitsauka panzira dzenyu, nokuwomesa mŋoyo yeɗu kuti tirege kukutyai? Dzokai nokuɗa kwaʋaranda ʋenyu, iwo marudzi enhaka yenyu.

¹⁸Ʋanhu ʋenyu ʋatȿene ʋakaŋga ʋanayo ŋguʋa ɗuku hayo; ʋadziʋisi ʋeɗu ʋakatsika pasi imba yenyu tȿene.

¹⁹Isu tafanana naʋasina‐kutoŋgoɓatwa nemi, naʋasina‐kutumidzwa nezita renyu.