Read Original Shona Union Bible 1949 Baiberi Magwaro Matȿene aMŋari Isaya 66 Bible Online

Isaya 66 - Original Shona Union Bible 1949 Baiberi Magwaro Matȿene aMŋari bible

Isaya 66

¹Ɀanzi naJehova: Kuɗeŋga ndico cigaro caŋgu coʋushe, nyika ndico citsiko cetsoka dzaŋgu; muŋgandiʋakira imba yakaɗiniko? Ndeipiko nɀimbo pandiŋgazorora?

²Nokuti ɀinhu iɀi ɀose ɀakaitwa noruʋoko rwaŋgu, iɀi ɀinhu ɀose ɀakaitwa kuɗaro — ndiɀo ɀinotaura Jehova; asi ndicaraŋgarira munhu uyu, iye murombo unomŋeya wakaputsika, unoɗeɗera neshoko raŋgu.

³Unoʋuraya nzombe wakaita sounoʋuraya munhu, unoɓayira gwaiana sounovuna mutsipa wembga, unoʋuya necipiriso coʋupfu sounoʋuya neropa reŋguruʋe, unopisira ɀinonhuwira sounotenda cifananidzo. Ɀirokwaɀo, ʋakaɀisanaŋgurira nzira dzaʋo, mŋeya waʋo unofarira ɀinonyaŋgadza ɀaʋo.

⁴Neni ʋo ndicasanaŋgura ɀinoʋaɗaɗira, ndicawisira pamsoro paʋo iɀo ɀaʋanotya; nokuti paŋguʋa yandakaɗana, hakuna‐wakapindura, paŋguʋa yandakataura, haʋana‐kunzwa, asi ʋakaita ɀakaipa pamberi paŋgu, ʋakasanaŋgura ɀakaŋga ɀisiŋgandifadzi.

⁵Inzwai shoko raJehova, imi munoɗeɗera neshoko rake: Hama dzenyu, dzinokuʋeŋgai, dzakakudziŋgai nokuɗa kwezita raŋgu, dzakati: Jehova ŋgaaratidze ʋumambo bgake, kuti tiʋone mufaro wenyu; asi ndidzo dzicanyadziswa.

⁶Inzwai mubvumo weɓope riri muguta, mubvumo unobva kutembere, mubvumo waJehova unoripidzira ʋaʋeŋgi ʋake.

⁷Wakapona asati arwadziwa, wakaɓereka mŋanakomana kurwadziwa kwake kusati kwaȿika.

⁸Ndianiko wakambonzwa cinhu cakaɗai? Ndiani wakamboʋona ɀinhu ɀakaɗai? Nyika iŋgaɓerekwa nezuʋa rimŋe here? Rudzi rwaʋanhu ruŋgaɀarwa pakarepo? Nokuti Zioni rakaŋgoti kurwadziwa, ndokuɓereka ʋana ʋaro.

⁹Ɀanzi naJehova: Ndiŋgaȿitsa pakuɓereka, ndikasaɓerekesa here? Ini, ndinoɓerekesa, ndiŋgazarira ciɀaro here? Ndiɀo ɀinotaura Mŋari wako.

¹⁰Farai pamŋe cete neJerusarema, mufare pamsoro paro, imi mose, munoriɗa; farai nomufaro mukuru naro, imi mose munoricema;

¹¹kuti mumne, mugute namazamu okunyaradzwa kwaro; kuti mukame, mufadzwe nokuwanda kwembiri yaro.

¹²Nokuti ɀanzi naJehova: Tarirai, ndicaritambanudzira rugare rwakaita sorwizi, nefuma yamarudzi aʋanhu sorwizi runofema kunze; imi mucamna, mucaɓerekwa pahudyu, mucaʋaraidzwa pamabvi.

¹³Somunhu unoʋaraidzwa namai ʋake, saiɀoɀo ndicakuʋaraidzai; mucaʋaraidzwa paJerusarema.

¹⁴Mucaɀiʋona, mŋoyo wenyu ucafara, namafupa enyu acamera seɓumhudza; ruʋoko rwaJehova rucazikanwa kunaʋaranda ʋake, asi ucaʋa nehasha naʋaʋeŋgi ʋake.

¹⁵Nokuti tarirai, Jehova ucaʋuya nomŋoto, ŋgoro dzake dzicafanana necampupuri; kuti aratidze kutsamŋa kwake noʋukasha, nokutuka kwake nemiraɀo yomŋoto.

¹⁶Nokuti Jehova ucatoŋga nyama yose nomŋoto ʋuye nomunondo wake; ʋakaʋurawa naJehova ʋacaʋa ʋazhinji.

¹⁷Ʋanoɀiita ʋatȿene naʋanoɀinatsa kuti ʋaende kuminda, ʋaciteʋera mumŋe uri pakati, ʋacidya nyama yeŋguruʋe, necinonyaŋgadza, nembeʋa, iʋaʋo ʋacapera ʋose — ndiɀo ɀinotaura Jehova.

¹⁸Nokuti ndinoziʋa maɓasa aʋo nendaŋgariro dzaʋo; ŋguʋa inoȿika yandicaʋuŋganidza marudzi ose namarimi ose, ʋacaʋuya ʋaciʋona kubginya kwaŋgu.

¹⁹Ndicaisa ciratidzo pakati paʋo, ʋanopukunyuka kwaʋari ndicaʋatumira kunamamŋe marudzi, kunaʋeTarshishi, nePuri, neRudi, ʋanofura noʋuta, kunaʋeTubari neJavani, kuɀiwi ɀiri kure, ɀisina‐kumbonzwa mbiri yaŋgu, kana kuʋona kubginya kwaŋgu; iʋo ʋacaparidza kubginya kwaŋgu pakati pamarudzi.

²⁰Ʋacaʋuyisa hama dzenyu dzose dzicibva kumarudzi ose, ciʋe cipo kunaJehova, ʋakataȿa mabiza, ʋari muŋgoro, nomuŋgoro dzinamateŋga, ʋakataȿa mahesera, namakamera, ʋaciʋuya kugomo raŋgu dɀene Jerusarema, seɀinoitwa naʋana ʋaIsraeri kana ʋaciʋuya neɀipo ɀaʋo mumudziyo wakanaka mumba maJehova — ndiɀo ɀinotaura Jehova.

²¹Ndicatora ʋo ʋamŋe ʋaʋo ʋaʋe ʋaprista naʋaRevi — ndiɀo ɀinotaura Jehova.

²²Nokuti ɗeŋga idɀa nenyika itȿa, ɀandicaita, seɀaɀicagara ɀiri’po pamberi paŋgu, saiɀoɀo rudzi rwako nezita rako ɀicagara ɀiri’po — ndiɀo ɀinotaura Jehova.

²³Ɀino paŋguʋa iyo nyama yose icaʋuya kuzonamata pamberi paŋgu, pakugara kwomŋedzi mumŋe nomumŋe, napasaɓata imŋe neimŋe — ndiɀo ɀinotaura Jehova.

²⁴Ʋacaɓuɗa’po ʋacindotarira ɀitunha ɀaʋanhu ʋakandiɗarikira; nokuti honye yaʋo haiŋgafi, ʋuye mŋoto waʋo hauŋgadzimŋi; ʋacaʋa cinhu cinosemesa nyama yose.