Read Original Shona Union Bible 1949 Baiberi Magwaro Matȿene aMŋari Revitiko 1 Bible Online

Revitiko 1 - Original Shona Union Bible 1949 Baiberi Magwaro Matȿene aMŋari bible

Revitiko 1

¹Ɀino Jehova wakaɗana Mosesi, akataura naye ari mutente rokusoŋgana, akati:

²Taura naʋana ʋaIsraeri, uti kwaʋari: Kana mumŋe wenyu aciɗa kuʋigira Jehova cipo cake, munofanira kumuʋigira ɀipo ɀenyu ɀeɀipfuwo, kana ɀeŋombe kana ɀamakwai.

³Kana cipo cake ciri cipiriso cinopiswa ceŋombe, unofanira kuʋigira mukono usinemhoȿa; ŋgaaciɓayire pamukoʋa wetente rokusoŋgana, kuti agamucirwe pamberi paJehova.

⁴Ɀino ŋgaaise ruʋoko rwake pamusoro wecipiriso cinopiswa, kuti cigamucirwe panɀimbo yake, cimuyananisire.

⁵Ŋgaaɓaye nzombe pamberi paJehova, ʋanakomana ʋaAroni, ʋaprista, ʋagoʋuya neropa, ʋasase ropa kunhiʋi dzose dzeartari, iri pamukoʋa wetente rokusoŋgana.

⁶Ɀino ŋgaaviye cipiriso cinopiswa, nokucigura‐gura.

⁷Ɀino ʋanakomana ʋaAroni, muprista, ŋgaʋaise mŋoto paartari, nokugadzira ʋo huni pamsoro pomŋoto.

⁸Ipapo ʋanakomana ʋaAroni, ʋaprista, ʋanofanira kugadzira nhindi, nomusoro, namafuta pamsoro pehuni dziri pamŋoto uri pamsoro peartari.

⁹Asi ŋgaasuke ʋura bgaco namakumbo aco nemvura, muprista agopisa ɀose paartari, ciʋe cipiriso cinopiswa, cipiriso cinoitwa nomŋoto, cinonhuwira ɀakanaka kunaJehova.

¹⁰Kana cipo cake ciri cipiriso cinopiswa ceɀipfuwo ɀiɗuku ɀamakwai kana mbudzi, unofanira kuʋigira mukono usinemhoȿa.

¹¹Ŋgaaciɓaye parutiʋi rweartari necokumsoro pamberi paJehova; ɀino ʋanakomana ʋaAroni, ʋaprista, ʋanofanira kusasa ropa raco kunhiʋi dzose dzeartari.

¹²Ipapo unofanira kugura‐gura nhindi pamŋe cete nomusoro waco namafuta aco, muprista agoɀigadzira pamsoro pehuni dziri pamŋoto pamsoro peartari.

¹³Asi ʋura namakumbo ŋgaaɀisuke nemvura, muprista agoɀiɓayira ɀose, nokuɀipisira paartari, kuti ciʋe cipiriso cinopiswa, cipiriso cakaitwa nomŋoto, cinonhuwira ɀakanaka kunaJehova.

¹⁴Kana cipo cake kunaJehova ciri cipiriso cinopiswa ceshiri, ŋgaaʋigire ciɓayiro cake cenjiʋa, kana twana twenjiʋa.

¹⁵Ɀino muprista unofanira kuciisa paartari, ndokugura musoro ndokuupisa paartari, agoɗonhedzera ropa raco parutiʋi rweartari;

¹⁶ɀino unofanira kutora cihururu cayo neminheŋga yayo, ndokuɀirasha kurutiʋi rweartari kumaɓuɗazuʋa kunorashwa maɗota.

¹⁷Ipapo unofanira kuibvambura namapapiro ayo asiŋgaiparadzanisi, muprista agoipisa paartari pamsoro pehuni dziri pamŋoto; ico cipiriso cinopiswa, cipiriso cakaitwa nomŋoto, cinonhuwira ɀakanaka kunaJehova.