Read Original Shona Union Bible 1949 Baiberi Magwaro Matȿene aMŋari Revitiko 14 Bible Online

Revitiko 14 - Original Shona Union Bible 1949 Baiberi Magwaro Matȿene aMŋari bible

Revitiko 14

²Ndiwo murairo womunhu unamaperembudzi nomusi wokunatswa kwake: Unofanira kuiswa kumuprista;

³ɀino muprista unofanira kuɓuɗa kunze kwemisasa, muprista agocerekedza munhu uyu; kana akaʋona kuti hosha yamaperembudzi yapora hayo kumunhu unamaperembudzi;

⁴muprista unofanira kuraira kuti unoɗa kunatswa atorerwe shiri mbiri mhenyu dzakanaka, neɗanda romusidari, nomuceka mutȿuku, nehisopi.

⁵Ɀino muprista araire kuti shiri imŋe iʋurawe muhari yevu, pamsoro pemvura inoyerera.

⁶Ɀino unofanira kutora shiri mhenyu, neɗanda romusidari, nomuceka mutȿuku, nehisopi, ndokuɀinyika pamŋe cete neshiri mhenyu muropa reshiri yakaʋurawa pamsoro pemvura inoyerera.

⁷Ɀino unofanira kurisasa kanomŋe pamsoro pomunhu unoɗa‐kunatswa pamaperembudzi ake, ndokureʋa kuti wakanaka; ipapo woregedza shiri mhenyu, iende hayo kusaŋgo.

⁸Ɀino munhu unoɗa‐kunatswa unofanira kusuka ŋguʋo dzake, nokuʋeʋura vudzi rake rose, ndokushamba mumvura, agoʋa wakanaka; pashure unofanira kupinda mukati memisasa, asi ŋgaagare kunze kwetente rake mazuʋa manomŋe.

⁹Nomusi wecinomŋe unofanira kuʋeʋura vudzi rake rose romusoro wake, nendebvu dzake, netsiye dzake, aʋeʋure vudzi rake rose; ɀino ŋgaasuke ŋguʋo dzake, ndokushamba muʋiri wake, agoʋa wakanaka.

¹⁰Nomusi worusere unofanira kutora makwaiana maʋiri amakondobge, asinemhoȿa, negwaiana rimŋe reshece rinegore rimŋe, risinemhoȿa, neɀegumi ɀitatu ɀeefa[3] yoʋupfu bgakatsetseka, ciʋe cipiriso coʋupfu, bgakakanyiwa namafuta, nerogi[4] imŋe yamafuta.

¹¹Ɀino muprista, unomunatsa, unofanira kuisa munhu unoɗa‐kunatswa pamberi paJehova, pamŋe cete neɀinhu iɀi, pamukoʋa wetente rokusoŋgana;

¹²muprista ndokutora rimŋe ramakwaiana amakondobge, ndokuriɓayira, ciʋe cipiriso cemhoȿa, nerogi yamafuta, agoɀizuŋguzira, ciʋe cipiriso cokuzuŋguzira pamberi paJehova;

¹³ɀino unofanira kuʋuraya gwaiana regondobge paʋanoʋurayira cipiriso ceɀiʋi necipiriso cinopiswa panɀimbo tȿene; nokuti cipiriso cemhoȿa ndecomuprista secipiriso ceɀiʋi; citȿene kwaɀo.

¹⁴Ipapo muprista unofanira kutora rimŋe ropa recipiriso cemhoȿa, muprista agoriisa pamuceto wenzeʋe yorudyi yomunhu unonatswa, napagunwe roruʋoko rwake rworudyi, napagunwe rorutsoka rwake rworudyi;

¹⁵ɀino muprista unofanira kutora mamŋe mafuta erogi, ndokuaɗira mucanza coruʋoko rwake rworuɓoshwe;

¹⁶ɀino muprista ŋgaanyike mutendeka wake worudyi mumafuta ari muruʋoko rwake rworuɓoshwe, asase mamŋe mafuta nomunwe wake kanomŋe pamberi paJehova;

¹⁷mamŋe mafuta akasara muruʋoko rwake muprista unofanira kuaisa pamuceto wenzeʋe yorudyi yomunhu unonatswa, napagunwe roruʋoko rwake rworudyi, napagunwe rorutsoka rwake rworudyi, pamsoro peropa recipiriso cemhoȿa;

¹⁸mamŋe mafuta akasara muruʋoko rwomuprista unofanira kuaisa pamusoro womunhu unonatswa; kuti muprista amuyananisire pamberi paJehova.

¹⁹Muprista unofanira kupisa cipiriso ceɀiʋi, kuti ayananisire munhu unonatswa, nokuɗa kwokusanaka kwake; pashure unofanira kuʋuraya cipiriso cinopiswa;

²⁰muprista unofanira kupisa cipiriso cinopiswa, necipiriso coʋupfu pamsoro peartari, kuti muprista amuyananisire, anake.

²¹Kana ari murombo, asiŋgagoni kuwana ɀizhinji ɀakaɗai, unofanira kutora gwaiana rimŋe regondobge, ciʋe cipiriso cemhoȿa cokuzuŋguzira, kumuyananisira, necegumi ceefa yoʋupfu bgakatsetseka, bgakakanyiwa namafuta, ciʋe cipiriso coʋupfu, pamŋe cete nerogi yamafuta;

²²nenjiʋa mbiri, notwana tuʋiri twenjiʋa, seɀaanogona kuwana; imŋe ciʋe cipiriso ceɀiʋi, imŋe ciʋe cipiriso cinopiswa;

²³nomusi worusere unofanira kuʋuya naɀo kumuprista pamsoro pokunatswa kwake, kumukoʋa wetente rokusoŋgana pamberi paJehova.

²⁴Ɀino muprista unofanira kutora gwaiana recipiriso cemhoȿa, nerogi yamafuta, muprista agoɀizuŋguzira, ciʋe cipiriso cinozuŋguzirwa pamberi paJehova;

²⁵ɀino ŋgaaʋuraye gwaiana recipiriso cemhoȿa, agotora rimŋe ropa recipiriso cemhoȿa, ariise pamuceto wenzeʋe yomunhu unonatswa, napagunwe roruʋoko rworudyi, napagunwe rorutsoka rwake rworudyi;

²⁶ɀino muprista ŋgaaɗire mamŋe mafuta mucanza coruʋoko rwake rworuɓoshwe;

²⁷muprista agosasa nomutendeka wake worudyi mamŋe mafuta ari muruʋoko rwake rworuɓoshwe kanomŋe pamberi paJehova.

²⁸Ɀino muprista ŋgaaise mamŋe mafuta ari muruʋoko rwake pamuceto wenzeʋe yorudyi yomunhu unonatswa, napagunwe roruʋoko rwake rworudyi, napagunwe rorutsoka rwake rworudyi, panɀimbo yeropa recipiriso cemhoȿa.

²⁹Mamŋe mafuta akasara muruʋoko rwomuprista unofanira kuaisa pamusoro womunhu unonatswa, kuti amuyananisire pamberi paJehova.

³⁰Ɀino unofanira kuɓayira njiʋa imŋe, kana kana kenjiʋa, seɀaanogona kuwana;

³¹seɀaanogona kuwana, imŋe ciʋe cipiriso ceɀiʋi, imŋe cipiriso cinopiswa, pamŋe cete necipiriso coʋupfu; kuti muprista ayananisire munhu unonatswa pamberi paJehova.

³²Ndiwo murairo wehosha yamaperembudzi kumunhu usiŋgagoni kuwana ɀakakwanisira kunatswa kwake.

³³Ɀino Jehova wakataura naMosesi naAroni, akati:

³⁴Kana maȿika kunyika yeKanani, iyo yandakupai, kuti iʋe yenyu, kana ndikaisa hosha yamaperembudzi muimba yenyika yenyu;

³⁵muridzi weimba unofanira kuʋuya kuzoʋudza muprista, aciti: Ndinoʋona kuti imba yaŋgu ineŋge inehosha.

³⁶Ipapo muprista unofanira kuraira kuti ʋaɓuɗise ɀose ɀiri mumba, iye muprista asina‐kupinda kundotarira hosha, kuti ɀose ɀiri mumba ɀirege kuȿiɓiswa; pashure muprista apinde kundotarira imba iyo.

³⁷Ɀino ŋgaacerekedze hosha; kana akaʋona kuti hosha iri mumadziro eimba; inamaʋara akapinda, akaita samatema kana matȿuku, akaita saakapinda mukati mamadziro,

³⁸muprista unofanira kuɓuɗa paimba, ndokuenda kumukoʋa weimba, ndokupfiga imba mazuʋa manomŋe;

³⁹ɀino muprista unofanira kudzoka ɀe nezuʋa recinomŋe, kuti acerekedze; kana akaʋona kuti hosha yakapararira pamadziro eimba;

⁴⁰muprista unofanira kuraira kuti ʋabvise mabge anehosha paari, ʋaakandire panɀimbo isina‐kunaka kunze kweguta;

⁴¹ipapo ŋgaaraire kuti imba iparwe mukati mayo kunhiʋi dzose, mavu aʋanopara agoɗururirwa kunze kweguta panɀimbo isina‐kunaka;

⁴²ɀino mamŋe mabge atorwe, aiswe panɀimbo yamamŋe iwayo, iye atore rimŋe ivu aʋuwe imba naro.

⁴³Kana hosha ikadzoka ɀe, ikaɓuɗa muimba iyo, mabge ambobviswa, imba yaparwa nokuʋuyiwa,

⁴⁴muprista unofanira kupinda nokucerekedza; kana akaʋona kuti hosha yapararira mumba, ndiwo maperembudzi akaipa kwaɀo, yaʋa yakaipa.

⁴⁵Ɀino unofanira kuputsa imba, namabge ayo, namatanda ayo, nevu rose reimba, ndokuɀitakurira kunze kweguta kunɀimbo isina‐kunaka.

⁴⁶Ʋuye aninani unopinda mumba paŋguʋa yose yokupfigwa kwayo ucaʋa usina‐kunaka kuȿikira maɗeko.

⁴⁷Munhu wakaʋata muimba iyo, unofanira kusuka ŋguʋo dzake.

⁴⁸Kana muprista akapinda, akatarira, akaʋona kuti hosha haina‐kupararira mumba, kubva pakuʋuyiwa kweimba, muprista unofanira kureʋa kuti imba yakanaka, nokuti hosha yapora.

⁴⁹Ɀino unofanira kutora shiri mbiri, neɗanda romusidari, nomuceka mutȿuku, nehisopi, kuti anatse imba;

⁵⁰ipapo ŋgaaʋuraye shiri imŋe muhari yevu pamsoro pemvura inoyerera,

⁵¹ndokutora ɗanda romusidari, nehisopi, nomuceka mutȿuku, neshiri mhenyu, aɀinyike muropa reshiri yakaʋurawa ʋuye mumvura inoyerera, ndokusasa imba kanomŋe;

⁵²unofanira kunatsa imba neropa reshiri nemvura inoyerera neshiri mhenyu, neɗanda romusidari, nehisopi nomuceka mutȿuku;

⁵³asi shiri mhenyu unofanira kuiregedza, kuti iende hayo kunze kweguta kusaŋgo; saiɀoɀo unofanira kuyananisira imba iyo, kuti iʋe yakanaka.

⁵⁴Ndiwo murairo wamarudzi ose amaperembudzi napakafunuka;

⁵⁵nowamaperembudzi eŋguʋo, neeimba,

⁵⁶nowapakaɀimba, nowapakafunuka, noweciʋara,

⁵⁷kuziʋisa muprista kana cinhu cisina‐kunaka kana cakanaka. Ndiwo murairo wamaperembudzi.