Read Original Shona Union Bible 1949 Baiberi Magwaro Matȿene aMŋari Revitiko 15 Bible Online

Revitiko 15 - Original Shona Union Bible 1949 Baiberi Magwaro Matȿene aMŋari bible

Revitiko 15

¹Ɀino Jehova wakataura naMosesi naAroni, akati:

²Taurai naʋana ʋaIsraeri, muti kwaʋari: Kana murume aneɀimŋe ɀinoyerera, ɀinoɓuɗa pamuʋiri wake, ucaʋa usina‐kunaka nokuɗa kwokuyerera kwake.

³Ndiko kusanaka kwokuyerera kwake: Kana muʋiri wake uciɓuɗisa ɀinoyerera, kana muʋiri warega hawo kuɓuɗisa ɀinoyerera, ndiko kusanaka kwokuyerera kwake.

⁴Nhoʋo imŋe neimŋe yaanoʋata pamsoro payo icaʋa isina‐kunaka; necinhu cimŋe necimŋe caanogara cicaʋa cisina‐kunaka.

⁵Aninani unoɓata nhoʋo dzake, ŋgaasuke ŋguʋo dzake, aɀishambidze nemvura, aʋe usina‐kunaka kuȿikira maɗeko.

⁶Munhu unogara pacinhu cakagarwa naiye uneɀinoyerera, ŋgaasuke ŋguʋo dzake, aɀishambidze nemvura, aʋe usina‐kunaka kuȿikira maɗeko.

⁷Munhu unoɓata muʋiri waiye uneɀinoyerera, ŋgaasuke ŋguʋo dzake, aɀishambidze nemvura, aʋe usina‐kunaka kuȿikira maɗeko.

⁸Kana munhu uneɀinoyerera akapfira mumŋe wakanaka mate, iye ŋgaasuke ŋguʋo dzake, aɀishambidze nemvura, aʋe usina‐kunaka kuȿikira maɗeko.

⁹Cigaro cipi necipi cinogarwa nomunhu uneɀinoyerera cicaʋa cisina‐kunaka.

¹⁰Aninani unoɓata cinhu cakaŋga ciri pasi pake, ucaʋa usina‐kunaka kuȿikira maɗeko; kunyaŋge wakatakura ɀinhu iɀo ŋgaasuke ŋguʋo dzake, aɀishambidze nemvura, aʋe usina‐kunaka kuȿikira maɗeko.

¹¹Aninani unoɓatwa nomunhu uneɀinoyerera, kana asina‐kumboshamba maʋoko ake nemvura, ŋgaasuke ŋguʋo dzake, aɀishambidze nemvura, aʋe usina‐kunaka kuȿikira maɗeko.

¹²Hari yevu inoɓatwa nomunhu uneɀinoyerera ŋgaiputswe; kana uri mudziyo wamatanda, mumŋe nomumŋe unofanira kusukurudzwa nemvura.

¹³Kanamunhu uneɀinoyerera akanatswa pakuyerera kwake, unofanira kuɀitarira mazuʋa manomŋe okuɀinatsa kwake, ɀino asuke ŋguʋo dzake, ndokushambidza muʋiri wake nemvura inoyerera, anake.

¹⁴Nomusi worusere unofanira kutora njiʋa mbiri kana twana tuʋiri twenjiʋa, aʋuye pamberi paJehova pamukoʋa wetente rokusoŋgana, ape muprista idzedzo;

¹⁵ɀino muprista unofanira kudziɓayira, imŋe ciʋe cipiriso ceɀiʋi, imŋe cipiriso cinopiswa; muprista amuyananisire pamberi paJehova pamsoro pokuyerera kwake.

¹⁶Kana mbeu yomurume upi noupi ikaɓuɗa kwaari, unofanira kushambidza muʋiri wake wose nemvura, agoʋa usina‐kunaka kuȿikira maɗeko.

¹⁷Ŋguʋo ipi neipi, neɗebge ripi neripi, ɀaɗonherwa nembeu, ɀinofanira kusukwa nemvura, ɀiʋe ɀisina‐kunaka kuȿikira maɗeko.

¹⁸Mukadzi ʋo wakaʋata nomurume nembeu, ʋose ʋari ʋaʋiri ʋanofanira kuɀishambidza nemvura, ʋaʋe ʋasina‐kunaka kuȿikira maɗeko.

¹⁹Kana mukadzi aneɀinoyerera, ɀinoyerera pamuʋiri wake riri ropa, ucaʋa pakusanaka kwake mazuʋa manomŋe; aninani unomuɓata ucaʋa usina‐kunaka kuȿikira maɗeko.

²⁰Cinhu cipi necipi caanoʋata pamsoro paco pakusanaka kwake cicaʋa cisina‐kunaka, ʋuye cinhu cipi necipi caanogara cicaʋa cisina‐kunaka.

²¹Aninani unoɓata nhoʋo dzake unofanira kusuka ŋguʋo dzake, aɀishambidze nemvura, aʋe usina‐kunaka kuȿikira maɗeko.

²²Aninani unoɓata cinhu cipi necipi caanogara, unofanira kusuka ŋguʋo dzake, aɀishambidze nemvura, aʋe usina‐kunaka kuȿikira maɗeko.

²³Kana akaɓata cinhu ciri panhoʋo, kana cinhu cipi necipi caanogara, ucaʋa usina‐kunaka kuȿikira maɗeko.

²⁴Ʋuye murume upi noupi kana akaʋata naye aciri pakusanaka kwake, ucaʋa usina‐kunaka mazuʋa manomŋe; nhoʋo dzose dzaanoʋata pamsoro padzo dzicaʋa dzisina‐kunaka.

²⁵Kana mukadzi anokuyerera kweropa rake mazuʋa mazhinji paŋguʋa isati iri yokuʋa kwake kumŋedzi, ʋuye kana aneɀinoyerera kuɗarika ŋguʋa yokuʋa kwake kumŋedzi, mazuʋa ose okuyerera kwokusanaka kwake unofanira kuita seɀaanoita pamazuʋa okuʋa kwake kumŋedzi. Waʋa usina‐kunaka.

²⁶Nhoʋo ipi neipi yaanoʋata pamsoro payo mazuʋa ose okuyerera kwake icaʋa kwaari senhoʋo yokuʋa kwake kumŋedzi; cinhu cipi necipi caanogara cicaʋa cisina‐kunaka, sapaŋguʋa yokusanaka kwokuʋa kwake kumŋedzi.

²⁷Aninani unoɓata ɀinhu iɀo ucaʋa usina‐kunaka, ŋgaasuke ŋguʋo dzake, aɀishambidze nemvura, aʋe usina‐kunaka kuȿikira maɗeko.

²⁸Asi kana anatswa pakuyerera kwake, unofanira kuɀitarira mazuʋa manomŋe; kana iwo apera ucaʋa wakanaka.

²⁹Nomusi worusere unofanira kutora njiʋa mbiri, kana twana tuʋiri twenjiʋa, aʋuye nadzo kumuprista, kumukoʋa wetente rokusoŋgana.

³⁰Ɀino muprista unofanira kuʋuraya imŋe, ciʋe cipiriso ceɀiʋi, imŋe ciʋe cipiriso cinopiswa; muprista amuyananisire pamberi paJehova pamsoro pokuyerera kwokusanaka kwake.

³¹Saiɀoɀo munofanira kuparadzanisa ʋana ʋaIsraeri pakusanaka kwaʋo, kuti ʋarege kufa pakusanaka kwaʋo, kana ʋaciȿiɓisa tabernakeri yaŋgu iri pakati paʋo.

³²Ndiwo murairo womunhu uneɀinoyerera, nounoɓuɗisa mbeu yake, akazoʋa usina‐kunaka naɀo;

³³nounorwara nokuʋa kwake kumŋedzi, nouneɀinoyerera, kana ari murume, kana ari mukadzi, nowounoʋata naiye usina‐kunaka.