Read Original Shona Union Bible 1949 Baiberi Magwaro Matȿene aMŋari Revitiko 19 Bible Online

Revitiko 19 - Original Shona Union Bible 1949 Baiberi Magwaro Matȿene aMŋari bible

Revitiko 19

¹Ɀino Jehova wakataura naMosesi, akati:

²Taura neʋuŋgano yose yaʋana ʋaIsraeri, uti kwaʋari: Iʋai ʋatȿene, nokuti ini Jehova Mŋari wenyu ndiri mutȿene.

³Mumŋe nomumŋe wenyu unofanira kutya mai ʋake naɓaɓa ʋake, ʋuye munofanira kuceŋgeta masaɓata aŋgu; ndini Jehova Mŋari wenyu.

⁴Musaʋa nehanya neɀifananidzo, kana kuɀiitira ʋamŋari ʋakaʋumbga; ndini Jehova Mŋari wenyu.

⁵Kana mucipa Jehova ciɓayiro ceɀipiriso ɀokuyananisa, munofanira kucipa kuti mugamucirwe.

⁶Cinofanira kudyiwa nomusi wamunocipa nawo, ʋuye nomusi unoteʋera; kana ɀimŋe ɀikasara kuȿikira pazuʋa retatu, ɀinofanira kupiswa nomŋoto.

⁷Kana cikatoŋgodyiwa nezuʋa retatu, ɀinonyaŋgadza; hacigamucirwi.

⁸Asi mumŋe nomumŋe unocidya, ucaʋa nemhoȿa, nokuti wamhura cinhu citȿene caJehova; munhu uyu unofanira kubviswa pakati porudzi rwake.

⁹Kana mucikohwa gohwa reminda yenyu, rega kukohwa miceto yomunda wako, ʋuye usaʋuŋganidza ɀawira pasi pakukohwa kwako.

¹⁰Usakohwa ɀose pamunda wako wemizambiriŋga, ʋuye usaʋuŋganidza micero yawira pasi yomunda wako wemizambiriŋga; unofanira kuɀisiyira ʋarombo naʋaeni; ndini Jehova Mŋari wenyu.

¹¹Musaɓa; musanyeŋgera, musareʋerana nhema.

¹²Musapika nhema nezita raŋgu, kuti usamhura zita raMŋari wako; ndini Jehova.

¹³Usamanikidza wokwako, kana kumutorera; haufaniri kugara ʋusiku bgose kuȿikira maŋgwana nomuɓayiro womuranda unokuɓatira.

¹⁴Usatuka matsi, kana kupiŋganidza ɓofu; asi unofanira kutya Mŋari wako; ndini Jehova.

¹⁵Musaita ɀisakarurama pakutoŋga; usatsaura murombo, kana kukudza unesimba; asi unofanira kutoŋga wokwako nokururama.

¹⁶Usafamba‐famba pakati paʋanhu ʋokwako, uciʋacera; usapupurira ropa rowokwako; ndini Jehova.

¹⁷Usaʋeŋga hama yako mumŋoyo mako; unofanira kuraira wokwako kwaɀo, kuti urege kuʋa neɀiʋi nokuɗa kwake.

¹⁸Usatsiʋa, kana kugara wakatsamŋira ʋana ʋaʋanhu ʋokwako, asi unofanira kuɗa wokwako seɀaunoɀiɗa iwe; ndini Jehova.

¹⁹Ceŋgetai mitemo yaŋgu. Usaɓerekesa ɀipfuwo ɀako norumŋe rudzi; usadɀara mbeu dzamarudzi maʋiri mumunda mako; usafuka ŋguʋo yakarukwa neɀinhu ɀamarudzi maʋiri.

²⁰Aninani unoʋata nomukadzi ari murandakadzi, wakanyeŋgwa nomurume, asina‐kudzikinurwa kwaɀo, kana kusunuŋgurwa, ʋanofanira kurobga; asi haʋafaniri kuʋurawa, nokuti wakaŋga asina‐kusunuŋgurwa.

²¹Ŋgaaʋuye necipiriso cemhoȿa kunaJehova pamukoʋa wetente rokusoŋgana, riʋe gondobge recipiriso cemhoȿa.

²²Ɀino muprista unofanira kumuyananisira negondobge recipiriso cemhoȿa pamberi paJehova pamsoro peɀiʋi ɀake ɀaakatadza; ipapo ucakaŋganwirwa ɀiʋi ɀake ɀaakatadza.

²³Kana muciȿika munyika, mukasima miti yamarudzi ose anodyiwa, munofanira kuti micero yayo yakaita seisina‐kudziŋgiswa; makore matatu icaʋa kwamuri seisina‐kudziŋgiswa; haifaniri kudyiwa.

²⁴Asi negore recinna micero yayo yose icaʋa mitȿene, kuti murumbidze Jehova naɀo.

²⁵Negore recishanu muŋgadya micero yayo, kuti irambe icimuɓerekera micero yayo; ndini Jehova Mŋari wenyu.

²⁶Musadya cinhu cineropa raco; musaita mazaŋgo, kana kutenda mashura.

²⁷Musaʋeʋura misoro yenyu muciita matendeʋure, ʋuye musashatsa nhiʋi dzendebvu dzenyu.

²⁸Musaɀiceka miʋiri yenyu nokuɗa kwaʋakafa, kana kuɀitema nyora; ndini Jehova.

²⁹Usaisa mŋanasikana wako, ucimuita cifeʋe; kuti nyika irege kupata, nyika izare neɀakaipa.

³⁰Ceŋgetai masaɓata aŋgu, nokutya imba yaŋgu tȿene; ndini Jehova.

³¹Musaʋa nehanya namaȿikiro, kana naʋaʋuki; musaʋatȿaka, kuti muȿiɓiswe naʋo; ndini Jehova Mŋari wenyu.

³²Unofanira kusimukira wacena vudzi, nokukudza mutana, ʋuye utye Mŋari wako; ndini Jehova.

³³Kana mutorwa agere newe panyika yenyu, usamuitira ɀakaipa.

³⁴Mutorwa ugere nemi ŋgaaʋe kwamuri somunhu wakaɓerekerwa pakati penyu, unofanira kumuɗa seɀaunoɀiɗa iwe, nokuti nemi ʋo makaŋga muri ʋatorwa munyika yeEgipita; ndini Jehova Mŋari wenyu.

³⁵Musaita ɀisina‐kururama pakutoŋga, kana pakuyera necitanda, kana pakuyera kurema, kana paciyero.

³⁶Iʋai neɀiyero ɀakarurama, neɀokuenzanisa naɀo ɀakarurama, neefa yakarurama, nehini yakarurama; ndini Jehova Mŋari wenyu, wakakuɓuɗisai munyika yeEgipita.

³⁷Ceŋgetai mitemo yaŋgu yose, neɀandakatoŋga ɀose, kuti muɀiite; ndini Jehova.