Read Original Shona Union Bible 1949 Baiberi Magwaro Matȿene aMŋari Revitiko 2 Bible Online

Revitiko 2 - Original Shona Union Bible 1949 Baiberi Magwaro Matȿene aMŋari bible

Revitiko 2

¹Kana munhu aciʋuya kunaJehova necipo coʋupfu, cipo cake ŋgaciʋe coʋupfu bgakatsetseka; ɀino ŋgaaɗire mafuta pamsoro paco, agoisa ʋo ɀinonhuwira pamsoro paco.

²Ipapo ŋgaaciise kuʋanakomana ʋaAroni, ʋaprista; iye atsamure tsama yake imŋe yoʋupfu bgakatsetseka namafuta neɀinonhuwira ɀiri’po, muprista agoɀipisa paartari, ciʋe cokuraŋgaridza cipo ico, cipiriso cakaitwa nomŋoto, cinonhuwira ɀakanaka kunaJehova.

³Ɀakasara pacipiriso coʋupfu ɀicaʋa ɀaAroni naʋanakomana ʋake; ico cinhu citȿene‐tȿene pakati peɀipiriso ɀaJehova ɀakaitwa nomŋoto.

⁴Kana uciʋuya necipo coʋupfu cakaɓikwa mucoto, ŋgaciʋe ceɀiŋgwa ɀisina‐kuʋiriswa ɀoʋupfu bgakatsetseka, bgakakanyiwa namafuta, neɀiŋgwa ɀitete ɀisina‐kuʋiriswa ɀakazodzwa mafuta.

⁵Kana cipo cako ciri cipiriso coʋupfu cakaɓikwa mugaŋgo, ŋgaciʋe coʋupfu bgakatsetseka, bgusina‐kuʋiriswa, bgakakanyiwa namafuta.

⁶Unofanira kucimeɗura, nokuɗira mafuta pamsoro paco; ndico cipiriso coʋupfu.

⁷Kana cipo cako ciri cipiriso coʋupfu cakaɓikwa muhari, ŋgaciitwe noʋupfu bgakatsetseka namafuta.

⁸Unofanira kuʋuya kunaJehova necipiriso coʋupfu cakaitwa neɀinhu iɀi; ŋgacipiwe muprista, iye agociisa paartari.

⁹Ɀino muprista ŋgaatsamure pacipiriso coʋupfu cokuraŋgaridza caco, acipisire pamsoro peartari; ico cipiriso cinoitwa nomŋoto, cinonhuwira ɀakanaka kunaJehova.

¹⁰Ɀakasara pacipiriso coʋupfu ŋgaɀiʋe ɀaAroni naʋanakomana ʋake; ico cinhu citȿene‐tȿene pakati peɀipiriso ɀaJehova ɀinoitwa nomŋoto.

¹¹Cipiriso cipi necipi coʋupfu camunoʋuya naco kunaJehova ŋgacirege kuitwa nembiriso, nokuti hamufaniri kupisira Jehova cipiriso cinoitwa nomŋoto cinembiriso kana ʋuci.

¹²Muŋgaɀiʋigira Jehova ɀiri ɀipiriso ɀeɀitȿa ɀenyu, asi ŋgaɀirege kuiswa paartari kuti ɀiʋe ɀinonhuwira ɀakanaka.

¹³Ɀipiriso ɀako ɀose ɀoʋupfu unofanira kuɀiruŋga nomunyu; usarega kuisa munyu wesuŋgano yaMŋari wako pacipiriso cako coʋupfu, asi uise munyu paɀipiriso ɀako ɀose.

¹⁴Kana uciʋigira Jehova cipiriso coʋupfu ceɀitȿa, uʋuye nehura dzeɀiyo dzakakaŋgiwa pamŋoto, ɀiyo ɀakaswiwa ɀehura itȿa, ciʋe cipiriso coʋupfu ceɀitȿa.

¹⁵Unofanira kuisa mafuta pamsoro paco, nokuisa ʋo ɀinonhuwira pamsoro paco, kuti ciʋe cipiriso coʋupfu.

¹⁶Ɀino muprista ŋgaapise cokuraŋgaridza caco, ɀimŋe ɀeɀiyo ɀaco ɀakaswiwa, neɀimŋe ɀamafuta aco, pamŋe cete neɀinonhuwira ɀaco; cipiriso cinoitirwa Jehova nomŋoto.