Read Original Shona Union Bible 1949 Baiberi Magwaro Matȿene aMŋari Revitiko 21 Bible Online

Revitiko 21 - Original Shona Union Bible 1949 Baiberi Magwaro Matȿene aMŋari bible

Revitiko 21

¹Ɀino Jehova akati kunaMosesi: Taura naʋaprista, ʋanakomana ʋaAroni, uti kwaʋari: Muprista ŋgaarege kuɀiȿiɓisa kunaʋakafa pakati porudzi rwake;

²asi kuhama yake yomumba, kana mai ʋake, kana ɓaɓa ʋake, kana mŋanakomana wake, kana mŋanasikana wake, kana munuŋuna wake;

³kana hanɀadzi yake iciri mhandara, hama yomumba, usina‐kumboʋa nomurume; uŋgaɀiȿiɓisa kwaari.

⁴Ŋgaarege kuɀiȿiɓisa, ɀaari mukuru pakati pehama dzake, kuti aɀishatise.

⁵Haʋafaniri kuʋeʋura misoro yaʋo, ʋaciita mhazha, kana kuʋeʋura rutiʋi rumŋe rwendebvu dzaʋo, kana kutema nyora pamiʋiri yaʋo.

⁶Ʋanofanira kuʋa ʋatȿene kunaMŋari waʋo, ʋarege kumhura zita raMŋari waʋo; nokuti ndiʋo ʋanoʋuya neɀipiriso ɀaJehova ɀinopiswa, ɀokudya ɀaMŋari waʋo; naiɀoɀo ŋgaʋaʋe ʋatȿene.

⁷Haʋafaniri kutora mukadzi cifeʋe, kana wakacinyiwa; ŋgaʋarege kutora mukadzi wakarambga nomurume wake, nokuti mutȿene kunaMŋari wake.

⁸Naiɀoɀo unofanira iwe kumutsaura, nokuti ndiye unoʋuya neɀokudya ɀaMŋari wako; unofanira kuʋa mutȿene kwauri, nokuti ini Jehova ndinokutsaurai, ndiri mutȿene.

⁹Kana mŋanasikana womuprista upi noupi aciɀishatsa nokupata, unoshatsa ɓaɓa ʋake; unofanira kupiswa nomŋoto.

¹⁰Munhu, uri muprista mukuru pakati pehama dzake, wakaɗirwa mafuta ecizoro pamusoro wake, wakatsaurwa kuti afuke ŋguʋo dzomuprista mukuru, ŋgaarege kusunuŋgura vudzi romusoro wake, kana kubvarura ŋguʋo dzake.

¹¹Ŋgaarege kuȿika pacitunha, kana kuɀiȿiɓisa kunaɓaɓa ʋake kana mai ʋake;

¹²ŋgaarege kuɓuɗa panɀimbo tȿene, kana kushatsa nɀimbo tȿene yaMŋari wake, nokuti mafuta okugadza aMŋari wake ari pamsoro pake; ndini Jehova.

¹³Ŋgaaɀitorere mukadzi iciri mhandara.

¹⁴Ŋgaarege kutora cirikadzi, kana wakarambga nomurume wake, kana wakacinyiwa, kana cifeʋe, asi ŋgaatore mukadzi iciri mhandara pakati porudzi rwake.

¹⁵Ŋgaarege kushatsa ʋana ʋake pakati porudzi rwake; nokuti ndini Jehova ndinomutsaura.

¹⁶Ɀino Jehova wakataura naMosesi, akati:

¹⁷Taura naAroni, uti: Aninani wakaremara pakati paʋana ʋako pamarudzi aʋo ose, ŋgaarege kusweɗera kuʋuya neɀokudya ɀaMŋari wake.

¹⁸Nokuti munhu upi noupi wakaremara ŋgaarege kusweɗera — kana riri ɓofu, kana unokamhina, kana wakaremara paciso, kana unomutezo wakareɓesa,

¹⁹kana munhu unorutsoka rwakavunika, kana ruʋoko rwakavunika,

²⁰kana unomusana wakakombama, kana wakawonda kwaɀo, kana unoruʋara paziso rake, kana unemhizi, kana unapakafunuka, kana wakaremara pamberi;

²¹munhu upi noupi worudzi rwomuprista Aroni wakaremara haafaniri kusweɗera kuʋuya neɀipiriso ɀinopiswa ɀaJehova; wakaremara, haafaniri kusweɗera kuʋuya neɀokudya ɀaMŋari wake.

²²Uŋgadya hake ɀokudya ɀaMŋari wake, ɀitȿene ɀikuru neɀitȿene ɀose.

²³Asi haafaniri kupinda mukati mecidzitiro, kana kusweɗera kuartari nokuti wakaremara; kuti arege kushatsa nɀimbo dzaŋgu tȿene; nokuti ndini Jehova ndinoʋatsaura.

²⁴Mosesi akataura saiɀoɀo naAroni naʋanakomana ʋake naʋana ʋaIsraeri ʋose.