Read Original Shona Union Bible 1949 Baiberi Magwaro Matȿene aMŋari Revitiko 22 Bible Online

Revitiko 22 - Original Shona Union Bible 1949 Baiberi Magwaro Matȿene aMŋari bible

Revitiko 22

¹Ɀino Jehova wakataura naMosesi, akati:

²Taura naAroni naʋanakomana ʋake, kuti ʋaɀitsaure paɀinhu ɀitȿene ɀavana ʋaIsraeri, ɀaʋanonditsaurira, kuti ʋarege kushatsa zita raŋgu dɀene; ndini Jehova.

³Uti kwaʋari: Aninani kuʋana ʋenyu kumarudzi enyu ose, unosweɗera kuɀinhu ɀitȿene, ɀakatsaurirwa Jehova naʋana ʋaIsraeri, asina‐kunaka, munhu uyo unofanira kubviswa pamberi paŋgu; ndini Jehova.

⁴Aninani kuʋana ʋaAroni unamaperembudzi kana uneɀinoyerera ŋgaarege kudya ɀinhu ɀitȿene kuȿikira anaka. Aninani unoɓata cinhu cakaȿiɓiswa nowakafa kana munhu unoɓuɗirwa nembeu yake;

⁵kana aninani unoɓata cinhu cipi necipi cinokambaira ciŋgamuȿiɓisa, kana munhu waaŋgaȿiɓiswa naye, unokusanaka kupi nokupi.

⁶Munhu unoɓata cinhu cipi necipi cakaɗai, ucaʋa usina‐kunaka kuȿikira maɗeko; haafaniri kudya ɀinhu ɀitȿene asati ashambidza muʋiri wake nemvura.

⁷Kana zuʋa raʋira ucaʋa wakanaka; pashure uŋgadya hake ɀinhu ɀitȿene, nokuti ndiɀo ɀokudya ɀake.

⁸Ŋgaarege kudya cinhu cakafa coga, kana cakaʋurawa neɀikara, kuti aɀiȿiɓise naɀo; ndini Jehova.

⁹Naiɀoɀo ʋanofanira kuceŋgeta ɀandakaraira, kuti ʋarege kuʋa neɀiʋi nokuɗa kwaɀo, ʋafe naɀo, kana ʋaɀishatsa; ndini Jehova, ndinoʋatsaura.

¹⁰Mŋeni ŋgaarege kudya cinhu citȿene; mutorwa ugere nomuprista, kana muranda, ŋgaʋarege kudya cinhu citȿene.

¹¹Asi kana muprista akateŋga munhu nomuteŋgo wemari yake, iye uŋgaɀidya; ʋuye ʋose ʋanoɓerekerwa mumba make, ʋaŋgadya ɀokudya ɀake.

¹²Kana mŋanasikana womuprista akawanikwa nomŋeni, ŋgaarege kudya cipiriso cinotsaurwa ceɀinhu ɀitȿene.

¹³Asi kana mŋanasikana womuprista iri cirikadzi, kana warambga nomurume, asinaʋana, akadzokera kumba kwaɓaɓa ʋake, sapaʋusikana bgake, iye uŋgadya ɀokudya ɀaɓaɓa ʋake; asi mŋeni ŋgaarege kuɀidya.

¹⁴Kana munhu akadya cinhu citȿene asiŋgaziʋi, ucafanira kuwedzera ceshanu caco kwaciri, kuti adzosere kumuprista cinhu citȿene.

¹⁵Ŋgaʋarege kushatsa ɀinhu ɀitȿene ɀaʋana ʋaIsraeri ɀaʋanopa Jehova;

¹⁶kuti ʋarege kuʋa nemhoȿa yeɀiʋi, kana ʋacidya ɀinhu ɀaʋo ɀitȿene; nokuti ndini Jehova ndinoʋatsaura.

¹⁷Ɀino Jehova wakataura naMosesi, akati:

¹⁸Taura naAroni, naʋanakomana ʋake, naʋana ʋaIsraeri ʋose, uti kwaʋari: Aninani weimba yaIsraeri, kana waʋatorwa pakati paʋaIsraeri, unoʋuya necipo cake, kana ciri cemhiko, kana iri nhendo ipi neipi yokuɗa kwaʋo, caʋanoʋuya naco kunaJehova, kuti cipiswe;

¹⁹munofanira kuʋuya nomukono usina‐kuremara kana weŋombe, kana gondobge ramakwai, kana nhoŋgo yembudzi, kuti mugamucirwe.

²⁰Asi musaʋuya necinhu cakaremara, nokuti hamuŋgagamucirwi nokuɗa kwaco.

²¹Aninani unoʋuya neciɓayiro ceɀipiriso ɀokuyananisa kunaJehova, cokupika naco, kana kuti iʋe nhendo yokuɗa kwake, kana ciri ceŋombe kana camakwai, cinofanira kuʋa cakakwana, kuti cigamucirwe; ŋgacirege kuʋa cakaremara.

²²Kana ciri cinhu cakaita ɓofu, kana cakavunika, kana cakakuʋara, kana cinamaronda, kana cinecikwekwe, kana cinapakafunuka, murege kupa Jehova iɀoɀo, musapisira Jehova iɀoɀo paartari.

²³Kana iri nzombe ɗuku kana gwaiana ɀinemitezo yakareɓesa kana yakafupika, muŋgaʋuya naɀo kuti muite nhendo yokuɗa kwenyu, asi haɀiŋgagamucirwi pakuripira mhiko.

²⁴Musapa Jehova cinhu cinamanhu akakuʋadzwa, kana akapxanyika, kana akaputswa, kana akacekwa; musaɗaro panyika yenyu.

²⁵Musagamucira ɀakaɗai paruʋoko rwomutorwa, kuti mupe Mŋari wenyu ɀokudya ɀakaɗai, nokuti ɀakaipa, ɀakaremara, haɀiŋgagamucirwi nokuɗa kwenyu.

²⁶Ɀino Jehova wakataura naMosesi, akati:

²⁷Kana nzombe, kana gwai, kana mbudzi ɀiciɓerekwa, ɀinofanira kugara panamai ʋaɀo mazuʋa manomŋe; kubva pazuʋa rorusere napashure paro ɀiŋgagamucirwa kuti ɀiite cipo cinopisirwa Jehova.

²⁸Kana iri mhou kana nhunɀi, musaɀiʋuraya pamusi mumŋe naʋana ʋaɀo.

²⁹Kana muciɓayira Jehova ciɓayiro cokuʋoŋga, munofanira kuciɓayira saiɀoɀo kuti mugamucirwe.

³⁰Cinofanira kudyiwa nomusi iwoyo; musasiya ɀimŋe kuȿikira maŋgwana; ndini Jehova.

³¹Naiɀoɀo ceŋgetai mirairo yaŋgu, muiite; ndini Jehova.

³²Usashatsa zita raŋgu dɀene; ndinoɗa kutsaurwa pakati paʋana ʋaIsraeri, ndini Jehova, ndinokutsaurai;

³³ndakakuɓuɗisai panyika yeEgipita, kuti ndiʋe Mŋari wenyu; ndini Jehova.