Read Original Shona Union Bible 1949 Baiberi Magwaro Matȿene aMŋari Revitiko 25 Bible Online

Revitiko 25 - Original Shona Union Bible 1949 Baiberi Magwaro Matȿene aMŋari bible

Revitiko 25

¹Ɀino Jehova wakataura naMosesi pagomo reSinai, akati:

²Taura naʋana ʋaIsraeri, uti kwaʋari: Kana muciȿika munyika yandicakupai, nyika inofanira kuitira Jehova saɓata.

³Unofanira kudɀara munda wako makore matanhatu, nokugurira mizambiriŋga yako makore matanhatu, nokuʋuŋganidza micero yayo.

⁴Asi pagore recinomŋe nyika inofanira kuzorora kwaɀo, riʋe saɓata kunaJehova; usadɀara munda wako, kana kugurira mizambiriŋga yako.

⁵Magoko ako usaakohwa, namazambiriŋga womuzambiriŋga wako usina‐kugurirwa usaatanha; rinofanira kuʋa gore rokuzorora kwaɀo kwenyika.

⁶Gohwa resaɓata renyika ndiɀo ɀinofanira kuʋa ɀokudya ɀenyu; ɀako neɀomuranda wako, neɀomurandakadzi wako, neɀomuɓatiri wako, neɀomutorwa wako ugere newe;

⁷neɀeɀipfuwo ɀako, neɀemhuka dziri munyika yako; ɀiɓereko ɀaɀo ɀose ɀinofanira kuʋa ɀokudya ɀaɀo.

⁸Unofanira kuʋereŋga ʋo masaɓata manomŋe amakore, manomŋe akaʋereŋgwa kanomŋe; kuti mazuʋa amasaɓata manomŋe amakore aite kwauri makore makumi manna namapfumbamŋe.

⁹Ɀino pazuʋa regumi romŋedzi wecinomŋe unofanira kuraira kuti hwamanda iridzwe kwaɀo; pazuʋa rokuyananisira munofanira kuraira kuti hwamanda iridzwe panyika yenyu yose.

¹⁰Munofanira kutsaura gore ramakumi mashanu, mugoparidza sunuŋguko panyika yose kunaʋose ʋagere’mo; rinofanira kuʋa gore rejuberi kwamuri; munofanira kudzokera mumŋe nomumŋe kuneɀake, munofanira kudzokera mumŋe nomumŋe kuhama dzake.

¹¹Gore irero ramakumi mashanu rinofanira kuʋa rejuberi kwamuri; musadɀara, ʋuye musakohwa naro magoko, ʋuye musatanha naro mazambiriŋga emizambiriŋga isina‐kugurirwa.

¹²Nokuti igore rejuberi; rinofanira kuʋa dɀene kwamuri; munofanira kudya ɀiɓereko ɀaro paminda.

¹³Negore iri rejuberi munofanira kudzokera mumŋe nomumŋe kuneɀake.

¹⁴Ɀino kana uciteŋgesera wokwako cinhu, kana kuteŋga cinhu kwaari, musamanikidzana.

¹⁵Uteŋge kunowokwako ucienzanisa namakore kubva pagore rejuberi, naiye unofanira kukuteŋgesera acienzanisa namakore akasara okukohwa.

¹⁶Unofanira kuwedzera muteŋgo waɀo ucienzanisa nokuwanda kwamakore, ʋuye unofanira kutapudza muteŋgo ucienzanisa noʋushoma bgamakore; nokuti iye unokuteŋgesera ŋguʋa dzokukohwa.

¹⁷Musamanikidzana, asi utye Mŋari wako; nokuti ndini Jehova Mŋari wenyu.

¹⁸Naiɀoɀo munofanira kuita ɀandakatema, nokuceŋgeta ɀandakatoŋga, nokuɀiita, kuti mugare munyika makaceŋgeteka.

¹⁹Nyika icaɓereka ɀiɓereko ɀayo, imi mucadya mukaguta, mukagara’mo makaceŋgeteka.

²⁰Ɀino kana mukati: Ticadyei negore recinomŋe? Tarirai, hatifaniri kudɀara, hatifaniri kuʋuŋganidza ɀiɓereko ɀeɗu;

²¹ipapo ndicaraira kuti mukomborerwe neni pagore recitanhatu, kuti rikuɓerekerei ɀiɓereko ɀicariŋgana makore matatu.

²²Negore rorusere mucadɀara, mucidya ɀiɓereko ɀisharu; kuȿikira gore repfumbamŋe, kuȿikira ɀiɓereko ɀaro ɀiciȿika, mucadya ɀisharu.

²³Nyika haifaniri kuteŋgeswa cose nokusiŋgaperi, nokuti nyika ndeyaŋgu; nokuti muri ʋaeni naʋatorwa kwandiri.

²⁴Panyika yenyu yose munofanira kutendera kuti nyika idzikinurwe.

²⁵Kana hama yako ikaʋa murombo, ikateŋgesa ɀimŋe ɀayo, ipapo hama yako yomumba inofanira kuʋuya kuzodzikinura iɀo ɀakateŋgeswa nehama yako.

²⁶Kana munhu akashaiwa unoɀidzikinura, akazoʋa mufumi, akawana ɀinoriŋgana kuɀidzikinura;

²⁷unofanira kuʋereŋga makore kubva pakuteŋgeswa kwaɀo, agodzosera kunaiye waakateŋgana naye ɀakasara, iye ndokudzokera kuneɀake;

²⁸asi kana asiŋgagoni kuɀidzikinura, iɀo ɀaakateŋgesa ɀinofanira kugara kunaiye wakaɀiteŋga kuȿikira pagore rejuberi; ɀino pagore rejuberi ɀinofanira kusunuŋgurwa, iye agodzokera kuneɀake.

²⁹Kana munhu akateŋgesa imba iri muguta rakakombga namaȿiŋgo, uŋgaidzikinura gore rose raakateŋga naro risati rapera; unofanira kuʋa nesimba rokuidzikinura gore rose.

³⁰Kana isiŋgadzikinurwi gore rose rikapera, ɀino imba iyo iri muguta rakakombga namaȿiŋgo inofanira kusimbiswa kuti ndeyaiye wakaiteŋga nokusiŋgaperi, nokumarudzi ake; haiŋgasunuŋgurwi negore rejuberi.

³¹Asi dzimba dzemisha isina‐kukombga namaȿiŋgo dzinofanira kuʋereŋgwa pamŋe cete neminda yenyika; dziŋgadzikinurwa, dzicasunuŋgurwa pagore rejuberi.

³²Asi pamaguta aʋaRevi, idzo dzimba pamaguta aʋo, ʋaRevi ʋaŋgadzidzikinura ŋguʋa ipi neipi.

³³Kana munhu akadzikinura kuʋaRevi, imba yakateŋgeswa neguta rake ɀinofanira kusunuŋgurwa pagore rejuberi; nokuti dzimba mumaguta aʋaRevi ndedzaʋo pakati paʋana ʋaIsraeri.

³⁴Asi minda yokuruwa rwamaguta aʋo haiŋgateŋgeswi, nokuti ndeyaʋo nokusiŋgaperi.

³⁵Kana hama yako ikaʋa murombo, akapera simba anewe, unofanira kumuɓatsira, agare newe somŋeni kana mutorwa.

³⁶Usatora mhindu yemari kwaari kana yeɀiɓereko kwaari, asi unofanira kutya Mŋari wako, kuti hama yako igare newe.

³⁷Usamupa mari yako ucireʋa mhindu, kana ɀokudya ɀako ucireʋa kuwedzerwa.

³⁸Ndini Jehova Mŋari wenyu, wakakuɓuɗisai munyika yeEgipita, kuti ndikupei nyika yeKanani, ndiʋe Mŋari wenyu.

³⁹Kana hama yako ikaʋa murombo, agere newe, akaɀiteŋgesa kwauri, usamuɓatisa somusuŋgwa;

⁴⁰ŋgaaʋe somuɓatiri unopiwa muɓairo, kana somutorwa kwauri; ŋgaakuɓatire kuȿikira pagore rejuberi.

⁴¹Ipapo ŋgaaɓuɗe hake kwauri, iye pamŋe cete naʋana ʋake, adzokere kuhama dzake, adzokere kunamadziɓaɓa ake.

⁴²Nokuti iʋo ʋaranda ʋaŋgu ʋandakaɓuɗisa munyika yeEgipita; ŋgaʋarege kuteŋgeswa, seɀinoitwa ʋasuŋgwa.

⁴³Usamuɓata nehasha, asi utye Mŋari wako.

⁴⁴Kana ʋari ʋasuŋgwa ʋako, ʋarume kana ʋakadzi, ʋaucazoʋa naʋo — muŋgaɀiteŋgera ʋasuŋgwa, ʋarume naʋakadzi, kumarudzi anokupoteredzai.

⁴⁵Muŋgateŋga ʋo kuʋana ʋaʋatorwa ʋagere pakati penyu nokuʋana ʋaʋo ʋari pakati penyu, ʋaʋakaɓereka panyika yenyu; iʋo ʋaŋgaʋa ʋenyu.

⁴⁶Muʋaite nhaka yaʋana ʋenyu ʋanokuteʋerai, kuti ʋaʋe ʋaʋo; munofanira kutora ʋasuŋgwa ʋenyu kwaʋari nokusiŋgaperi; asi kana dziri hama dzenyu, ʋana ʋaIsraeri, mumŋe ŋgaarege kuɓata mumŋe nehasha.

⁴⁷Kana mŋeni kana mutorwa akafuma agere newe, asi hama yako igere naye ikaʋa murombo, akaɀiteŋgesa kumŋeni kana mutorwa uyo ugere newe, kana kumŋana worudzi rwomŋeni uyo,

⁴⁸kana ateŋgeswa, uŋgadzikinurwa; munuŋuna kana mukoma wake uŋgamudzikinura;

⁴⁹kana ɓaɓamunini ʋake, kana mŋanakomana waɓaɓamunini ʋake, uŋgamudzikinura, kana aninani ʋehama dzake dzomumba make uŋgamudzikinura; kana iye akazoʋa mufumi, uŋgaɀidzikinura amene.

⁵⁰Ɀino iye nomuteŋgi wake ʋanofanira kuʋereŋga makore kubva pagore raakaɀiteŋgesa naro kwaari kuȿikira pagore rejuberi, muteŋgo waakaɀiteŋgesa nawo unofanira kuenzaniswa namakore; ŋguʋa yokugara kwake naye inofanira kuenzaniswa neŋguʋa yomuɓatiri unopiwa muɓairo wake.

⁵¹Kana makore mazhinji aciŋge asara, unofanira kudzosera mari yokudzikinurwa kwake yakaenzaniswa namakore iwayo, ɀicibva pamari yaakaŋga ateŋga nayo.

⁵²Kana kuciŋge kwasara makore mashoma kuȿikira pagore rejuberi, unofanira kuraŋgana naye; unofanira kudzosera mari yokudzikinurwa kwake ɀicienzaniswa namakore ake.

⁵³Unofanira kugara naye gore rimŋe nerimŋe somuɓatiri unopiwa muɓairo wake; ŋgaarege kumuɓata nehasha pamberi pako.

⁵⁴Kana asiŋgadzikinurwi nemitoʋo iyi, unofanira kusunuŋgurwa negore rejuberi, iye naʋana ʋake pamŋe cete naye.

⁵⁵Nokuti ʋana ʋaIsraeri ʋaranda ʋaŋgu; ʋaranda ʋaŋgu ʋandakaɓuɗisa panyika yeEgipita; ndini Jehova Mŋari wenyu.