Read Original Shona Union Bible 1949 Baiberi Magwaro Matȿene aMŋari Revitiko 26 Bible Online

Revitiko 26 - Original Shona Union Bible 1949 Baiberi Magwaro Matȿene aMŋari bible

Revitiko 26

¹Musaɀiitira ɀifananidzo, kana kuɀimutsira mufananidzo wakaʋezwa kana shoŋgwe yebge; musaisa ibge rinomufananidzo munyika yenyu kuti mufugamire’po, nokuti ndini Jehova Mŋari wenyu.

²Munofanira kuceŋgeta masaɓata aŋgu, nokukudza imba yaŋgu tȿene; ndini Jehova.

³Kana mucifamba nemitemo yaŋgu, nokuceŋgeta mirairo yaŋgu, muciiita;

⁴ini ndicakunisirai mvura neŋguʋa yayo, nenyika icaɓereka ɀiɓereko ɀayo, nemiti yesaŋgo icaɓereka ɀiɓereko ɀayo.

⁵Kupura kwenyu kucaȿika pakukohwa mazambiriŋga, nokukohwa mazambiriŋga kucaȿika paŋguʋa yokudɀara; mucadya ɀokudya ɀenyu mukaguta, nokugara munyika yenyu makaceŋgeteka.

⁶Ndicakupai rugare panyika, kuti muʋate pasi musiŋgavunduswi nomunhu; ɀikara ndicaɀipedza panyika, nomunondo hauŋgapfuʋuri nomunyika yenyu;

⁷mucadziŋga ʋaʋeŋgi ʋenyu, ʋakaparadzwa nomunondo pamberi penyu.

⁸Ʋashanu ʋenyu ʋacadziŋga ʋanezana, naʋanezana ʋenyu ʋacadziŋga ʋaneɀuru ɀinegumi, ʋaʋeŋgi ʋenyu ʋacaparadzwa nomunondo pamberi penyu.

⁹Ini ndicakuraŋgarirai, ndicakuɓerekesai nokukuwanzai; ndicasimbisa suŋgano yaŋgu nemi.

¹⁰Mucadya ɀiyo ɀakaceŋgetwa ŋguʋa huru, mucafanira kuɓuɗisa ɀekare kudziʋurira ɀitȿa.

¹¹Ndicagadza tabernakeri yaŋgu pakati penyu; mŋeya waŋgu hauŋgakusemiyi.

¹²Ndicafamba pakati penyu, ndicaʋa Mŋari wenyu, nemi mucaʋa ʋanhu ʋaŋgu.

¹³Ndini Jehova Mŋari wenyu, wakakuɓuɗisai munyika yeEgipita, kuti murege kuʋa ʋatapxa ʋaʋo; ndakavuna matanda ejoko renyu, ndikakufambisai makati tasa.

¹⁴Asi kana musiŋgaɗi kunditerera, musiŋgaɗi kuita mirairo iyi yose;

¹⁵kana muciramba mitemo yaŋgu, kana mŋeya yenyu icisema ɀandakatoŋga, kuti murege kuɗa kuita mirairo yaŋgu yose, asi muciputsa suŋgano yaŋgu,

¹⁶neni ʋo ndicakuitirai iɀi: Ndicaʋuyisa ɀinotyisa pamsoro penyu, hosha yorukosoro nefiviri ɀicaparadza meso nokuwondisa mŋeya yenyu; mucadɀara mbeu yenyu pasina, nokuti ʋaʋeŋgi ʋenyu ʋacaɀidya.

¹⁷Ndicakutoŋgai kuti mukundwe pamberi paʋaʋeŋgi ʋenyu, ʋanokuʋeŋgai ʋacaʋa ʋaɓati ʋenyu; mucatiza kunyaŋge kusinomunhu unokudziŋgai.

¹⁸Ɀino kunyaŋge ɀakaɗaro kana musiŋgaɗi kunditerera, ndicawedzera kukuroʋai kanomŋe pamsoro peɀiʋi ɀenyu.

¹⁹Ndicaputsa kuɀikudza kwenyu pamsoro pesimba renyu, ɗeŋga renyu ndicariita sesimbi, nenyika yenyu sendarira;

²⁰simba renyu ricaperera pasina; nokuti nyika yenyu haiŋgaɓereki ɀiɓereko ɀayo, nemiti yenyika haiŋgaɓereki ɀiɓereko ɀayo.

²¹Kana mucindiramba, musiŋgaɗi kunditerera, ndicawedzera kanomŋe maɗambudziko pamsoro peɀiʋi ɀenyu.

²²Ndicatuma ɀikara ɀesaŋgo pakati penyu, ɀicakupedzerai ʋana ʋenyu, nokuparadza ɀipfuwo ɀenyu, nokukutapudzai; nzira dzenyu dzicashaiwa ʋanhu.

²³Ɀino kana musiŋgaɗi kudzorwa neni neɀinhu iɀi, asi mucindiramba,

²⁴neni ʋo ndicakurambai; neni ʋo, ini ndimene, ndicakuroʋai kanomŋe pamsoro peɀiʋi ɀenyu.

²⁵Ndicaʋuyisa munondo pamsoro penyu, ucatsiʋa suŋgano yaŋgu; mucaʋuŋganidzwa mumaguta enyu, ini ndicatuma matenda pakati penyu; mucaiswa mumaʋoko aʋaʋeŋgi ʋenyu.

²⁶Kana ndicivuna muɗonɀo wenyu weciŋgwa, ʋakadzi ʋanegumi ʋacaɓika ciŋgwa cenyu mucoto cimŋe, ʋacikudzoserai ciŋgwa cenyu cayerwa; mucadya, asi hamuŋgaguti.

²⁷Ɀino kana musiŋgaɗi naiɀoɀo ɀose kunditerera, asi mucindiramba,

²⁸ipapo neni ʋo ndicakurambai nokutsamŋa kukuru; ndicakuroʋai kanomŋe pamsoro peɀiʋi ɀenyu.

²⁹Mucadya nyama yaʋanakomana ʋenyu, nenyama yaʋanasikana ʋenyu mucaidya.

³⁰Ndicaparadza nɀimbo dzenyu dzakakwirira, nokuputsa mifananidzo yenyu yezuʋa, nokukanda ɀitunha ɀenyu pamsoro peɀitunha ɀeɀifananidzo ɀenyu; mŋeya waŋgu ucakusemai.

³¹Ndicaita maguta enyu matoŋgo, nenɀimbo dzenyu tȿene ndicadziparadza, handiŋganhuwidzi munhuwi weɀinozipa ɀenyu.

³²Ndicaparadza nyika yenyu; ʋaʋeŋgi ʋenyu ʋacagara’mo, ʋacashamiswa naɀo.

³³Ndicakurashanyai pakati paʋahedeni, nokuvomora munondo shure kwenyu; nyika yenyu icaʋa renje, maguta enyu acaʋa matoŋgo.

³⁴Ɀino nyika icafarira masaɓata ayo, paŋguʋa yokuparadzwa kwayo, imi muri munyika yaʋaʋeŋgi ʋenyu; paŋguʋa iyo nyika icazorora, icifarira masaɓata ayo.

³⁵Paŋguʋa yose yokuparadzwa kwayo icazorora nokuzorora kwayakashaiwa pamasaɓata enyu, paŋguʋa yamakagara’mo.

³⁶Kana ʋari ʋamŋe ʋenyu ʋakasara, ndicatuma kutya pamŋoyo yaʋo ʋari munyika yaʋaʋeŋgi ʋaʋo; kana ʋacinzwa shizha ricipepereka, ʋacatiza; ʋacatiza somunhu unotiza munondo, ʋacawa kunyaŋge kusinomunhu unoʋadziŋga.

³⁷Ʋacawirana saʋanhu ʋanowa pamberi pomunondo, kusinomunhu unoʋadziŋga; hamuŋgaʋi nesimba rokumira pamberi paʋaʋeŋgi ʋenyu.

³⁸Mucandofira pakati paʋahedeni, nenyika yaʋaʋeŋgi ʋenyu icakudyai.

³⁹Ʋamŋe ʋenyu ʋakasara ʋacawonda muɀiʋi ɀaʋo panyika yaʋaʋeŋgi ʋaʋo; ʋacawonda samadziɓaɓa aʋo akawonda muɀiʋi ɀawo.

⁴⁰Ɀino ʋacaɀireʋurura ɀiʋi ɀaʋo neɀiʋi ɀamadziɓaɓa aʋo, nokuɗarika kwaʋakaɗarika nako kwandiri, ʋuye ɀaʋakandiramba,

⁴¹neni ʋo ndakaʋaramba, ndikaʋaisa kunyika yaʋaʋeŋgi ʋaʋo; ɀino kana mŋoyo yaʋo isina‐kudziŋgiswa ikaɀininipisa, ʋakatenda kurobga pamsoro peɀiʋi ɀaʋo;

⁴²ipapo ndicaraŋgarira suŋgano yaŋgu naJakobo; nesuŋgano yaŋgu naIsaka, nesuŋgano yaŋgu naAbrahama, ndicairaŋgarira; nyika ndicairaŋgarira ʋo.

⁴³Nyika icafanira kusiyiwa naʋo, kuti ifarire masaɓata ayo icakaparadzwa iʋo ʋasi’po; ʋacarobga pamsoro peɀiʋi ɀaʋo, nokuti ʋakaramba ɀandakaŋga ndatoŋga, mŋeya yaʋo ikasema mitemo yaŋgu.

⁴⁴Kunyaŋge ɀakaɗaro, kana ʋari munyika yaʋaʋeŋgi ʋaʋo, handiŋgaʋarashi, handiŋgaʋasemi, ndiʋaparadze cose, nokuputsa suŋgano yaŋgu naʋo; nokuti ndini Jehova Mŋari waʋo;

⁴⁵asi nokuɗa kwaʋo ndicaraŋgarira suŋgano yaŋgu namadziteteguru aʋo, ʋandakaɓuɗisa munyika yeEgipita pamberi paʋahedeni, kuti ndiʋe Mŋari waʋo; ndini Jehova.

⁴⁶Ndiyo mitemo neɀakatoŋgwa nemirairo yakaitwa naJehova pakati pake naʋana ʋaIsraeri pagomo reSinai nomuromo waMosesi.