Read Original Shona Union Bible 1949 Baiberi Magwaro Matȿene aMŋari Revitiko 4 Bible Online

Revitiko 4 - Original Shona Union Bible 1949 Baiberi Magwaro Matȿene aMŋari bible

Revitiko 4

¹Ɀino Jehova wakataura naMosesi, akati:

²Taura naʋana ʋaIsraeri, uti: Kana munhu akatadza nokusaziʋa pacinhu cimŋe ceɀakarairwa naJehova kuti ɀirege kuitwa, akaita cimŋe caɀo;

³kana muprista wakazodzwa akatadza, akapinza ʋanhu pamhoȿa, unofanira kuʋigira Jehova nzombe ɗuku isinemhoȿa, nokuɗa kweɀiʋi ɀake ɀaakatadza, kuti ciʋe cipiriso ceɀiʋi.

⁴Ŋgaaʋuye nenzombe ɗuku pamukoʋa wetente rokusoŋgana pamberi paJehova, aise ruʋoko rwake pamusoro wenzombe, ndokuʋuraya nzombe pamberi paJehova.

⁵Ɀino muprista wakazodzwa ŋgaatore rimŋe ropa renzombe, ariise patente rokusoŋgana,

⁶muprista agonyika munwe wake muropa, ndokusasa rimŋe ropa kanomŋe pamberi paJehova, pamberi pecidzitiro cenɀimbo tȿene.

⁷Ɀino muprista aise rimŋe ropa pamberi paJehova panyaŋga dzeartari yeɀinonhuwira ɀakanaka, iri mutente rokusoŋgana, agoɗurura rimŋe ropa rose renzombe mujiŋga meartari yeɀipiriso ɀinopiswa, iri pamukoʋa wetente rokusoŋgana.

⁸Ɀino ŋgaabvise mafuta ose enzombe yecipiriso ceɀiʋi, mafuta anofukidza ʋura, namafuta ose ari pamsoro poʋura,

⁹netȿo mbiri, namafuta ari pamsoro padzo, ari paciʋuno, namafuta ari pamsoro peciropa, ŋgaaɀibvise pamŋe cete netȿo,

¹⁰seɀaanobviswa panzombe yecipiriso cokuyananisa naco; ɀino muprista ŋgaaɀipise pamsoro peartari yeɀipiriso ɀinopiswa.

¹¹Ƌebge renzombe, nenyama yayo yose, pamŋe cete nomusoro wayo, namakumbo ayo, noʋura bgayo, namaɀiɀi ayo;

¹²nzombe yose iyo unofanira kuitakurira kunze kwemisasa, pakanaka, panorashirwa maɗota, ndokuipisira pamsoro pehuni nomŋoto; ŋgaipisirwe panorashirwa maɗota.

¹³Kana ʋuŋgano yose yaIsraeri ikatadza, cinhu ico cikasazikanwa neʋuŋgano, kana ʋakaita cimŋe ceɀinhu ɀakarairwa naJehova kuti ɀirege kuitwa, ʋakapara mhaka;

¹⁴kana ciʋi caʋakatadza cikazozikanwa, ɀino ʋuŋgano ŋgaiʋuye nenzombe ɗuku, ciʋe cipiriso ceɀiʋi, iʋuyiswe pamberi petente rokusoŋgana.

¹⁵Ɀino ʋakuru ʋeʋuŋgano ŋgaʋaise maʋoko aʋo pamusoro wenzombe pamberi paJehova, nzombe igoʋurawa pamberi paJehova.

¹⁶Ɀino muprista wakazodzwa ŋgaaʋuye nerimŋe ropa renzombe patente rokusoŋgana,

¹⁷muprista anyike munwe wake muropa, arisase kanomŋe pamberi paJehova, pamberi pecidzitiro.

¹⁸Ɀino ŋgaaise rimŋe ropa panyaŋga dzeartari iri pamberi paJehova, iri mutente rokusoŋgana; rimŋe ropa rose agoriɗururira mujiŋga meartari yeɀipiriso ɀinopiswa, iri pamukoʋa wetente rokusoŋgana.

¹⁹Ɀino ŋgaabvise mafuta ose ari’po, aapise pamsoro peartari.

²⁰Ndiɀo ɀaanofanira kuitira nzombe; seɀaakaitira nzombe yecipiriso ceɀiʋi, ndiɀo ɀaanofanira kuitira iyi; muprista unofanira kuʋayananisira, ʋakaŋganwirwe.

²¹Ɀino unofanira kutakurira nzombe kunze kwemisasa, andoipisa, seɀaakapisa nzombe yokutaŋga; ndico cipiriso ceɀiʋi ceʋuŋgano.

²²Kana mukuru akatadza, akaita nokusaziʋa cimŋe ceɀinhu ɀose ɀakarairwa naJehova Mŋari wake kuti ɀirege kuitwa, akapara mhaka;

²³kana ciʋi cake caakatadza akaciziʋiswa, ŋgaaʋuye nenhoŋgo yembudzi isinemhoȿa, ciʋe cipiriso cake.

²⁴Ɀino ŋgaaise ruʋoko rwake pamusoro wembudzi, aiʋuraye panoʋurayirwa cipiriso cinopiswa pamberi paJehova, ciʋe cipiriso ceɀiʋi.

²⁵Ɀino muprista ŋgaatore rimŋe ropa recipiriso ceɀiʋi nomunwe wake, ariise panyaŋga dzeartari yecipiriso cinopiswa, nerimŋe ropa rayo ariɗururire mujiŋga meartari yecipiriso cinopiswa.

²⁶Mafuta ayo ose ŋgaapiswe pamsoro peartari, seɀaʋakaita namafuta ecipiriso cokuyananisa; muprista amuyananisire pamsoro peɀiʋi ɀake, akaŋganwirwe.

²⁷Kana mumŋe waʋanhu ɀaʋo akatadza akaita nokusaziʋa cimŋe ceɀinhu ɀakarairwa naJehova kuti ɀirege kuitwa, akapara mhaka;

²⁸kana ciʋi cake caakatadza akaciziʋiswa, ŋgaaʋuye neshece yembudzi isinemhoȿa, ciʋe cipiriso cake pamsoro peɀiʋi ɀake ɀaakatadza.

²⁹Ɀino ŋgaaise ruʋoko rwake pamusoro wecipiriso ceɀiʋi, aʋuraye cipiriso ceɀiʋi panoʋurayirwa cipiriso cinopiswa.

³⁰Ɀino muprista ŋgaatore rimŋe ropa rayo nomunwe wake, ariise panyaŋga dzeartari yeɀipiriso ɀinopiswa, asi rimŋe ropa rayo rose ŋgaariɗururire mujiŋga meartari.

³¹Ɀino ŋgaabvise mafuta ayo ose, seɀinobviswa mafuta eɀipiriso ɀokuyananisa naɀo, muprista agoapisa pamsoro peartari, ciʋe cinhu cinonhuwira ɀakanaka kunaJehova; muprista unofanira kumuyananisira, akaŋganwirwe.

³²Kana akaʋuya negwaiana rokuita naro cipiriso cake ceɀiʋi, ŋgaaʋuye neshece isinemhoȿa.

³³Ɀino ŋgaaise ruʋoko rwake pamusoro wecipiriso ceɀiʋi, agoriʋuraya panoʋurayirwa cipiriso cinopiswa.

³⁴Ɀino muprista ŋgaatore rimŋe ropa recipiriso ceɀiʋi nomunwe wake, ariise panyaŋga dzeartari yeɀipiriso ɀinopiswa, asi rimŋe ropa raro rose ŋgaariɗururire mujiŋga meartari;

³⁵ɀino ŋgaabvise mafuta aro ose, seɀinobviswa mafuta egwaiana paciɓayiro ceɀipiriso ɀokuyananisa naɀo; muprista aapise pamsoro peartari seɀinoitwa neɀipiriso ɀose ɀaJehova ɀinoitwa nomŋoto; muprista unofanira kumuyananisira pamsoro peɀiʋi ɀake ɀaakatadza, akaŋganwirwe.