Read Original Shona Union Bible 1949 Baiberi Magwaro Matȿene aMŋari Revitiko 6 Bible Online

Revitiko 6 - Original Shona Union Bible 1949 Baiberi Magwaro Matȿene aMŋari bible

Revitiko 6

¹Ɀino Jehova wakataura naMosesi, akati:

²Kana munhu akatadza, akaɗarika murairo waJehova, akanyeŋgera wokwake pacinhu caakaŋga apiwa kuceŋgeta, kana cakaŋga caiswa paruʋoko rwake, kana pakumuɓira, kana pakumanikidza wokwake;

³kana akanoŋga cakaŋga carashika, akanyeŋgera paciri, akapika nhema; pacinhu cipi necipi caɀose iɀo, kana munhu aciŋge aita akatadza paciri;

⁴ɀino kana akatadza, anemhoȿa, unofanira kudzosa caakaŋga atora nokuɓa, kana caakaŋga awana nokumanikidza, kana caakaŋga apiwa kuceŋgeta, kana cakaŋga carashika akacinoŋga;

⁵kana cinhu cipi necipi caakaŋga apika nhema pamsor paco; ŋgaacidzose cose, awedzere kwaciri ceshanu caco, acipe muridzi waco nomusi waanowanikwa kuti unemhoȿa.

⁶Unofanira kuʋuya kumuprista necipiriso cemhoȿa yake kunaJehova, cegondobge ramakwai ake risinemhoȿa, seɀaunotara iwe, ciʋe cipiriso cemhoȿa;

⁷ɀino muprista amuyananisire pamberi paJehova, akaŋganwirwe pamsoro pemhoȿa ipi neipi yaakaita.

⁸Ɀino Jehova wakataura naMosesi, akati:

⁹Raira Aroni naʋanakomana ʋake, uti: Murairo wecipiriso cinopiswa ndiwo: Cipiriso cinopiswa cinofanira kuʋata pacoto pamsoro peartari ʋusiku bgose kuȿikira maŋgwanani, mŋoto urambe ucipfuta pamsoro paco.

¹⁰Ɀino muprista ŋgaafuke ŋguʋo yake yomuceka, nokufuka ʋo buruku rake romuceka pamuʋiri wake, abvise maɗota ecipiriso cinopiswa, capiswa nomŋoto paartari, aaise parutiʋi rweartari.

¹¹Ɀino ŋgaabvise ŋguʋo dzake, afuke dzimŋe ŋguʋo, agotakurira maɗota kunze kwemisasa panɀimbo yakanaka.

¹²Mŋoto paartari unofanira kuramba ucipfuta pamsoro payo, haufaniri kudzima; muprista unofanira kuɓatidza huni pamsoro payo maŋgwanani ose; ɀino ŋgaagadzire cipiriso cinopiswa pamsoro payo, apise mafuta eɀipiriso ɀokuyananisa pamsoro payo.

¹³Mŋoto ŋgaurambe ucipfuta pamsoro peartari ŋguʋa dzose, urege kudzima.

¹⁴Murairo wecipiriso coʋupfu ndiwo: Ʋanakomana ʋaAroni ʋanofanira kuʋuya naco pamberi paJehova paartari.

¹⁵Zino ŋgaatsamure tsama imŋe yake yoʋupfu bgakatsetseka bgecipiriso coʋupfu, namamŋe mafuta aco, neɀinonhuwira ɀose ɀiri pamsoro pecipiriso coʋupfu, aɀipise pamsoro peartari, ciʋe cinonhuwira ɀakanaka, cokuraŋgaridza caco, kunaJehova.

¹⁶Ɀakasara ɀaco ŋgaɀidyiwe naAroni naʋanakomana ʋake; ɀidyiwe ɀisinembiriso panɀimbo tȿene; ŋgaʋaɀidye paruʋazhe rwetente rokusoŋgana.

¹⁷Ŋgaɀirege kuɓikwa nembiriso; ndakaʋapa ico, uʋe mugoʋe waʋo weɀipiriso ɀaŋgu ɀinoitwa nomŋoto; cinhu citȿene kwaɀo, secipiriso ceɀiʋi, necipiriso cemhoȿa.

¹⁸Ʋarume ʋose kuʋana ʋaAroni ŋgaʋaɀidye, uʋe murairo usiŋgaperi kuȿikira kumarudzi enyu ose paɀipiriso ɀose ɀaJehova ɀinoitwa nomŋoto; munhu upi noupi unoɀiɓata, ucaʋa mutȿene.

¹⁹Ɀino Jehova akataura naMosesi, akati:

²⁰Ndico cipo caAroni necaʋanakomana ʋake caʋanofanira kupa Jehova nomusi waanozodzwa nawo: Cegumi ceefa[2] yoʋupfu bgakatsetseka, ciʋe cipiriso coʋupfu ŋguʋa dzose, hafu yaco maŋgwanani, hafu yaco maɗekwana.

²¹Ŋgaciɓikwe namafuta mugaŋgo; kana caibva, uʋuye naco; unofanira kuʋuya necipiriso coʋupfu ɀimeɗu‐ɀimeɗu ɀakakaŋgwa, ciʋe cinhu cinonhuwira ɀakanaka kunaJehova.

²²Muprista unozodzwa panɀimbo yake pakati paʋanakomana ʋake, ndiye unofanira kuʋuya naco; uʋe mutemo usiŋgaperi kuti cipisirwe Jehova cose.

²³Cipiriso cimŋe necimŋe coʋupfu comuprista cinofanira kupiswa cose; hacifaniri kudyiwa.

²⁴Ɀino Jehova wakataura naMosesi, akati:

²⁵Taura naAroni naʋanakomana ʋake uti: Murairo wecipiriso ceɀiʋi ndiwo: Panoʋurayirwa cipiriso cinopiswa ndi’po panofanira kuʋurayirwa ʋo cipiriso ceɀiʋi pamberi paJehova; citȿene kwaɀo.

²⁶Muprista unociɓayira pamsoro peɀiʋi, ndiye unofanira kucidya; cinofanira kudyiwa panɀimbo tȿene, paruʋazhe rwetente rokusoŋgana.

²⁷Cinhu cipi necipi cinogunɀa nyama yaco cicaʋa citȿene; kana rimŋe ropa raco rikaɗonhera paŋguʋo ipi neipi, unofanira kusuka ico cakaɗonherwa naro panɀimbo tȿene.

²⁸Asi hari yevu mayakaɓikirwa, inofanira kuputswa; kana yakaɓikwa muhari yendarira inofanira kukwizwa nokusukurudzwa nemvura.

²⁹Ɀino ʋarume ʋose kuʋaprista ʋanofanira kucidya; citȿene kwaɀo.

³⁰Ɀipiriso ɀose ɀeɀiʋi, kana rimŋe ropa raɀo rakaiswa mutente rokusoŋgana kuzoyananisira panɀimbo tȿene, ŋgaɀirege kudyiwa; ɀinofanira kupiswa nomŋoto.