Read Original Shona Union Bible 1949 Baiberi Magwaro Matȿene aMŋari Revitiko 7 Bible Online

Revitiko 7 - Original Shona Union Bible 1949 Baiberi Magwaro Matȿene aMŋari bible

Revitiko 7

¹Murairo wecipiriso cemhoȿa ndiwo: Citȿene kwaɀo.

²Paʋanoʋurayira cipiriso cinopiswa, ndi’po paʋanofanira kuʋuraya cipiriso cemhoȿa; ropa raco unofanira kurisasa pamsoro peartari kunhiʋi dzose.

³Ɀino ŋgaapisire mafuta aco ose, mafuta eɓemhe, namafuta anofukidza ʋura,

⁴netȿo mbiri, namafuta ari pamsoro padzo, ari paciʋuno, namafuta ari pamsoro peciropa, ŋgaaɀibvise pamŋe cete netȿo.

⁵Ɀino muprista ŋgaaɀipise paartari, ciʋe cipiriso cinoitirwa Jehova nomŋoto; cipiriso cemhoȿa.

⁶Ʋarume ʋose kuʋaprista ŋgaʋacidye; cidyiwe panɀimbo tȿene; citȿene kwaɀo.

⁷Seɀinoitwa necipiriso ceɀiʋi, ndiɀo ɀinoitwa ʋo necipiriso cemhoȿa; murairo waɀo ndomumŋe; cicaʋa comuprista unoyananisira naco.

⁸Ʋuye muprista, unopisira cipiriso cinopiswa comunhu, uyo muprista unofanira kupiwa ɗebge recipiriso cinopiswa caakaʋuya naco.

⁹Cipiriso cimŋe necimŋe coʋupfu, cakaɓikwa mucoto, neɀose ɀakagadzirwa mugaŋgo kana muhari, ɀicaʋa ɀomuprista unoʋuya naɀo.

¹⁰Cipiriso cimŋe necimŋe coʋupfu, cakakanyiwa namafuta, kana cakawoma, cinofanira kupiwa ʋanakomana ʋose ʋaAroni, mumŋe nomumŋe, ʋacienzaniswa.

¹¹Ndiwo murairo weɀiɓayiro ɀeɀipiriso ɀokuyananisa, ɀinofanira kupiwa Jehova:

¹²Kana munhu akaɀipa, kuti aʋoŋge naɀo, pamŋe cete neciɓayiro cokuʋoŋga naco, unofanira kupa ɀiŋgwa ɀiɗuku ɀisina‐kuʋiriswa ɀakakanyiwa namafuta, neɀiŋgwa ɀitete ɀisina‐kuʋiriswa ɀakazodzwa mafuta, neɀiŋgwa ɀakakanyiwa namafuta ɀoʋupfu bgakatsetseka ɀakakaŋgwa.

¹³Unofanira kupa ʋo cipo cake ceɀiŋgwa ɀakaʋiriswa pamŋe cete neciɓayiro ceɀipiriso ɀokuyananisa ɀokuʋoŋga naɀo.

¹⁴Ɀino pacipiriso ici unofanira kupa cimŋe pacipo cimŋe necimŋe ciʋe cipiriso cinosimudzirwa Jehova; cicaʋa comuprista unosasa ropa reɀipiriso ɀokuyananisa.

¹⁵Nyama yeciɓayiro ceɀipiriso ɀake ɀokuyananisa ɀokuʋoŋga naɀo inofanira kudyiwa nomusi waanopa cipo cake; haafaniri kusiya cimŋe caco kuȿikira maŋgwanani.

¹⁶Asi kana ciɓayiro cecipo cake ciri cinhu caakapika, kana cipo cokuɗa kwake, cinofanira kudyiwa nomusi waanoɓayira ciɓayiro cake; ɀakasara paɀiri ɀinofanira kudyiwa maŋgwanani;

¹⁷asi ɀakasara ɀenyama yeciɓayiro ɀinofanira kupiswa nomŋoto nezuʋa retatu.

¹⁸Kana imŋe nyama yeciɓayiro ceɀipiriso ɀake ɀokuyananisa ikadyiwa nezuʋa retatu, haɀiŋgagamucirwi nomufaro kana kunzi ɀakanaka kunaiye wakaɀipa; cicaʋa cinhu cinonyaŋgadza, nomunhu unoɀidya ucaʋa nemhoȿa.

¹⁹Nyama yakaɓatana necinhu cisakanaka, haifaniri kudyiwa, inofanira kupiswa nomŋoto. Asi imŋe nyama mumŋe nomumŋe wakanatswa uŋgaidya.

²⁰Asi munhu unodya nyama yeciɓayiro ceɀipiriso ɀokuyananisa, ɀiri ɀaJehova, aciri netȿina yake, munhu uyo unofanira kubviswa pakati porudzi rwake.

²¹Kana aninani akaɓata cinhu cisakanaka, kana ɀiri ɀisakanaka ɀomunhu kana ɀemhuka isakanaka, kana cimŋe cinhu cisakanaka cinonyaŋgadza, akadya nyama yeciɓayiro ceɀipiriso ɀokuyananisa ɀiri ɀaJehova, munhu uyo unofanira kubviswa pakati porudzi rwake.

²²Ɀino Jehova wakataura naMosesi, akati:

²³Taura naʋana ʋaIsraeri, uti: Musadya mafuta, kana eŋombe, kana egwai, kana embudzi.

²⁴Mafuta ecinhu cakaŋgofa coga, namafuta ecinhu cakaʋurawa neɀikara, aŋgaɓatwa nawo pamaɓasa ose, asi hamufaniri kutoŋgoadya.

²⁵Nokuti aninani unodya mafuta eɀipfuwo ɀaʋanoitira Jehova cipiriso cinoitwa nomŋoto, munhu unoadya unofanira kubviswa pakati porudzi rwake.

²⁶Regai kudya ropa ripi neripi, kana riri reshiri, kana reɀipfuwo, padzimba dzenyu dzose.

²⁷Aninani unodya ropa ripi neripi, munhu uyo unofanira kubviswa pakati porudzi rwake.

²⁸Ɀino Jehova akataura naMosesi, akati:

²⁹Taura naʋana ʋaIsraeri, uti: Munhu unoɓayira Jehova ciɓayiro cake ceɀipiriso ɀokuyananisa, unofanira kuʋuya necipo cake kunaJehova cinobva paciɓayiro ceɀipiriso ɀake ɀokuyananisa;

³⁰maʋoko ake amene anofanira kuʋuya neɀipiriso ɀinoitirwa Jehova nomŋoto; ŋgaaʋuye namafuta pamŋe cete necityu, kuti cityu cizuŋguzirwe, ciʋe cipiriso cinozuŋguzirwa pamberi paJehova.

³¹Ɀino muprista ŋgaapise mafuta paartari, asi cityu ndecaAroni naʋanakomana ʋake.

³²Munofanira kupa muprista ɓandauko rorudyi, ciʋe cipiriso cinosimudzwa paɀiɓayiro ɀeɀipiriso ɀenyu ɀokuyananisa.

³³Uyo pakati paʋanakomana ʋaAroni unopisira ropa reɀipiriso ɀokuyananisa namafuta, ndiye ucapiwa ɓandauko rorudyi uʋe mugoʋe wake.

³⁴Nokuti cityu cinozuŋguzirwa neɓandauko rinosimudzwa, ndiɀo ɀandakatora kuʋana ʋaIsraeri pakati peɀiɓayiro ɀeɀipiriso ɀaʋo ɀokuyananisa, ndikaɀipa Aroni muprista, naʋanakomana ʋake, ciʋe caʋo nokusiŋgaperi, cinobva kuʋana ʋaIsraeri.

³⁵Ndiwo mugoʋe waAroni, nomugoʋe waʋanakomana ʋake paɀipiriso ɀinoitirwa Jehova nomŋoto, nomusi waakaʋagadza nawo kuti ʋaɓatire Jehova paɓasa roʋuprista;

³⁶wakarairwa naJehova kuti ʋapiwe naʋana ʋaIsraeri nomusi wokuzodzwa kwaʋo. Ndiwo mugoʋe waʋo nokusiŋgaperi kuȿikira kumarudzi aʋo ose.

³⁷Ndiwo murairo wecipiriso cinopiswa, necipiriso coʋupfu, necipiriso ceɀiʋi, necipiriso cemhoȿa, nowokugadza, noweɀiɓayiro ɀeɀipiriso ɀokuyananisa;

³⁸wakarairwa Mosesi naJehova pagomo reSinai, nomusi waakaraira ʋana ʋaIsraeri, kuti ʋape Jehova ɀipo ɀaʋo murenje reSinai.