Read Original Shona Union Bible 1949 Baiberi Magwaro Matȿene aMŋari Revitiko 8 Bible Online

Revitiko 8 - Original Shona Union Bible 1949 Baiberi Magwaro Matȿene aMŋari bible

Revitiko 8

¹Ɀino Jehova wakataura naMosesi, akati:

²Tora Aroni, naʋanakomana ʋake, neŋguʋo, namafuta okuzodza nawo, nenzombe yecipiriso ceɀiʋi, namakondobge maʋiri, neɗeŋgu reɀiŋgwa ɀisina‐kuʋiriswa;

³uʋuŋganidze ʋuŋgano yose pamukoʋa wetente rokusoŋgana.

⁴Mosesi akaita seɀaakarairwa naJehova, ʋuŋgano ikaʋuŋganidzwa pamukoʋa wetente rokusoŋgana.

⁵Ɀino Mosesi akati kuʋuŋgano: Ndiɀo ɀakarairwa naJehova kuti ɀiitwe.

⁶Mosesi akaʋuya naAroni naʋanakomana ʋake, akaʋashambidza nemvura,

⁷akamufukidza jasi, ndokumusuŋga ciʋuno nebanhire, akamufukidza ŋguʋo, akamuisa efodi, nokumusuŋga ciʋuno nebande reefodi rakarukwa noʋucenjeri, ndokurisuŋgira kwaari naro.

⁸Akamuisa homboɗo yecifuʋa, ndokuisa Urimi neTumimi muhomboɗo yecifuʋa.

⁹Akaisa ʋo ŋgoani pamusoro wake; paŋgoani necemberi akaisa hwendefa rendarama, ndiyo korona tȿene; seɀakaŋga ɀarairwa Mosesi naJehova.

¹⁰Ɀino Mosesi akatora mafuta okuzodza nawo, akazodza tabernakeri, neɀose ɀakaŋga ɀiri’mo, akaɀitsaura.

¹¹Akasasa mamŋe kanomŋe paartari, nenhumbi dzayo dzose, nomudziyo wokushambidzira, necigadziko cawo, kuti aɀitsaure.

¹²Akaɗira ʋo mamŋe mafuta okuzodza nawo pamusoro waAroni, akamuzodza kuti amutsaure.

¹³Ipapo Mosesi akaʋuya naʋanakomana ʋaAroni, akaʋafukidza majasi, akaʋasuŋga ɀiʋuno namabanhire, akaʋaisa ŋgoani, seɀakaŋga ɀarairwa Mosesi naJehova.

¹⁴Akaʋuya nenzombe yecipiriso ceɀiʋi, Aroni naʋanakomana ʋake ʋakaisa maʋoko aʋo pamusoro wenzombe yecipiriso ceɀiʋi;

¹⁵akaiɓaya; Mosesi ndokutora ropa, ndokuriisa panyaŋga dzeartari kunhiʋi dzose nomunwe wake, akanatsa artari, ndokuɗururira ropa mujiŋga meartari, akaitsaura, kuti aiyananisire.

¹⁶Akatora mafuta ose akaŋga ari pamsoro poʋura, namafuta akaŋga ari pamsoro peciropa, netȿo mbiri, namafuta adzo, Mosesi akaɀipisa paartari.

¹⁷Asi nzombe neɗebge rayo, nenyama yayo, namaɀiɀi ayo, wakaɀipisa nomŋoto kunze kwemisasa, seɀakaŋga ɀarairwa Mosesi naJehova.

¹⁸Akaʋuya negondobge recipiriso cinopiswa; Aroni naʋanakomana ʋake ʋakaisa maʋoko aʋo pamusoro wegondobge.

¹⁹Akariʋuraya; Mosesi akasasa ropa pamsoro peartari kunhiʋi dzose.

²⁰Akagura‐gura gondobge, Mosesi akapisa musoro nenhindi namafuta.

²¹Akasuka ʋura namakumbo nemvura, Mosesi akapisa gondobge rose paartari, cikaʋa cipiriso cinopiswa cainhuwira ɀakanaka; cikaʋa cipiriso cakaitirwa Jehova nomŋoto; seɀakaŋga ɀarairwa Mosesi naJehova.

²²Ɀino akaʋuya ʋo nerimŋe gondobge, gondobge rokugadza naro, Aroni naʋanakomana ʋake ʋakaisa maʋoko aʋo pamusoro wegondobge.

²³Akariɓaya, Mosesi akatora rimŋe ropa raro, akariisa pamuceto wezasi wenzeʋe yaAroni yorudyi, napagunwe roruʋoko rwake rworudyi, napagunwe rorutsoka rwake rworudyi.

²⁴Akaʋuyisa ʋanakomana ʋaAroni, Mosesi akaisa rimŋe ropa pamiceto yezasi yenzeʋe dzaʋo dzorudyi, napamagunwe amaʋoko aʋo orudyi, napamagunwe etsoka dzaʋo dzorudyi; Mosesi akasasa ropa pamsoro peartari kunhiʋi dzose.

²⁵Akatora mafuta neɓemhe, namafuta ose akaŋga ari pamsoro poʋura, namafuta akaŋga ari pamsoro peciropa, netȿo mbiri, namafuta adzo, neɓandauko rorudyi;

²⁶akatora muɗeŋgu reɀiŋgwa ɀisina‐kuʋiriswa, ɀaiʋa pamberi paJehova, ciŋgwa cimŋe ciɗuku cisina‐kuʋiriswa, neciŋgwa cimŋe ciɗuku ceɀiŋgwa ɀakazodzwa mafuta, neciŋgwa citete cimŋe, akaɀiisa pamsoro pamafuta, napamsoro peɓandauko rorudyi;

²⁷akaisa ɀose pamaʋoko aAroni, napamaʋoko aʋanakomana ʋake, akaɀizuŋguzira pamberi paJehova, kuti ciʋe cipiriso cinozuŋguzirwa.

²⁸Ipapo Mosesi akaɀitora ɀose pamaʋoko ake, akaɀipisa paartari pamsoro pecipiriso cinopiswa; ɀikaʋa ɀokugadza naɀo, ɀikanhuwira ɀakanaka; cikaʋa cipiriso cakaitirwa Jehova nomŋoto.

²⁹Ɀino Mosesi akatora cityu akacizuŋguzira pamberi paJehova, kuti ciʋe cipiriso cinozuŋguzirwa; ndiwo waiʋa mugoʋe waMosesi pagondobge rokugadza naro; seɀakaŋga ɀarairwa Mosesi naJehova.

³⁰Ipapo Mosesi akatora mamŋe mafuta okuzodza nawo, nerimŋe ropa rakaŋga riri paartari, akarisasa pamsoro paAroni napamsoro peŋguʋo dzake, napamsoro paʋanakomana ʋake, napamsoro peŋguʋo dzaʋanakomana ʋake pamŋe cete naye; akatsaura Aroni neŋguʋo dzake, naʋanakomana ʋake, neŋguʋo dzaʋanakomana ʋake pamŋe cete naye.

³¹Mosesi akati kunaAroni naʋanakomana ʋake: Ƃikai nyama pamukoʋa wetente rokusoŋgana, muidyire’po neciŋgwa ciri muɗeŋgu rokugadza naro, seɀandakaraira ndiciti: Aroni naʋanakomana ʋake ʋanofanira kuɀidya.

³²Asi ɀakasara ɀenyama neciŋgwa munofanira kuɀipisa nomŋoto.

³³Musaɓuɗa pamukoʋa wetente rokusoŋgana mazuʋa manomŋe, kuȿikira mazuʋa okugadza kwenyu apera; nokuti iye ucakugadzai mazuʋa manomŋe.

³⁴Seɀakaitwa zuʋa ranhasi, Jehova wakaraira kuti ɀiitwe saiɀoɀo, kuti muyananisirwe.

³⁵Garai pamukoʋa wetente rokusoŋgana masikati noʋusiku mazuʋa manomŋe, muceŋgete ɀamakarairwa naJehova, kuti murege kufa; nokuti ndiɀo ɀandakarairwa.

³⁶Ɀino Aroni naʋanakomana ʋake ʋakaita ɀose ɀakaŋga ɀarairwa naJehova nomuromo waMosesi.