Read Original Shona Union Bible 1949 Baiberi Magwaro Matȿene aMŋari Revitiko 9 Bible Online

Revitiko 9 - Original Shona Union Bible 1949 Baiberi Magwaro Matȿene aMŋari bible

Revitiko 9

¹Ɀino nomusi worusere Mosesi wakaɗana Aroni naʋanakomana ʋake, naʋakuru ʋaIsraeri,

²akati kunaAroni: Tora mukono wemhuru ciʋe cipiriso ceɀiʋi, negondobge ciʋe cipiriso cinopiswa, ɀisinemhoȿa, uʋuye naɀo pamberi paJehova.

³Utaure naʋana ʋaIsraeri, uti: Torai nhoŋgo yembudzi ciʋe cipiriso ceɀiʋi, nemhuru, negwaiana, ɀose ɀegore rimŋe, ɀisinemhoȿa, ciʋe cipiriso cinopiswa;

⁴nenzombe, negondobge ɀiʋe ɀipiriso ɀokuyananisa, muɀiɓayire pamberi paJehova; necipiriso coʋupfu bgakakanyiwa namafuta, nokuti nhasi Jehova unoɀiratidza kwamuri.

⁵Ɀino iʋo ʋakaʋuya neɀakaŋga ɀarairwa naMosesi pamberi pomukoʋa wetente rokusoŋgana, ʋuŋgano yose ikasweɗera, ʋakamira pamberi paJehova.

⁶Ipapo Mosesi akati: Ndico cinhu cakarairwa naJehova kuti muciite, kuti kubginya kwaJehova kuɀiratidze kwamuri.

⁷Mosesi akati kunaAroni: Sweɗera kuartari uɓayire cipiriso cako ceɀiʋi, necipiriso cako cinopiswa, uɀiyananisire iwe naʋanhu; uʋuye ʋo necipo caʋanhu, kuti uʋayananisire, seɀakarairwa naJehova.

⁸Ipapo Aroni wakasweɗera kuartari, akaɓaya mhuru yecipiriso ceɀiʋi, cakaŋga ciri cake.

⁹Ʋanakomana ʋaAroni ʋakaʋuya neropa kwaari, iye akanyika munwe wake muropa, akariisa panyaŋga dzeartari, akaɗurura ropa mujiŋga meartari;

¹⁰asi mafuta, netȿo, namafuta akaŋga ari pamsoro peciropa cecipiriso ceɀiʋi, wakaɀipisa pamsoro peartari, seɀakaŋga ɀarairwa Mosesi naJehova.

¹¹Nyama neɗebge akaɀipisa nomŋoto kunze kwemisasa.

¹²Akaɓaya cipiriso cinopiswa; ʋanakomana ʋaAroni ʋakamugamucidza ropa, iye akarisasa pamsoro peartari kunhiʋi dzose.

¹³Ipapo ʋakamugamucidza ʋo cipiriso cinopiswa, nhindi imŋe neimŋe, nomusoro, akaɀipisa pamsoro pecipiriso cinopiswa pamsoro peartari.

¹⁴Akasuka ʋura namakumbo, akaɀipisa pamsoro peartari.

¹⁵Ipapo akaʋuya necipo caʋanhu, akatora mbudzi yecipiriso ceɀiʋi, caiʋa caʋanhu, akaiɓaya, akaiɓayira ɀiʋi, seyokutaŋga.

¹⁶Ipapo akaʋuya necipiriso cinopiswa, akaciɓayira seɀakaŋga ɀarairwa.

¹⁷Akaʋuya ʋo necipiriso coʋupfu, akatsamura’po tsama yake, ndokucipisira pamsoro peartari, aciwedzera pacipiriso cinopiswa camaŋgwanani.

¹⁸Akaɓaya ʋo nzombe negondobge, kuti ciʋe ciɓayiro ceɀipiriso ɀokuyananisira ʋanhu; ʋanakomana ʋaAroni ʋakamugamucidza ropa, akarisasa pamsoro peartari kunhiʋi dzose;

¹⁹namafuta enzombe, neegondobge, neɓemhe, namafuta anofukidza ʋura, netȿo, namafuta anofukidza ciropa;

²⁰akaisa mafuta pamsoro pecityu, akapisa mafuta pamsoro peartari;

²¹Aroni akazuŋguzira ɀityu neɓandauko rorudyi, kuti ciʋe cipiriso cinozuŋguzirwa pamberi paJehova, seɀakaŋga ɀarairwa naMosesi.

²²Ɀino Aroni wakasimudzira maʋoko ake kuʋanhu, akaʋaropafadza; akaɓuruka, apedza kuɓayira cipiriso ceɀiʋi, necipiriso cinopiswa, neɀiɓayiro ɀokuyananisa naɀo.

²³Mosesi naAroni ʋakapinda mutente rokusoŋgana, ʋakaɓuɗa ɀe, ʋakaropafadza ʋanhu; kubginya kwaJehova kukaʋonekwa naʋanhu ʋose.

²⁴Ipapo mŋoto wakaɓuɗa pamberi paJehova, ukapisa cipiriso cinopiswa namafuta pamsoro peartari; ʋanhu ʋose ʋakati ʋaciɀiʋona ʋakaɗanidzira, ʋakawira pasi neɀiso ɀaʋo.