Read Original Shona Union Bible 1949 Baiberi Magwaro Matȿene aMŋari Jeremia 10 Bible Online

Jeremia 10 - Original Shona Union Bible 1949 Baiberi Magwaro Matȿene aMŋari bible

Jeremia 10

¹Inzwai shoko rinotaura Jehova kwamuri, imi imba yaIsraeri:

²Ɀanzi naJehova: Regai kudzidza tsika dzamarudzi aʋanhu, musavunduswa neɀiratidzo ɀokuɗeŋga; nokuti marudzi aʋanhu anovunduswa naɀo.

³Nokuti tsika dzaʋanhu hadzinamaturo; nokuti mumŋe unotema muti muɗondo, riri ɓasa ramaʋoko omunhu unoʋeza neɗemo.

⁴Ʋanoushoŋgedza nesirveri nendarama, ʋanouroʋera nembambo nenyundo, kuti urege kuzunuŋguka.

⁵Ɀakafanana nembiru dzakaʋezwa, dzisiŋgatauri; ɀinofanira kutakurwa, nokuti haɀigoni kufamba. Musaɀitya, nokuti haɀigoni kuita ɀakaipa, kunyaŋge kuita ɀakanaka, haɀigoni.

⁶Hakuna‐wakafanana nemi Jehova; imi muri mukuru, zita renyu iguru nesimba raro.

⁷Ndianiko uŋgarega kukutyai, imi Mambo wamarudzi aʋanhu? Nokuti makafanira iɀoɀi; nokuti pakati paʋakacenjera ʋose ʋamarudzi aʋanhu, napaʋushe bgaʋo bgose, hakuna‐wakafanana nemi.

⁸Asi ʋose pamŋe cete haʋanenjere, mapenzi; dzidzo yeɀifananidzo iɗanda ɀaro.

⁹Isirveri yakapfurwa ikaita ɓape, yakatorwa Tarshishi, nendarama inobva Ufazi, riri ɓasa remhizha neramaʋoko omupfuri wendarama; ɀakafukidzwa ŋguʋo dzemiceka mitema nemitȿuku; ɀose iɓasa raʋanhu ʋenjere.

¹⁰Asi Jehova ndiye Mŋari waɀokwaɗi; ndiye Mŋari mupenyu, naMambo wokusiŋgaperi; kana iye atsamŋa nyika inoɗeɗera, marudzi aʋanhu haagoni kumira pahasha dzake.

¹¹Itiyi kwaʋari: Ʋamŋari ʋasina‐kuita ɗeŋga nenyika, ndiʋo ʋacapera panyika napasi peɗeŋga rose.

¹²Ndiye wakaita nyika nesimba rake, wakateya nyika noʋucenjeri bgake, wakatatamura ɗeŋga rose nenjere dzake.

¹³Kana aciɓuɗisa inzwi rake, kunomubvumo wemvura zhinji kuɗeŋga; unokwidza makore pamigumo yenyika, unoita mheni kuʋuyisa mvura, unoɓuɗisa mhepo panoʋigwa fuma yake.

¹⁴Munhu mumŋe nomumŋe waʋa usinenjere, haaneziʋo; mupfuri mumŋe nomumŋe wendarama unonyadziswa necifananidzo cake caakaʋeza, nokuti cifananidzo cake caakaʋumba, ndecenhema; hakunomŋeya maɀiri.

¹⁵Haɀinamaturo, iɓasa rinonyeŋgera; paŋguʋa yokurobga kwaɀo ɀicapera.

¹⁶Mugoʋe waJakobo haufanani naiɀoɀo, nokuti ndiye muʋumbi waɀose; Israeri ndirwo rudzi rwenhaka yake; Jehova wehondo ndiro zita rake.

¹⁷Ʋuŋganidza nhumbi dzako, ubve panyika, iwe unogara wakakombga.

¹⁸Nokuti ɀanzi naJehova: Tarirai, ŋguʋa ino ndicaposhera kure ʋanhu ʋagere munyika ino, ndicaʋamanikidza, kuti ʋawanikwe.

¹⁹Ndinenhamo nokuɗa kwokurwadziwa kwaŋgu! Ʋaŋga raŋgu rakaipa kwaɀo; asi ndakati: Ɀirokwaɀo ndibgo ʋurwere bgaŋgu, ndinofanira kuʋutakura haŋgu.

²⁰Tente raŋgu rakaputswa, mabote aŋgu ose akaɗamburwa; ʋana ʋaŋgu ʋabva kwandiri, haʋaciri’po; hakucina‐uŋgatatamura tente raŋgu, kana kumisa ɀe miceka yetente raŋgu.

²¹Nokuti ʋafudzi ʋaʋa ʋasinenjere, haʋana‐kubvunza Jehova; naiɀoɀo haʋana‐kuzofara, namapoka aʋo ose akapararira.

²²Inzwai, mukurumbira! Tarirai, ɓope guru rinoʋuya ricibva kunyika yokumsoro, kushandura maguta aJuda aʋe matoŋgo, panogara makaʋa.

²³Haiwa, Jehova, ndinoziʋa kuti nzira yomunhu haizi yake amene; munhu, unofamba, haagoni kururamisa nhano dzake.

²⁴Haiwa, Jehova, ndiraŋgei henyu, asi muite nokururama; musaɀiita nokutsamŋa kwenyu, kuti murege kundipedza cose.

²⁵Ƌururirai kutsamŋa kwenyu pamsoro pamarudzi aʋanhu ʋasiŋgakuziʋiyi, napamsoro pamarudzi asiŋgaɗani zita renyu; nokuti ʋakadya Jakobo, ɀirokwaɀo, ʋakamudya nokumupedza, ʋakaparadza ʋugaro bgake.