Read Original Shona Union Bible 1949 Baiberi Magwaro Matȿene aMŋari Jeremia 11 Bible Online

Jeremia 11 - Original Shona Union Bible 1949 Baiberi Magwaro Matȿene aMŋari bible

Jeremia 11

¹Shoko rakaʋuya kunaJeremia, ricibva kunaJehova, riciti:

²Inzwai mashoko esuŋgano iyi, mutaure naʋanhu ʋaJuda, naʋagere Jerusarema,

³uti kwaʋari: Ɀanzi naJehova, Mŋari waIsraeri: Munhu usiŋganzwi mashoko esuŋgano iyi, ŋgaatukwe,

⁴aya andakaraira madziɓaɓa enyu nezuʋa randakaʋaɓuɗisa munyika yeEgipita, mucoto camatare, ndiciti: Tererai inzwi raŋgu, muɀiite ɀose seɀandakakurairai; ipapo mucaʋa ʋanhu ʋaŋgu, neni ndicaʋa Mŋari wenyu;

⁵kuti ndisimbise kupika kwandakapikira madziɓaɓa enyu, kuti ndicaʋapa nyika inoyerera mukaka noʋuci, seɀaɀakaita zuʋa ranhasi. Ipapo ndakapindura, ndikati: Ameni, Jehova!

⁶Ɀino Jehova akati kwandiri: Paridza mashoko awa ose pamaguta aJuda, napanzira dzomuJerusarema, uciti: Inzwai mashoko esuŋgano iyi, muaite.

⁷Nokuti ndakarairira madziɓaɓa enyu kwaɀo nezuʋa randakaʋaɓuɗisa munyika yeEgipita, kuȿikira zuʋa ranhasi, ndicifumira maŋgwanani, ndicirairira, ndiciti: Tererai inzwi raŋgu.

⁸Asi haʋana‐kuterera, kana kurerekera nzeʋe dzaʋo, asi mumŋe nomumŋe waʋo wakaramba acifamba noʋukukutu bgomŋoyo wake wakaipa; naiɀoɀo ndakaʋuyisa pamsoro paʋo mashoko ose esuŋgano iyi, andakaʋaraira kuti ʋaaite, asi haʋana‐kuaita.

⁹Ɀino Jehova akati kwandiri: Raŋgano yakaipa yawanikwa pakati paʋanhu ʋaJuda, napakati paʋagere Jerusarema.

¹⁰Ʋakadzokera kuneɀakaipa ɀamadziteteguru aʋo, akaramba kunzwa mashoko aŋgu, ʋakateʋera ʋamŋe ʋamŋari kuti ʋaʋashumire; imba yaIsraeri neimba yaJuda ʋakaputsa suŋgano yaŋgu yandakaita namadziɓaɓa aʋo.

¹¹Naiɀoɀo ɀanzi naJehova: Tarirai, ndicaʋuyisa ɀakaipa pamsoro paʋo, ɀaʋasiŋgagoni kutiza; ʋacaɗanidzira kwandiri, asi handiŋgaʋanzwi.

¹²Ipapo ʋamaguta aJuda naʋagere Jerusarema, ʋacandoɗanidzira kunaʋamŋari ʋaʋanopisira ɀinonhuwira; asi haʋaŋgatoŋgoʋaponesi paŋguʋa yokutambudzika kwaʋo.

¹³Nokuti iwe Juda, kuwanda kwaʋamŋari ʋako kwakafanana nokuwanda kwamaguta ako; ʋuye makaʋakira cinhu cinonyadzisa maartari, iwo maartari okupisira Baari ɀinonhuwira, akawanda senzira dzomuJerusarema.

¹⁴Saka iwe usanyeŋgeterera ʋanhu aʋa, kana kuɗana nokuɗa kwaʋo nenzwi rako kana munyeŋgetero wako; nokuti handiŋgaʋanzwi neŋguʋa yaʋanoɗanidzira kwandiri nokuɗa kwokutambudzika kwaʋo.

¹⁵Muɗikanwa waŋgu unotȿakeiko mumba maŋgu, ɀaakaita ɀinonyaŋgadza naʋazhinji? Mhiko nenyama tȿene ɀiŋgabvisa njodzi yako here? Ipapo uŋgafara kwaɀo.

¹⁶Jehova wakakutumidza zita rinonzi, Muorivi mutema, wakanaka neɀiɓereko ɀakanaka; asi wakazoʋesa mŋoto pamsoro pawo nomubvumo weɓope guru, mataʋi awo akavuniwa.

¹⁷Nokuti Jehova wehondo, iye wakakusima, wakareʋa ɀakaipa pamsoro pako, nokuɗa kweɀakaipa ɀeimba yaIsraeri, neimba yaJuda, ɀaʋakaita ʋacinditsamŋisa nokupisira kwaʋo Baari ɀinonhuwira.

¹⁸Jehova wakandiziʋisa iɀoɀo, ndikaɀiziʋa; ipapo mukandiratidza ɀaʋanoita.

¹⁹Asi ini ndakaŋga ndakafanana negwaiana nyoro rinoiswa kundoɓayiwa; ndakaŋga ndisiŋgaziʋi kuti ʋakaŋga ʋaraŋgana mano akaipa pamsoro paŋgu, ʋaciti: Ŋgatiparadze muti pamŋe cete neɀiɓereko ɀawo, ŋgatimubvise cose panyika yaʋapenyu, zita rake rirege kuzoraŋgarirwa.

²⁰Asi imi Jehova wehondo, imi munotoŋga ɀakarurama, munoidza itȿo nomŋoyo, ndicaʋona kutsiʋa kwenyu kwaʋari, nokuti ndakakuzarurirai mhaka yaŋgu.

²¹Naiɀoɀo ɀanzi naJehova pamsoro paʋanhu ʋeAnatoti, ʋanotȿaka kukuʋuraya, ʋaciti: Haufaniri kuprofita nezita raJehova, kuti urege kuʋurawa namaʋoko eɗu;

²²naiɀoɀo ɀanzi naJehova wehondo: Tarirai, ndicaʋaroʋa; majaya acaʋurawa nomunondo, ʋanakomana ʋaʋo naʋanasikana ʋaʋo ʋacaʋurawa nenzara;

²³haʋaŋgasarirwi naʋanhu, nokuti ndicaʋuyisa ɀakaipa pamsoro paʋanhu ʋeAnatoti pagore rokurobga kwaʋo.