Read Original Shona Union Bible 1949 Baiberi Magwaro Matȿene aMŋari Jeremia 12 Bible Online

Jeremia 12 - Original Shona Union Bible 1949 Baiberi Magwaro Matȿene aMŋari bible

Jeremia 12

¹Imi Jehova, makarurama kana ndicikakaʋara nemi; kunyaŋge ɀakaɗaro ndinoɗa kutaurirana nemi pamsoro pokururamisa kwenyu: Nzira yaʋakaipa inomufaro neiko? Ʋanoita nokunyeŋgera ʋanogarireiko ʋose ʋanorugare?

²Imi makaʋasima, ɀirokwaɀo midzi yaʋo yakaɓata; ʋanokura, ɀirokwaɀo ʋanoɓereka ɀiɓereko; imi muri pedyo nemiromo yaʋo, asi muri kure nemŋoyo yaʋo.

³Asi imi Jehova munondiziʋa; munondiʋona, munoidza mŋoyo waŋgu kuti wakaɗini kwamuri; muʋakweʋe samakwai anondoɓayiwa, muʋagadzirire zuʋa rokuɓayiwa.

⁴Nyika icacema, nemiriʋo yenyika yose icaȿaʋa kuȿikira riniko? Mhuka neshiri ɀinopedzwa nokuɗa kweɀakaipa ɀaʋagere’mo, nokuti ʋakati: Haaŋgaʋoni kuguma kweɗu.

⁵Kana uciŋge wakamhanya naʋanofamba namakumbo, ukaneta, uŋgagona seiko kuʋiʋana namabiza? Kana uciŋge wakagara ɀakanaka panyika yorugare, uŋgaita seiko pamatenhere aJoridani?

⁶Nokuti naidzo hama dzako naʋeimba yaɓaɓa ʋako ʋakaita nokunyeŋgera kwauri; naiʋo ʋakaɗanidzira kwauri, usaʋatenda, kunyaŋge ʋacitaura mashoko akanaka newe.

⁷Ndasiya imba yaŋgu, ndarasha nhaka yaŋgu; ndaisa muɗikanwa womŋoyo waŋgu mumaʋoko aʋaʋeŋgi ʋake.

⁸Nhaka yaŋgu yaʋa kwandiri seshumba iri muɗondo; yakandiʋombera, saka ndakaiʋeŋga.

⁹Ko nhaka yaŋgu yaʋa kwandiri segondo rinamaʋara here? Makondo akaikomba kumatiʋi ose here? Endai mundokokera ɀikara ɀose ɀokusaŋgo, muʋuye naɀo ɀidye.

¹⁰Ʋafudzi ʋazhinji ʋakaparadza munda waŋgu wemizambiriŋga, ʋakatsika mugoʋe waŋgu namakumbo aʋo, ʋakaita mugoʋe waŋgu unoɗikanwa riʋe renje risinecinhu.

¹¹Ʋakauita ɗoŋgo; unocema kwandiri, ɀawakaitwa ɗoŋgo; nyika yose yakaitwa ɗoŋgo, nokuti hakunomunhu unehanya nayo.

¹²Ʋaparadzi ʋakaȿika paɀikomo ɀose ɀisinemiti murenje; nokuti munondo waJehova unopedza kubva kumugumo mumŋe wenyika kuȿikira kunomumŋe mugumo wenyika; hakunenyama inorugare.

¹³Ʋakakusha ɀiyo, asi ʋakaceka minzwa; ʋakaɀitambudza, asi haʋana‐kuwana cinhu; mucanyadziswa pamsoro peɀiɓereko ɀeminda yenyu, nokuɗa kwokutsamŋa kukuru kwaJehova.

¹⁴Ɀanzi naJehova pamsoro poʋokwaŋgu ʋose ʋakaipa ʋanopamba nhaka yandakagarisa ʋanhu ʋaŋgu ʋaIsraeri: Tarirai, ndicaʋadzura panyika yaʋo, ndicadzura ʋeimba yaJuda pakati paʋo.

¹⁵Ɀino kana ndaʋadzura, ndicadzoka, ndikaʋanzwira tsitsi, ndicaʋadzosera mumŋe nomumŋe kunhaka yake, nomumŋe nomumŋe kunyika yake.

¹⁶Ɀino kana ʋacidzidza ɀakanaka tsika dzaʋanhu ʋaŋgu, kupika nezita raŋgu, ʋaciti: NaJehova mupenyu, seɀaʋakadzidzisa ʋanhu ʋaŋgu kupika naBaari, ipapo ʋacaʋakiswa pakati paʋanhu ʋaŋgu.

¹⁷Asi kana ʋasiŋganzwi, ndicadzura rudzi urwo, ndicarudzura nokuruparadza — ndiɀo ɀinotaura Jehova.