Read Original Shona Union Bible 1949 Baiberi Magwaro Matȿene aMŋari Jeremia 15 Bible Online

Jeremia 15 - Original Shona Union Bible 1949 Baiberi Magwaro Matȿene aMŋari bible

Jeremia 15

¹Ipapo Jehova akati kwandiri: Kunyaŋge Mosesi naSamueri ʋamire pamberi paŋgu, mŋoyo waŋgu hauŋgaʋi nehanya naʋanhu aʋa; uʋadziŋge pamberi paŋgu, ʋaende.

²Ɀino kana ʋakati kwauri: Ticaendepiko? Uti kwaʋari: Ɀanzi naJehova: Ʋakafanirwa norufu ŋgaʋaende kurufu, ʋakafanirwa nomunondo, kumunondo, ʋakafanirwa nenzara, kunzara, naʋakafanirwa nokutapxa, kukutapxa.

³Ndicaʋatumira njodzi dzamarudzi manna — ndiɀo ɀinotaura Jehova — munondo kuʋaʋuraya, nembga kuʋakwekweredza, neshiri dzokuɗeŋga neɀikara ɀenyika kuʋadya nokuʋaparadza.

⁴Ndicaʋadzuŋgaidza pakati poʋushe bgenyika, nemhaka yaManase, mŋanakomana waHezekia, mambo waJuda, pamsoro peɀaakaita paJerusarema.

⁵Nokuti ndiani ucakunzwira tsitsi, iwe Jerusarema? Ndiani ucakucema? Ndianiko ucatsauka kuzobvunza mufaro wako?

⁶Ɀanzi naJehova: Wakandiramba, wakadzokera shure; saka ndakatambanudzira ruʋoko rwaŋgu kurwa newe, ndikakuparadza; ndaneta nokuɀiɗemba.

⁷Ndakaʋarudza necokurudza pamasuʋo enyika; ndakaʋatorera ʋana ʋaʋo, ndakaparadza ʋanhu ʋaŋgu; asi haʋana‐kudzoka panzira dzaʋo.

⁸Cirikadzi dzaʋo dzandiwandira kupfuʋura jeca reguŋgwa; ndakaʋuyisira mai namajaya muparadzi paŋguʋa yamasikati; ndakawisira mai kamŋe‐kamŋe kurwadziwa neɀinotyisa.

⁹Iye, wakaɓereka ʋanomŋe, wapera simba, waɓuɗisa mŋeya wake; zuʋa rake rakaʋira aciri masikati; wakanyadziswa nokukaŋganiswa; ʋakasara ʋaʋo ndicaʋaʋurayisa nomunondo pamberi paʋaʋeŋgi ʋaʋo — ndiɀo ɀinotaura Jehova.

¹⁰Ndinenhamo mai ʋaŋgu, ɀamakandiɓereka ndiʋe munhu wenharo nomunhu wegakaʋa panyika yose! Handina‐kupa cikwerete, naʋanhu haʋana‐kutora cikwerete kwandiri; kunyaŋge ɀakaɗaro ʋanondituka ʋose.

¹¹Jehova akati: Ɀirokwaɀo, ndicakusimbisira ɀakanaka; ɀirokwaɀo, ndicanyeŋgeteresa muʋeŋgi wako kwauri neŋguʋa yeɀakaipa, ʋuye neŋguʋa yokutambudzika.

¹²Ko ɗare riŋgavuniwa here, iro ɗare rinobva kurutiʋi rwokumsoro, kana ndarira here?

¹³Nhumbi dzako nefuma yako ndicaɀiisa kukutapxa, ɀisiŋgateŋgwi, nokuɗa kweɀiʋi ɀako ɀose pamiganho yako yose.

¹⁴Ndicakuendisa naʋaʋeŋgi ʋako kunyika yausiŋgaziʋi; nokuti mŋoto wakaɓatidzwa nokutsamŋa kwaŋgu, ucapfuta pamsoro penyu.

¹⁵Haiwa Jehova, imi munoziʋa; ndiraŋgarirei, mundishanyire, munditsiʋire ʋatambudzi ʋaŋgu; musandibvisa pakuitira kwenyu ʋamŋe mŋoyo murefu; ziʋai kuti ndakatukwa nokuɗa kwenyu.

¹⁶Mashoko enyu akawanikwa, ndikaadya; mashoko enyu akaʋa mufaro waŋgu nokufadzwa kwomŋoyo waŋgu; nokuti ndakatumidzwa nezita renyu, imi Jehova, Mŋari wehondo.

¹⁷Handina‐kugara pakati peʋuŋgano yaʋanoseka, kana kufara naʋo; ndakagara ndiri ndoga nokuɗa kworuʋoko rwenyu, nokuti makandizadza nokutsamŋa kwenyu.

¹⁸Kurwadziwa kwaŋgu kunorambireiko kuri’po nokusiŋgaperi, ʋaŋga raŋgu rinorambirei kurapxa, risiŋgaɗi kupora? Mucaʋa kwandiri ɀirokwaɀo sorukoʋa runonyeŋgera, semvura inopxa here?

¹⁹Saka ɀanzi naJehova: Kana ukadzoka, ndicakudzosa, kuti umire pamberi paŋgu; kana ukatsaura ɀakanaka uciɀibvisa paneɀakaipa, ucaʋa somuromo waŋgu; iʋo ʋacadzokera kwauri, asi iwe usadzokera kwaʋari.

²⁰Ndicakuita kunaʋanhu aʋa ruȿiŋgo rwendarira rwakasimbiswa; ʋacarwa newe asi haʋaŋgakukundi, nokuti ini ndinewe ndikuponese nokukurwira.

²¹Ndicakurwira pamaʋoko aʋakaipa, nokukudzikinura pamaʋoko aʋanotyisa.