Read Original Shona Union Bible 1949 Baiberi Magwaro Matȿene aMŋari Jeremia 18 Bible Online

Jeremia 18 - Original Shona Union Bible 1949 Baiberi Magwaro Matȿene aMŋari bible

Jeremia 18

¹Shoko rakaʋuya kunaJeremia, ricibva kunaJehova, riciti:

²Simuka, uɓurukire kuimba yomuʋumbi wehari, ipapo ndicakuziʋisa mashoko aŋgu.

³Ɀino ndakaɓurukira kuimba yomuʋumbi wehari, ndikamuwana aciɓate‐ɓasa pamakuyo.

⁴Ɀino mudziyo waakaŋga aciita nevu wakati washatiswa mumaʋoko omuʋumbi, akaʋumba ɀe naro mumŋe mudziyo, seɀaakafuŋga iye muʋumbi wehari.

⁵Ipapo shoko raJehova rakaʋuya kwandiri riciti:

⁶Ɀanzi naJehova: Nhai, imi imba yaIsraeri, handiŋgagoni kuita nemi seɀinoita muʋumbi uyu wehari here? Tarirai, ivu seɀarakaita muruʋoko rwomuʋumbi wehari, ndiɀo ɀamakaita muruʋoko rwaŋgu, imi imba yaIsraeri.

⁷Neŋguʋa yandicataura pamsoro porudzi rwaʋanhu, napamsoro poʋushe, kuti ndicarudzura, nokuruputsa, nokuruparadza;

⁸kana rudzi urwo, rwandakataura ɀinhu iɀi pamsoro parwo, rukaɀidzora paɀakaipa ɀarwo, ini ndicaɀiɗemba pamsoro peɀakaipa ɀandakafuŋga kuʋaitira.

⁹Ʋuye neŋguʋa yandicataura pamsoro porudzi rwaʋanhu, napamsoro poʋushe, kuti ndicaruʋaka nokurusima;

¹⁰kana ʋakaita ɀinhu ɀakaipa pamberi paŋgu, ʋakasaterera inzwi raŋgu, ipapo ndicaɀiɗemba pamsoro peɀakanaka ɀandakaŋga ndiciti ndicaʋaitira.

¹¹Naiɀoɀo ɀino, taura naʋanhu ʋaJuda naʋagere Jerusarema, uti: Ɀanzi naJehova: Tarirai, ndinokufuŋgirai ɀakaipa, ndinoraŋgana mano akaipa pamsoro penyu; ɀino dzokai mumŋe nomumŋe panzira yake yakaipa, mugadzire nzira dzenyu namaɓasa enyu.

¹²Asi iʋo ʋanoti: Haɀinamaturo, nokuti ticafamba seɀatinofuŋga, mumŋe nomumŋe weɗu ucaita noʋukukutu bgomŋoyo wake wakaipa.

¹³Naiɀoɀo ɀanzi naJehova: Ɀino bvunzai pakati pamarudzi, kuti ndiani wakambonzwa ɀakaɗai; mhandara yaIsraeri yakaita cinhu cakaipa kwaɀo.

¹⁴Ko cando cakacena capaRebanoni ciŋgashaikwa paɗombo rokusaŋgo here? Mvura inotonhora, inoyerera icibva kure, iŋgapxa here?

¹⁵Nokuti ʋanhu ʋaŋgu ʋakandikaŋganwa, ʋakapisira ʋamŋari ʋenhema ɀinonhuwira; iʋo ʋakagumbuswa panzira dzaʋo, pamakwara akare‐kare, kuti ʋafambe nenzira dzinotsauka, panzira isina‐kugadzirwa;

¹⁶kuti ʋaite nyika yaʋo cishamiso necinoridzirwa murudzi nokusiŋgaperi; mumŋe nomumŋe unopfuʋura’po ucashamiswa, nokudzuŋgudza musoro wake.

¹⁷Ndicaʋaparadzira pamberi paʋaʋeŋgi ʋaʋo seɀinoita mhepo inobva kumabvazuʋa; ndicaʋafuratira, handiŋgaʋatariri neciso, nezuʋa rokutambudzika kwaʋo.

¹⁸Ipapo ʋakati: Ʋuyai, tiraŋgane mano akaipa pamsoro paJeremia; nokuti murairo hauŋgashaikwi kumuprista, kana kurairira kunowakacenjera, kana shoko kumuprofita. Ʋuyai, timuroʋe norurimi, tirege kuʋa nehanya nerimŋe ramashoko ake.

¹⁹Jehova, nditererei, munzwe inzwi raʋanokakaʋara neni.

²⁰Ɀakaipa ɀiŋgatsibga neɀakanaka here? Nokuti ʋakacerera mŋeya waŋgu gomba. Raŋgarirai kumira kwaŋgu pamberi penyu kuti ndiʋareʋerere ɀakanaka, kuti nditsause kutsamŋa kwenyu kwaʋari.

²¹Saka sundirai ʋana ʋaʋo panzara, muʋaregere pasimba romunondo; ʋakadzi ʋaʋo ŋgaʋatorerwe ʋana ʋaʋo, ʋaʋe cirikadzi; ʋarume ʋaʋo ŋgaʋaʋurawe norufu, namajaya aʋo aʋurawe nomunondo pakurwa.

²²Kucema ŋgakunzwike padzimba dzaʋo, kana muciʋaʋuyisira kamŋe‐kamŋe ɓoka raʋarwi; nokuti ʋakacera gomba, kuti ʋandiɓate; ʋakaʋanzira tsoka dzaŋgu misuŋgo.

²³Asi imi Jehova munoziʋa mano aʋo ose aʋakaɗa kundiʋuraya nawo; musaʋakaŋganwira ɀakaipa ɀaʋo, kana kudzima ɀiʋi ɀaʋo pamberi penyu; asi ŋgaʋawisirwe pasi pamberi penyu; muʋaitire ɀamunoɗa neŋguʋa yokutsamŋa kwenyu.