Read Original Shona Union Bible 1949 Baiberi Magwaro Matȿene aMŋari Jeremia 20 Bible Online

Jeremia 20 - Original Shona Union Bible 1949 Baiberi Magwaro Matȿene aMŋari bible

Jeremia 20

¹Ɀino Pashuri, mŋanakomana womuprista Imeri, mutariri mukuru mumba maJehova, wakanzwa Jeremia aciprofita ɀinhu iɀi.

²Ipapo Pashuri wakaroʋa muprofita Jeremia, akamusuŋga mumatanda aiʋa pasuʋo rokumsoro raBenjamini, raiʋa mumba maJehova.

³Ɀino fume maŋgwanani Pashuri akasunuŋgura Jeremia pamatanda. Ipapo Jeremia akati kwaari: Jehova haanakukutumidza zita rinonzi Pashuri, asi rinonzi Magori‐misabibi.

⁴Nokuti ɀanzi naJehova: Tarira, ndinokuita cinhu cinotyisa, cicakutyisa iwe umene neshamŋari dzako dzose; ʋacaparadzwa nomunondo waʋaʋeŋgi ʋaʋo, meso ako acaɀiʋona; ndicaisa Juda rose mumaʋoko amambo weBabironi, iye ucaʋatapira Babironi, nokuʋaʋuraya nomunondo.

⁵Ʋuye ɀe, ndicaisa fuma yose yeguta rino, neɀose ɀaʋakawana, neɀose ɀaʋo ɀinokosha, ɀirokwaɀo, nefuma yose yamadzimambo aJuda, ndicaɀiisa mumaʋoko aʋaʋeŋgi ʋaʋo; iʋo ʋacaʋapamba, nokuʋatapa, nokuenda naʋo Babironi.

⁶Newe Pashuri, naʋose ʋagere mumba mako, mucatapxa; iwe ucandoȿika Babironi, ucandofira’po, nokuʋigwa’po, iwe neshamŋari dzako dzose, dzawaiprofitera nhema.

⁷Imi Jehova makandigombedzera, ndikagombedzerwa; imi munesimba kupfuʋureni, mukakunda; ndakaitwa cinhu cinosekwa zuʋa rose, mumŋe nomumŋe unondiseka.

⁸Nokuti ndinoti kana ndotaura, ndoɗanidzira; ndinoɗanidzira, ndiciti: Ɀinoitwa nesimba nokuparadza! nokuti shoko raJehova rakaitwa kwandiri cinhu cinoshoʋorwa, necinhu cinosekwa zuʋa rose.

⁹Kana ndiciti: Handicamuraŋgariri, kana kutaura nezita rake, ipapo mumŋoyo maŋgu maʋa somŋoto unopfuta, wakapfigirwa mumafupa aŋgu; ndaneta nokutsuŋgirira, handicagoni.

¹⁰Nokuti ndakanzwa makuhwa aʋazhinji, ɀinotyisa pamatiʋi ose. Pomerai, isu tigomupomera, ndiɀo ɀinotaura shamŋari dzaŋgu dzose dzinoɗikanwa neni, ʋanotarira kuparadzwa kwaŋgu; ɀimŋe ucanyeŋgerwa, tikamukunda, tikaɀitsiʋira kwaari.

¹¹Asi Jehova uneni semhare inotyisa; saka ʋamanikidzi ʋaŋgu ʋacagumburwa, haʋaŋgakundi; ʋacanyadziswa kwaɀo, nokuti haʋana‐kuita noʋucenjeri, nokunyadzwa kusiŋgaperi, kusiŋgazokaŋganikwi.

¹²Asi imi Jehova wehondo, imi, munoidza ʋakarurama, munoʋona itȿo nomŋoyo, ŋgandiʋone kutsiʋa kwenyu kwaʋari; nokuti ndakakuzarurirai imi mhaka yaŋgu.

¹³Imbirai Jehova, rumbidzai Jehova; nokuti wakarwira mŋeya wounoshaiwa pamaʋoko aʋaiti ʋeɀakaipa.

¹⁴Zuʋa randaɓerekwa naro ŋgaritukwe; zuʋa randakaɓerekwa namai ʋaŋgu ŋgarirege kuropafadzwa.

¹⁵Munhu ŋgaatukwe wakaziʋisa ɓaɓa ʋaŋgu shoko rokuti: Maɓerekerwa mŋanakomana, akaʋafadza kwaɀo.

¹⁶Munhu uyo ŋgaaʋe samaguta akaparadzwa naJehova, akasaɀiɗemba; ŋgaanwe kucema maŋgwanani nemhere paŋguʋa yamasikati;

¹⁷ɀaakarega kundiʋuraya ndiciri muciɀaro; saiɀoɀo mai ʋaŋgu ʋaŋgaɗai ʋaiʋa bgiro bgaŋgu, ʋairamba ʋanemimba.

¹⁸Ndakaɓuɗireiko paciɀaro, kuti ndiʋone kutambudzika nokucema, kuti mazuʋa aŋgu apere nokunyadziswa?