Read Original Shona Union Bible 1949 Baiberi Magwaro Matȿene aMŋari Jeremia 21 Bible Online

Jeremia 21 - Original Shona Union Bible 1949 Baiberi Magwaro Matȿene aMŋari bible

Jeremia 21

¹Shoko, rakaʋuya kunaJeremia, ricibva kunaJehova, paŋguʋa yakatuma mambo Zedekia kwaari Pashuri mŋanakomana waMarkija, naZefania mŋanakomana waMaaseya muprista, aciti:

²ɗotibvunzirai ʋo kunaJehova, nokuti Nebukadrezari mambo weBabironi worwa nesu; ɀimŋe Jehova uŋgatiitira cishamiso cakafanana namaɓasa ake ose anoshamisa, kuti abve kwatiri.

³Ipapo Jeremia akati kwaʋari: Itiyi kunaZedekia:

⁴Ɀanzi naJehova, Mŋari waIsraeri: Tarirai, ndicadzosa nhumbi dzokurwa dziri mumaʋoko enyu, dzamunorwa nadzo namambo weBabironi naʋaKardea ʋanokukombai kunze kwamaȿiŋgo; ndicadziʋuŋganidzira mukati meguta rino.

⁵Ini ndimene ndicarwa nemi necanza cakatambanudzwa noruʋoko runesimba, nokutsamŋa nehasha, neshuŋgu kwadzo.

⁶Ndicaroʋa ʋagere muguta rino, ʋanhu neɀipfuwo ɀose; ɀicafa nehosha yakaipa.

⁷Pashure — ndiɀo ɀinotaura Jehova — ndicaisa Zedekia mambo waJuda, naʋaranda ʋake naʋanhu ʋake, iʋo ʋakasara muguta rino, ʋakapukunyuka pahosha, napamunondo, napanzara, mumaʋoko aNebukadrezari mambo weBabironi, nomumaʋoko aʋaʋeŋgi ʋaʋo, nomumaʋoko aʋanotȿaka kuʋaʋuraya; iye ucaʋaroʋa nomunondo unopinza, haaŋgaʋaregi, kana kuʋanzwira ŋgoni, kana kuʋa nenyasha naʋo.

⁸Iwe uti kuʋanhu aʋa: Ɀanzi naJehova: Tarirai, ndinoisa pamberi penyu nzira yoʋupenyu nenzira yorufu.

⁹Aninani unorambira muguta rino ucaʋurawa nomunondo nenzara nehosha; asi aninani unoɓuɗa akaenda kuʋaKardea ʋanokukombai, iye ucararama, ʋupenyu bgake ʋucaʋa kwaari cinhu caakapamba.

¹⁰Nokuti ɀanzi naJehova: Ndakarinzira guta rino ciso caŋgu kuti ndiriitire ɀakaipa, ndirege kuriitira ɀakanaka; ricaiswa mumaʋoko amambo weBabironi, iye ucaripisa nomŋoto.

¹¹Ɀino kana iri imba yamambo waJuda, inzwai shoko raJehova:

¹²Nhai imba yaDavidi — ndiɀo ɀinotaura Jehova — toŋgai ɀakarurama maŋgwanani, murwire wakaɓirwa muruʋoko rwounomumanikidza, kuti kutsamŋa kwaŋgu kurege kuɓuɗa somŋoto, kucipfuta kusina‐uŋgakudzima, nokuɗa kweɀakaipa ɀamaɓasa enyu.

¹³Tarira, ndinemhoȿa newe, iwe ugere mumupata, paɗombo romuɓani — ndiɀo ɀinotaura Jehova; imi, munoti: Ndiani uŋgaɓuruka kuzorwa nesu? Ndiani ucapinda mudzimba dzeɗu?

¹⁴Ndicakuroʋai ɀakaenzana neɀiɓereko ɀamaɓasa enyu — ndiɀo ɀinotaura Jehova; ndicaɓatidza mŋoto muɗondo raro, ucapedza ɀose ɀakaripoteredza.