Read Original Shona Union Bible 1949 Baiberi Magwaro Matȿene aMŋari Jeremia 22 Bible Online

Jeremia 22 - Original Shona Union Bible 1949 Baiberi Magwaro Matȿene aMŋari bible

Jeremia 22

¹Ɀanzi naJehova: Ƃurukira kumba kwamambo waJuda, undotaura’po shoko iri,

²uti: Inzwa shoko raJehova, iwe mambo waJuda, ugere pacigaro coʋushe caDavidi, iwe naʋaranda ʋako, naʋanhu ʋako ʋanopinda napamasuʋo awa.

³Ɀanzi naJehova: Toŋgai ɀakarurama neɀakatendeka, murwire wakaɓirwa muruʋoko rwounomumanikidza; mutorwa, nenherera, necirikadzi, regai kuʋaitira ɀisakarurama, regai kuʋaitira nesimba; ʋuye musateʋura ropa risinemhoȿa panɀimbo ino.

⁴Nokuti kana muciita cinhu ici nomŋoyo wose, pamasuʋo eimba iyi pacapinda madzimambo, acagara pacigaro coʋushe caDavidi, acifamba neŋgoro nokutaȿa mabiza, iye naʋaranda ʋake naʋanhu ʋake.

⁵Asi kana mukaramba kunzwa mashoko awa, ndinopika neni ndimene, kuti imba ino icaʋa ɗoŋgo — ndiɀo ɀinotaura Jehova.

⁶Nokuti ɀanzi naJehova pamsoro peimba yamambo waJuda: Uri Gireadi kwandiri, nomusoro weRebanoni; asi ɀirokwaɀo ndicakuita renje, namaguta asiŋgagarwi naʋanhu.

⁷Ndicakugadzirira ʋaparadzi, mumŋe nomumŋe anenhumbi dzake dzokurwa; ʋacatema misidari yenyu inoɗikanwa, ʋaciikandira mumŋoto.

⁸Marudzi mazhinji aʋanhu acapfuʋura napaguta rino, mumŋe nomumŋe ucati kunowokwake: Jehova wakaitireiko guta rino guru ɀakaɗaro?

⁹Ipapo ʋacapindura, ʋaciti: Nokuti ʋakasiya suŋgano yaJehova, Mŋari waʋo, ʋakanamata ʋamŋe ʋamŋari, ʋaciʋashumira.

¹⁰Musacema wakafa, kana kumuwuŋgudzira; asi muceme kwaɀo iye unoenda, nokuti haaŋgadzoki ɀe, kana kuʋona ɀe nyika yake yaakaɓerekerwa.

¹¹Nokuti ɀanzi naJehova pamsoro paSharumi, mŋanakomana waJosia, mambo waJuda, wakaɓata ʋushe panɀimbo yaɓaɓa ʋake Josia, akaɓuɗa panɀimbo ino: Iye haaŋgadzokeri’po ɀe;

¹²asi kwaakatapirwa, ndiko kwaacandofira’ko; haaŋgazoʋoni ɀe nyika ino.

¹³Unenhamo iye unoʋaka imba yake nokusarurama, namakamuri ake okumsoro aciita ɀisakarurama; unoɓatisa wokwake asiŋgamupi cinhu, asiŋgamupi muɓairo wokuɓata kwake;

¹⁴iye, unoti: Ndicaɀiʋakira imba huru namakamuri okumsoro akafara, aciɀiitira mawindi; ɀino yoitirwa ɗeŋga romusidari, icizodzwa muti mutȿuku.

¹⁵Ko uŋgaɓata ʋushe, ɀaunotȿaka kupfuʋura ʋamŋe nemisidari here? Ko ɓaɓa ʋako haʋana‐kudya nokunwa, ʋaciita ɀakarurama neɀakatendeka here? Ipapo ʋakagara nomufaro.

¹⁶Ʋaitamba mhaka dzaʋarombo naʋanoshaiwa; ipapo ʋaiʋa nomufaro. Ko iɀoɀi hakuzi kundiziʋa here? — ndiɀo ɀinotaura Jehova.

¹⁷Asi meso ako nomŋoyo wako haɀiraŋgariri ɀimŋe, asi kuciʋa kwako nokuteʋura ropa risinemhoȿa, nokumanikidza, nokuita nesimba; kuti uɀiite.

¹⁸Naiɀoɀo ɀanzi naJehova pamsoro paJehoiakimi mŋanakomana waJosia, mambo waJuda: Haʋaŋgamucemi, ʋaciti: Haiwa, munuŋuna waŋgu! Kana: Haiwa, hanɀadzi! Haʋaŋgamucemi, ʋaciti: Haiwa, ishe! Kana: Haiwa, ʋukuru bgake!

¹⁹Ucaʋigwa sokuʋigwa kwemboŋgoro, ucakweʋerwa nokurashwa kunze kwamasuʋo eJerusarema.

²⁰Kwirai Rebanoni, muɗanidzire; ɗanidzirai nenzwi renyu paBashani; ɗanidzirai muri paAbarimi; nokuti ʋaɗikani ʋenyu ʋose ʋakaparadzwa.

²¹Ndakataura newe pakufara kwako; asi iwe wakati: Handiɗi kunzwa. Ndiwo wakaŋga uri mutoʋo wako kubvira paʋuɗuku bgako, kuti hauna‐kuterera inzwi raŋgu.

²²Mhepo icaparadza ʋafudzi ʋako ʋose, naʋaɗikani ʋako ʋacatapxa; ɀirokwaɀo neŋguʋa iyo ucanyadziswa nokukaŋganiswa nokuɗa kweɀakaipa ɀako ɀose.

²³Haiwa, iwe, ugere Rebanoni, unoʋaka ɗendere rako mumisidari, ucanzwisa ʋurombo kwaɀo sei kana ucizowirwa nokurwadziwa, sokurwadziwa kwomukadzi unosurumuka!

²⁴Noʋupenyu bgaŋgu — ndiɀo ɀinotaura Jehova — kunyaŋge Konia, mŋanakomana waJehoiakimi, mambo waJuda, aiʋa cindori cokutsikisa naco paruʋoko rwaŋgu rworudyi, kunyaŋge ɀakaɗaro ndaikubvisa ’po.

²⁵Ndicakuisa muruʋoko rwaʋanotȿaka kukuʋuraya, nomuruʋoko rwaiʋo ʋaunotya, muruʋoko rwaNebukadrezari mambo weBabironi, nomumaʋoko aʋaKardea.

²⁶Iwe namai ʋako ʋakakuɓereka ndicakudziŋgirai kuneimŋe nyika kwamusina‐kuɓerekerwa; ipapo mucandofira’po.

²⁷Asi kunyika kunopaŋga mŋoyo yaʋo kudzokera, haʋaŋgadzokeri’ko.

²⁸Ko munhu uyu Konia mudziyo wakaputsika unoɀidzwa here? Iye mudziyo usiŋgafadzi munhu here? Ʋakadziŋgirweiko, iye naʋana ʋake, ʋakadziŋgirwa kunyika yaʋasiŋgaziʋi?

²⁹Iwe nyika, nyika, nyika, inzwa inzwi raJehova.

³⁰Ɀanzi naJehova: Nyora kuti munhu uyu haanaʋana, munhu usiŋgazofari pamazuʋa ake; nokuti hakucinomurume pakati paʋana ʋake ucaʋa nomufaro, ucagara pacigaro coʋushe caDavidi, aciɓata ʋushe bgaJuda.