Read Original Shona Union Bible 1949 Baiberi Magwaro Matȿene aMŋari Jeremia 23 Bible Online

Jeremia 23 - Original Shona Union Bible 1949 Baiberi Magwaro Matȿene aMŋari bible

Jeremia 23

¹Ʋanenhamo ʋafudzi ʋanoparadza nokuparadzira makwai amafuro aŋgu! ndiɀo ɀinotaura Jehova.

²Naiɀoɀo ɀanzi naJehova, Mŋari waIsraeri, pamsoro paʋafudzi ʋanofudza ʋanhu ʋaŋgu: Makaparadzira makwai aŋgu, mukaadziŋga, mukasaatarira; tarirai, ndicakuroʋai nokuɗa kweɀakaipa ɀamaɓasa enyu — ndiɀo ɀinotaura Jehova.

³Ndicaʋuŋganidza ʋakasara ʋamakwai aŋgu kunyika dzose kwandakaŋga ndaadziŋgira, ndicaadzosera kumafuro awo; acaɓerekana nokuwanda.

⁴Ndicaagadzira ʋafudzi ʋanoafudza; haaŋgazotyi kana kuvunduswa, hakuna‐nerimŋe riŋgashaikwa — ndiɀo ɀinotaura Jehova.

⁵Tarirai — ndiɀo ɀinotaura Jehova — mazuʋa acaʋuya, andicamutsira Davidi Ƃukira rakarurama, iye ucaɓata ʋushe ari mambo, ucaita noʋucenjeri acitoŋga nokururama aciita ɀakarurama panyika.

⁶Pamazuʋa ake Juda ʋacaponeswa, naIsraeri ʋacagara ʋakaceŋgetwa; zita rake raacatumidzwa ndireri: Jehova ndiye kururama kweɗu.

⁷Naiɀoɀo, tarirai, ndiɀo ɀinotaura Jehova — mazuʋa anoʋuya, aʋasiŋgazoti: NaJehova mupenyu, wakaɓuɗisa ʋana ʋaIsraeri munyika yeEgipita;

⁸asi: NaJehova mupenyu, wakaɓuɗisa rudzi rweimba yaIsraeri munyika yokumsoro, aciʋaperekedza, nomunyika dzose kwandakaŋga ndaʋadziŋgira. Iʋo ʋacagara munyika yaʋo.

⁹Kana ʋari ʋaprofita, mŋoyo waŋgu wakaputsika mukati maŋgu; mafupa aŋgu ose anozunuŋguka, ndakaita somunhu wakaɓatwa, somunhu wakundwa newaini, nokuɗa kwaJehova, ʋuye nokuɗa kwamashoko ake matȿene.

¹⁰Nokuti nyika izere nemhombge; nokuti nyika inocema nemhaka yokutuka; mafuro erenje akawoma; ɀaʋanoʋaʋarira ɀakaipa, simba raʋo harizakarurama.

¹¹Nokuti ʋaprofita naʋaprista ʋose ʋanomhura Jehova; ɀirokwaɀo, mumba maŋgu ndakawana ɀakaipa ɀaʋo — ndiɀo ɀinotaura Jehova.

¹²Naiɀoɀo nzira yaʋo icaʋa kwaʋari senɀimbo dzinotedza murima; ʋacatinhwa, ndokuwira’mo; nokuti ndicaʋaʋuyisira ɀakaipa pagore rokurobga kwaʋo — ndiɀo ɀinotaura Jehova.

¹³Ndakaʋona ʋupenzi kuʋaprofita ʋeSamaria; ʋakaprofita naBaari, ʋakarashisa ʋanhu ʋaŋgu Israeri.

¹⁴Kuʋaprofita ʋeJerusarema ndakaʋona ʋo cinhu cinonyaŋgadza: Ʋanoita ʋupombge, nokufamba nenhema; ʋanosimbisa maʋoko aʋanoita ɀakaipa, naiɀoɀo hakuna‐nomumŋe unodzoka paɀakaipa ɀake; ʋose ʋaʋa kwandiri seSodoma, naʋagere’po seGomora.

¹⁵Naiɀoɀo ɀanzi naJehova wehondo pamsoro paʋaprofita: Tarirai, ndicaʋadyisa gaʋakaʋa, ndicaʋanwisa mvura yenduru; nokuti kumhura Jehova kwakaɓuɗa kuʋaprofita ʋeJerusarema kukaenda kunyika yose.

¹⁶Ɀanzi naJehova wehondo: Regai kuterera mashoko aʋaprofita ʋanokuprofiterai; ʋanokudzidzisai ɀisinamaturo, ʋanotaura ɀaʋakaʋona pamŋoyo yaʋo, ɀisati ɀiri iɀo ɀinoɓuɗa mumuromo waJehova

¹⁷Ʋanoramba ʋaciti kunaʋanondiɀidza: Jehova wakati: Mucaʋa norugare; ʋuye kunomumŋe nomumŋe unofamba noʋukukutu bgomŋoyo wake, ʋanoti: Hakunecakaipa ciŋgakuwira.

¹⁸Nokuti ndiani wakamira paraŋgano yaJehova, akaʋona nokunzwa shoko rake? Ndiani wakaterera akanzwa shoko rake?

¹⁹Tarirai, ɗutu remhepo raJehova, iko kutsamŋa kwake, raɓuɗa, ɀirokwaɀo ɗutu recampupuri; ricamonereka pamisoro yaʋakaipa.

²⁰Kutsamŋa kwaJehova hakuŋgadzoki, kuȿikira aɀiita, apedza ndaŋgariro dzomŋoyo wake; pamazuʋa okupedzisira mucaɀinzwisisa kwaɀo.

²¹Ini handina‐kutuma ʋaprofita aʋa, kunyaŋge ɀakaɗaro ʋakamhanya; ini handina‐kutaura naʋo, kunyaŋge ɀakaɗaro ʋakaprofita.

²²Asi ɗai ʋakaŋga ʋamira paraŋgano yaŋgu, ʋaŋgaɗai ʋakanzwisa ʋanhu ʋaŋgu mashoko aŋgu, ʋakaʋadzora panzira yaʋo yakaipa, napaɀakaipa ɀamaɓasa aʋo.

²³Ko ini ndiri Mŋari uri pedyo, ndisati ndiri Mŋari uri kure here? ndiɀo ɀinotaura Jehova.

²⁴Ko munhu uri’po uŋgaʋanda panɀimbo dzisiŋgazikanwi, ini ndikasamuʋona here? — ndiɀo ɀinotaura Jehova. Ko ini handizadzi ɗeŋga nenyika here? ndiɀo ɀinotaura Jehova.

²⁵Ndakanzwa ɀakarebga naʋaprofita, ʋanoprofita nhema muzita raŋgu, ʋaciti: Ndarota hope, ndarota hope.

²⁶Ko iɀi ɀicaʋa’po pamŋoyo yaʋaprofita ʋanoprofita nhema kuȿikira rini, iʋo ʋaprofita ʋeɀinonyeŋgera ɀemŋoyo yaʋo?

²⁷Iʋo, ʋanofuŋga kukaŋganwisa ʋanhu ʋaŋgu zita raŋgu nokurota kwaʋo, kwaʋanoʋudza mumŋe nomumŋe hama yake, madziɓaɓa aʋo seɀaʋakakaŋganwa zita raŋgu no kunamata Baari.

²⁸Muprofita, wakarota, ŋgaaʋudze kurota kwake; uneshoko raŋgu, ŋgaataure shoko raŋgu nokutendeka. Mashaŋga neɀiyo ɀakaenzana pai? ndiɀo ɀinotaura Jehova.

²⁹Shoko raŋgu harina‐kufanana nomŋoto here? ndiɀo ɀinotaura Jehova; ʋuye senyundo inoputsanya ɗombo here?

³⁰Naiɀoɀo, tarirai, — ndiɀo ɀinotaura Jehova — handinoʋukama naʋaprofita, ʋanoɓa mashoko aŋgu mumŋe nomumŋe kunowokwake.

³¹Tarirai, — ndiɀo ɀinotaura Jehova — handinoʋukama naʋaprofita, ʋanoreʋa namarimi aʋo, ʋaciti: Ndiye unoɗaro.

³²Tarirai, — ndiɀo ɀinotaura Jehova — handinoʋukama naʋanoprofita kurota kwaʋo kwenhema, ʋaciʋudza ʋamŋe, ʋacirashisa ʋanhu ʋaŋgu nenhema dzaʋo ʋuye nokuɀirumbidza kwaʋo kusinamaturo; kunyaŋge ɀakaɗaro handina‐kuʋatuma, kana kuʋaraira; ʋuye haʋatoŋgoɓatsiri ʋanhu aʋa — ndiɀo ɀinotaura Jehova.

³³Ɀino kana ʋanhu aʋa, kana muprofita kana muprista, ʋakakubvunza, ʋaciti: Cireʋo caJehova ndecipiko? Ipapo uti kwaʋari: Cireʋo cei! Ini ndicakurashai — ndiɀo ɀinotaura Jehova.

³⁴Kana ari muprofita, kana muprista, kana ʋanhu, kana ʋaciti: Cireʋo caJehova; ndicaroʋa munhu uyo neimba yake.

³⁵Ndiɀo ɀamunofanira kuti, mumŋe nomumŋe kunowokwake, nomumŋe nomumŋe kuhama yake: Jehova wakapindurei? Jehova wakataurei?

³⁶Musazoti cireʋo caJehova; nokuti shoko romunhu mumŋe nomumŋe ndico cireʋo cake; nokuti makakaŋganisa mashoko aMŋari mupenyu, aJehova wehondo, Mŋari weɗu.

³⁷Uti kumuprofita: Jehova wakakupindurei? Jehova wakataurei?

³⁸Asi kana mukati: Cireʋo caJehova; ɀanzi naJehova: Ɀamunoreʋa shoko iri, muciti, cireʋo caJehova, ini ɀandakatuma shoko kwamuri ndiciti: Musati: Cireʋo caJehova;

³⁹naiɀoɀo tarirai, ndicakukaŋganwai cose, ndicakurashai kure neni, imi, neguta randakakupai imi namadziɓaɓa enyu;

⁴⁰ndicaʋuyisa pamsoro penyu kushoʋorwa kusiŋgaperi, nokunyadziswa kusiŋgaperi, ɀisiŋgazokaŋganikwi.