Read Original Shona Union Bible 1949 Baiberi Magwaro Matȿene aMŋari Jeremia 25 Bible Online

Jeremia 25 - Original Shona Union Bible 1949 Baiberi Magwaro Matȿene aMŋari bible

Jeremia 25

¹Shoko, rakaʋuya kunaJeremia pamsoro paʋanhu ʋose ʋaJuda, negore recinna raJehoiakimi, mŋanakomana waJosia, mambo waJuda; ndiro gore rokutaŋga raNebukadrezari mambo weBabironi,

²iro rakataurwa nomuprofita Jeremia kuʋanhu ʋose ʋaJuda, naʋose ʋagere Jerusarema, aciti:

³Kubva pagore regumi namatatu raJosia mŋanakomana waAmoni, mambo waʋaJuda, kuȿikira pazuʋa rino, makore awa anamakumi maʋiri namatatu, shoko raJehova raiʋuya kwandiri, ndikakutaurirai, ndicimuka maŋgwanani, ndicitaura; asi imi hamuna‐kuterera.

⁴Jehova wakatuma kwamuri ʋaranda ʋake ʋose ʋaprofita, acimuka maŋgwanani, aciʋatuma, asi imi hamuna‐kuterera, kana kurerekera nzeʋe dzenyu kuti munzwe,

⁵ʋaciti: Dzokai ɀino mumŋe nomumŋe panzira yake yakaipa, napaɀakaipa ɀamunoita, mugare munyika yamakapiwa naJehova, imi namadziɓaɓa enyu, kubva kare nakare kuȿikira pakusiŋgaperi;

⁶regai kuteʋera ʋamŋe ʋamŋari kuti muʋashumire, nokuʋanamata, murege kunditsamŋisa namaɓasa amaʋoko enyu; ini ndigorega kukuitirai ɀakaipa.

⁷Asi hamuna‐kunditerera — ndiɀo ɀinotaura Jehova — kuti munditsamŋise namaɓasa amaʋoko enyu, muitirwe ɀakaipa.

⁸Naiɀoɀo — ndiɀo ɀinotaura Jehova wehondo — ɀamusina‐kunzwa mashoko aŋgu,

⁹tarirai, ndicatuma shoko kumarudzi ose ari kurutiʋi rwokumsoro, ndiʋaʋuyise, nokunaNebukadrezari mambo weBabironi, muranda waŋgu, ndiʋaʋuyise ʋarwe nenyika ino, naʋagere’mo, namarudzi awa ose akaipoteredza; ndicaʋaparadza cose, nokuʋaita cishamiso, necinoridzirwa muridzo, namatoŋgo nokusiŋgaperi.

¹⁰Ndicabvisa ʋo kwaʋari inzwi rokuseka nenzwi rokufara, nenzwi recikomba, nenzwi romŋeŋga, nenzwi ramakuyo, neciedza comŋenje.

¹¹Nyika ino yose ricaʋa ɗoŋgo, necishamiso; marudzi awa acaɓatira mambo weBabironi makore anamakumi manomŋe.

¹²Ɀino kana makore anamakumi manomŋe apera — ndiɀo ɀinotaura Jehova — ndicaroʋa mambo weBabironi, norudzi urwo pamsoro peɀakaipa ɀaʋo, nenyika yaʋaKardea; ndicaiita matoŋgo nokusiŋgaperi.

¹³Ndicaʋuyisa pamsoro penyika iyo mashoko aŋgu ose andakataura pamsoro payo, ɀose ɀakanyorwa mubuku iyi, ɀakaprofitiwa naJeremia pamsoro pamarudzi ose.

¹⁴Nokuti marudzi mazhinji namadzimambo makuru ʋacaʋasuŋga iʋo ʋamene ʋaʋe ʋaranda ʋaʋo; ini ndicaʋaripira ɀakaenzana nokuɓata kwaʋo, neɀakaenzana neɓasa ramaʋoko aʋo.

¹⁵Nokuti Jehova Mŋari waIsraeri, wakati kwandiri: Tora mukombe uyu wewaini yokutsamŋa kwaŋgu paruʋoko rwaŋgu, unwise’po marudzi ose andinokutumira kwaari.

¹⁶Ʋacanwa, nokudzedzereka, nokupeŋga, nokuɗa kwomunondo wandicatuma pakati paʋo.

¹⁷Ipapo ndakatora mukombe paruʋoko rwaJehova, ndikanwisa marudzi ose, andakatumirwa kwaari naJehova;

¹⁸ʋaiti Jerusarema, namaguta aJuda, namadzimambo awo, namacinda awo, kuti ʋaitwe ɗoŋgo, necishamiso, necinoridzirwa muridzo, necinotukwa, seɀaɀakaita nhasi.

¹⁹NaFarao mambo weEgipita, naʋaranda ʋake, namacinda ake, naʋanhu ʋake ʋose;

²⁰namarudzi ose akaveŋgana, namadzimambo ose enyika yeUzi, namadzimambo ose enyika yaʋaFiristia, neAshkeroni, neGaza, neEkroni, naʋakasara ʋeAshdodi;

²¹naEdomi, naMoabi, naʋana ʋaAmoni;

²²namadzimambo ose eTire, namadzimambo ose eSidoni, namadzimambo eciwi ciri mhiri kweguŋgwa;

²³neDedani, neTema, neBuzi, naʋose ʋakaʋeʋurwa vudzi raʋo kumatiʋi;

²⁴namadzimambo ose eArabia, namadzimambo ose amarudzi akaveŋgana ʋanogara kurenje;

²⁵namadzimambo ose eZimri, namadzimambo ose eErami, namadzimambo ose aʋaMedia;

²⁶namadzimambo ose okumsoro, kure napedyo, mumŋe nomumŋe; noʋushe bgose bgenyika, ʋuri pasi pose; mambo weSheshaki ucanwa shure kwaʋo.

²⁷Ɀino iwe uti kwaʋari: Ɀanzi naJehova wehondo, Mŋari waIsraeri: Inwai, muɓatwe, murutse, muwe, murege kuzosimuka ɀe, nokuɗa kwomunondo wandicatuma pakati penyu.

²⁸Ɀino kana ʋaciramba kutora mukombe paruʋoko rwako kuti ʋanwe, ipapo uti kwaʋari: Ɀanzi naJehova wehondo: Munofanira kunwa, ɀirokwaɀo!

²⁹Nokuti tarirai ndinotaŋga kuitira ɀakaipa guta rakatumidzwa nezita raŋgu; ɀino imi muŋgaregwa cose musiŋgarobgi here? Hamuŋgaregwi musiŋgarobgi; nokuti ndicaɗana munondo pamsoro paʋose ʋagere panyika — ndiɀo ɀinotaura Jehova wehondo.

³⁰Naiɀoɀo iwe uʋaprofitere mashoko awa ose, uti kwaʋari: Jehova ucaʋomba ari kumsoro, ucaɓuɗisa inzwi rake ari paʋugaro bgake ʋutȿene; ucaʋombera mafuro ake; ucapururudzira ʋose ʋagere panyika, seɀinoita ʋanotsika mazambiriŋga.

³¹Mubvumo ucaȿika pamugumo wenyika pamene; nokuti Jehova unegakaʋa namarudzi, ucatoŋga nyama yose; kana ʋari ʋakaipa, ucaʋaisa kumunondo — ndiɀo ɀinotaura Jehova.

³²Ɀanzi naJehova wehondo: Tarirai, ɀakaipa ɀicaɓuɗa kunorumŋe rudzi ɀicienda kunorumŋe rudzi, neɗutu guru remhepo ricamutswa kumigumo yenyika.

³³Nezuʋa iro ʋakaʋurawa naJehova ʋacaʋa’po kubva kunomumŋe mugumo wenyika kuȿikira kunomumŋe mugumo wenyika; haʋaŋgacemŋi, kana kuʋuŋganidzwa, kana kuʋigwa; ʋacaʋa mupfudze pasi pose.

³⁴Wuŋgudzai, imi ʋafudzi, muceme; ʋumburukai mumaɗota, imi ʋakuru ʋamapoka; nokuti mazuʋa okuʋurawa kwenyu aȿika kwaɀo, nookuparadzirwa kwenyu, mucawira pasi somudziyo unoɗikanwa.

³⁵Ʋafudzi ʋacashaiwa matizire, naʋakuru ʋamapoka mapukunyukire.

³⁶Inzwai inzwi rokucema kwaʋafudzi, nokuwuŋgudza kwaʋakuru ʋamapoka! Nokuti Jehova unoparadza mafuro aʋo.

³⁷Mafuro orugare anoparadzwa nokutsamŋa kukuru kwaJehova.

³⁸Wakabva paanoʋanda seshumba; nokuti nyika yaʋo yaʋa cishamiso, nokuɗa kwokunyanya kwomunondo unomanikidza, ʋuye nokuɗa kwokutsamŋa kwake kukuru.