Read Original Shona Union Bible 1949 Baiberi Magwaro Matȿene aMŋari Jeremia 26 Bible Online

Jeremia 26 - Original Shona Union Bible 1949 Baiberi Magwaro Matȿene aMŋari bible

Jeremia 26

¹Ɀino pakuʋamba kwokuɓata ʋushe kwaJehoiakimi mŋanakomana waJosia, mambo waJuda, shoko iri rakabva kunaJehova, riciti:

²Ɀanzi naJehova: Mira paruʋazhe rweimba yaJehova, uʋudze maguta ose aJuda, anoʋuya kuzonamata mumba maJehova, mashoko ose andinokuraira kuti uʋaʋudze; usatapudza kunyaŋge neshoko rimŋe.

³Ɀimŋe ʋaŋgaterera, ʋakadzoka mumŋe nomumŋe panzira yake yakaipa; kuti ndiɀiɗembe pamsoro peɀakaipa ɀandinofuŋga kuʋaitira nokuɗa kweɀakaipa ɀaʋo ɀaʋanoita.

⁴Uti kwaʋari: Ɀanzi naJehova: Kana musiŋgaɗi kundinzwa, kuti mufambe nomurairo waŋgu, wandakaisa pamberi penyu,

⁵kuti munzwe mashoko aʋaranda ʋaŋgu ʋaprofita, ʋandinotuma kwamuri, ndicimuka maŋgwanani ndiciʋatuma, asi hamuna‐kunzwa;

⁶ɀino ndicaita imba ino iʋe seShiro, neguta rino ndicariita cinhu cinotukwa namarudzi ose enyika.

⁷Ʋaprista naʋaprofita naʋanhu ʋose ʋakanzwa Jeremia acitaura mashoko awa mumba maJehova.

⁸Ɀino Jeremia wakati apedza kutaura ɀose ɀaakaŋga arairwa naJehova kuti aʋudze ʋanhu ʋose, ʋaprista naʋaprofita naʋanhu ʋose ʋakamuɓata, ʋaciti: Ɀirokwaɀo, ucafa iwe.

⁹Wakaprofiterei nezita raJehova, uciti: Imba ino icaʋa seShiro, guta rino ricaʋa ɗoŋgo, risina‐unogara’mo? Ʋanhu ʋose ʋakaʋuŋganira Jeremia mumba maJehova.

¹⁰Ɀino macinda aJuda akati anzwa ɀinhu iɀi, ʋakaʋuya ʋacibva kuimba yamambo ʋakaenda kuimba yaJehova, ʋakagara pasi panopindwa pasuʋo idɀa reimba yaJehova.

¹¹Ipapo ʋaprista naʋaprofita ʋakataura namacinda ʋuye naʋanhu ʋose, ʋaciti: Munhu uyu wakafanira rufu, nokuti wakaprofitera guta rino ɀakaipa, seɀamakanzwa nenzeʋe dzenyu.

¹²Ipapo Jeremia wakataura namacinda ose ʋuye naʋanhu ʋose, aciti: Jehova ndiye wakandituma kuti ndiprofitere imba ino neguta rino mashoko ose amakanzwa.

¹³Naiɀoɀo ɀino natsai nzira dzenyu neɀamunoita, muterere inzwi raJehova Mŋari wenyu; ipapo Jehova ucaɀiɗemba pamsoro peɀakaipa ɀaakareʋa pamsoro penyu.

¹⁴Asi kana ndirini, tarirai, ndiri mumaʋoko enyu; ndiitirei ɀakanaka neɀakarurama pakuʋona kwenyu.

¹⁵Asi muziʋe ɀirokwaɀo, kuti kana mukandiʋuraya ini, mucaʋuyisa mhoȿa yeropa risinemhaka pamsoro penyu, napamsoro peguta rino, napamsoro paʋagere’mo; nokuti ɀirokwaɀo Jehova wakandituma kwamuri kuti nditaure mashoko awa ose munzeʋe dzenyu.

¹⁶Ipapo macinda naʋanhu ʋose ʋakati kuʋaprista naʋaprofita: Munhu uyu haafaniri rufu, nokuti wakataura nesu nezita raJehova Mŋari weɗu.

¹⁷Ɀino ʋamŋe ʋaʋakuru ʋenyika ʋakasimuka, ʋakataura neʋuŋgano yose yaʋanhu, ʋaciti:

¹⁸Mikaya muMorashtiti wakaprofita pamazuʋa aHezekia mambo waJuda; akataura naʋanhu ʋose ʋaJuda, aciti: Ɀanzi naJehova wehondo: Zioni ricarimŋa somunda, neJerusarema ricaʋa mirwi yamabge, negomo reimba ricaita senɀimbo dzakakwirira dzeɗondo.

¹⁹Ko Hezekia mambo waJuda, naʋaJuda ʋose ʋakamuʋuraya here? Ko haana‐kutya Jehova, akanyeŋgetera Jehova, Jehova akaɀiɗemba pamsoro peɀakaipa ɀaakaŋga areʋa pamsoro paʋo here? Saiɀoɀo tiŋgatadzira mŋeya yeɗu kwaɀo.

²⁰Ʋuye ɀe, kwakaŋga kunomunhu waiprofita nezita raJehova, wainzi Uria, mŋanakomana waShemaia weKiriati‐jearimi; iye wakaprofita ɀakaipa pamsoro peguta rino nenyika ino ɀakafanana namashoko ose aJeremia.

²¹Ɀino mambo Jehoiakimi, naʋakuru ʋake ʋose, namacinda ose, ʋakati ʋanzwa mashoko ake, mambo akatȿaka kumuʋuraya; asi Uria wakati aciɀinzwa, akatya, akatizira Egipita.

²²Mambo Jehoiakimi akatuma ʋanhu Egipita, ʋaiti Ernatani mŋanakomana waAkbori, naʋamŋe ʋanhu naye, ʋaende Egipita;

²³akandotora Uria Egipita, ʋakaʋuya naye kuna mambo Jehoiakimi, iye ndokumuʋuraya nomunondo, akakandira citunha cake mumarinda aʋanhu ʋasiŋgakudzwi.

²⁴Asi ruʋoko rwaAhikami mŋanakomana waShafani rwakaɓatsira Jeremia, ʋakasamuisa mumaʋoko aʋanhu kuti ʋamuʋuraye.