Read Original Shona Union Bible 1949 Baiberi Magwaro Matȿene aMŋari Jeremia 27 Bible Online

Jeremia 27 - Original Shona Union Bible 1949 Baiberi Magwaro Matȿene aMŋari bible

Jeremia 27

¹Pakuʋamba kwokuɓata ʋushe kwaJehoiakimi mŋanakomana waJosia, mambo waJuda, shoko iri rakaȿika kunaJeremia ricibva kunaJehova, riciti:

²Ɀanzi naJehova kwandiri: Ɀiitire ɀisuŋgo namatanda, uɀiise pamutsipa wako;

³uɀitumire kunamambo waEdomi, nokunamambo waMoabi, nokunamambo waʋana ʋaAmoni, nokunamambo weTire, nokunamambo weSidoni, noruʋoko rwenhume dzinoʋuya Jerusarema kunaZedekia mambo waJuda;

⁴utume shoko naʋo kunatenzi waʋo, uti: Ɀanzi naJehova wehondo, Mŋari waIsraeri: Mundoti kunatenzi wenyu:

⁵Ini ndakaita nyika, naʋanhu neɀipfuwo ɀiri pasi pose, nesimba raŋgu guru ʋuye noruʋoko rwaŋgu rwakatambanudzwa; ɀino ndinoɀipa wandinoti ndiye wakafanirwa naɀo.

⁶Ɀino ini ndakaisa nyika idzi dzose muruʋoko rwaNebukadnezari mambo weBabironi, muranda waŋgu; nemhuka dzose dzeɓundo ndakamupa ʋo kuti dzimushumire.

⁷Marudzi ose acamushumira, iye nomŋanakomana wake, nomŋanakomana womŋanakomana wake, kuȿikira ŋguʋa yenyika yake yaȿika ʋo; ipapo marudzi mazhinji namadzimambo makuru acamuita muranda waʋo.

⁸Ɀino rudzi rupi norupi noʋushe bgupi nobgupi ʋanoramba kushumira iye Nebukadnezari mambo weBabironi, ʋanoramba kuisa mutsipa waʋo pasi pejoko ramambo weBabironi, rudzi urwo ndicaruroʋa nomunondo ʋuye nenzara, nehosha yakaipa, kuȿikira ndaʋapedza noruʋoko rwake — ndiɀo ɀinotaura Jehova.

⁹Asi kana muri’mi, regai kuterera ʋaprofita ʋenyu, kana ʋaʋuki ʋenyu, kana kurota kwenyu, kana ʋafemberi ʋenyu, kana ʋaroyi ʋenyu, ʋanotaura nemi, ʋaciti: Hamuŋgashumiri mambo weBabironi;

¹⁰nokuti ʋanokuprofiterai nhema, kuti muiswe kure nenyika yenyu, kuti ini ndikudziŋgirei kunze, muparare.

¹¹Asi rudzi, rucaisa mutsipa warwo pasi pejoko ramambo weBabironi, nokumushumira, rudzi urwo ndicarutendera kugara munyika yarwo, ʋacairima, nokugara’mo — ndiɀo ɀinotaura Jehova.

¹²Ɀino ndikataura naZedekia mambo waJuda mashoko awa ose, ndiciti: Isai mitsipa yenyu pasi pejoko ramambo weBabironi, mumushumire iye naʋanhu ʋake, murarame.

¹³Mucafireiko, imi naʋanhu ʋenyu, nomunondo, ʋuye nenzara, nehosha yakaipa, seɀakataura Jehova pamsoro porudzi runoramba kushumira mambo weBabironi?

¹⁴Regai kuterera mashoko aʋaprofita ʋanotaura kwamuri ʋaciti: Hamuŋgashumiri mambo weBabironi; nokuti ʋanokuprofiterai nhema.

¹⁵Nokuti ini handina‐kuʋatuma — ndiɀo ɀinotaura Jehova — asi ʋanoprofita nhema nezita raŋgu; kuti ndikudziŋgirei kunze, mupere, imi naʋaprofita ʋanokuprofiterai.

¹⁶Ndakataura ʋo naʋaprista, ʋuye naʋanhu aʋa ʋose, ndikati: Ɀanzi naJehova: Regai kuterera mashoko aʋaprofita ʋenyu ʋanokuprofiterai, ʋaciti: Tarirai, midziyo yeimba yaJehova yoɗo‐kudzoswa icibva Babironi; nokuti ʋanokuprofiterai nhema.

¹⁷Regai kuʋaterera; shumirai mambo weBabironi, murarame; guta rino ricaitwa ɗoŋgo neiko?

¹⁸Asi kana ʋari ʋaprofita, kana shoko raJehova rinaʋo, ŋgaʋanyeŋgetere Jehova wehondo ɀino, kuti midziyo yakasara mumba maJehova nomumba mamambo waJuda, napaJerusarema, irege kuenda Babironi.

¹⁹Nokuti ɀanzi naJehova wehondo pamsoro pembiru, napamsoro peguŋgwa, napamsoro peɀigadziko, napamsoro pemidziyo yakasara muguta rino;

²⁰ɀisina‐kutorwa naNebukadnezari mambo weBabironi, paŋguʋa yaakatapa Jekonia, mŋanakomana waJehoiakimi, mambo waʋaJuda, paJerusarema, akamuisa Babironi, pamŋe cete naʋakuru ʋose ʋaʋaJuda naʋeJerusarema;

²¹nokuti ɀanzi naJehova wehondo, Mŋari waIsraeri, pamsoro pemidziyo yakasara mumba maJehova, nomumba mamambo waJuda, napaJerusarema:

²²Icandoiswa Babironi, ikagara’ko, kuȿikira zuʋa randicaʋashanyira — ndiɀo ɀinotaura Jehova; ipapo ndicaʋaʋuyisa ɀe, ndikaʋadzosera kunɀimbo ino.